Bændablaðið - 26.03.2015, Blaðsíða 22

22 Bændablaðið | Fimmtudagur 26. mars 2015
Aðalfundur Landssambands
kúabænda sem haldinn var í
Reykjavík 12. og 13. mars sl.
samþykkti alls 27 tillögur og
ályktanir, sem eru svohljóðandi:
1. Breytingar á samþykktum LK.
Aðalfundur Landssambands
kúabænda, haldinn í Reykjavík
12.–13. mars 2015 samþykkir
eftirfarandi breytingar á 10. gr.
í samþykktum félagsins. Greinin
verði svohljóðandi; ,,mál sem á
að taka til afgreiðslu á aðalfundi
LK skuli hafa borist skrifstofu
LK eigi síðar en 20 dögum fyrir
aðalfund“ en ekki 7 dögum eins
og nú er.
2. Aðalfundargögn
Aðalfundur Landssambands
kúabænda, haldinn í Reykjavík
12. og 13. mars 2015, beinir
því til stjórnar LK að gögn fyrir
aðalfundarfulltrúa berist þeim
tímanlega svo þeir geti kynnt
sér málefnin fyrir aðalfund.
3. Ljósleiðaravæðing
Aðalfundur Landssambands
kúabænda, haldinn í Reykjavík
12.–13. mars 2015, fagnar
ákvörðun stjórnvalda um
lagningu ljósleiðara um hinar
dreifðu byggðir landsins og
hvetur ríkisstjórnina til að setja
enn meiri fjármuni í verkefnið til
að flýta framkvæmd þess.
4. Vinnueftirlitið
Aðalfundur Landssambands
kúabænda, haldinn í Reykjavík
12.–13. mars 2015, hvetur
Vinnueftirlitið til að sinna
nauðsynlegu eftirliti með
búvélum. Mjög brýnt er að úr
því verði bætt, svo tryggja megi
sem best öryggi þeirra sem vinna
við landbúnað.
5. Neytendamerkingar nautgripa
kjöts
Aðalfundur Landssambands
kúabænda haldinn í Reykjavík
dagana 12.–13. mars 2015
ítrekar nauðsyn þess að bæta
neytendamerkingar fyrir íslenskt
nautgripakjöt.
Skýrar og auðsæjar uppruna-
merkingar í verslunum eru
sjálfsögð krafa fyrir íslenska
neytendur og framleiðendur.
6. Flutningur nautgripa milli
varnar hólfa.
Aðalfundur Landssambands
kúabænda, haldinn í Reykjavík
12.–13. mars 2015, hvetur
Matvælastofnun til að endurskoða
verklag varðandi flutning á
nautgripum milli varnarhólfa. Í
þeim efnum verði eingöngu horft
til garnaveikistöðu á því búi sem
flytja skal gripi frá.
Greinargerð
Í kjölfar hinnar gríðarmiklu aukningar
á eftirspurn eftir nautgripaafurðum
og aukinnar framleiðsluskyldu
mjólkurframleiðenda, hafa
viðskipti með lifandi gripi aukist
mjög. Bændum í sk. „hreinum“
varnarhólfum er þar verulega þrengri
stakkur skorinn en bændum á öðrum
landsvæðum m.t.t. möguleika á
viðskiptum með gripi, sökum þess
hve fá nautgripabú eru í hverju
varnarhólfi þar sem garnaveiki hefur
ekki orðið vart. Hyggist þeir kaupa
gripi utan síns hólfs, leggur það
verulega íþyngjandi kvaðir á herðar
seljanda m.t.t. sýnatöku og kostnaðar.
Einnig eru umtalsverð brögð að því
að prófin sem notuð eru gefi fölsk
jákvæð svör, sem geta haft alvarlegar
afleiðingar fyrir seljendur gripa. Í
skýrslu starfshóps frá 2008 um
áhættugreiningu vegna garnaveiki
í nautgripum á Íslandi kom fram,
að tjón nautgripabænda vegna
garnaveiki hefði nánast ekkert verið
undanfarna áratugi. Aftur á móti eru
dæmi um að varnaraðgerðir vegna
garnaveiki hafi valdið einstaklingum
umtalsverðu fjárhagstjóni. Núverandi
fyrirkomulag er ótækt frá sjónarhóli
nautgriparæktarinnar og er hvatt til
að það verði tekið til endurskoðunar
í samræmi við tillögur framangreinds
starfshóps.
7. Geymslurými fyrir búfjáráburð.
Aðalfundur Landssambands
kúabænda, haldinn í Reykjavík
12.–13. mars 2015, skorar á
umhverfisráðherra að framlengja
um 10 ár bráðabirgðaákvæði
reglugerðar nr. 804/1999, sem
mælir fyrir um frestun á gildistöku
ákvæðis 6. greinar sömu
reglugerðar varðandi 6 mánaða
geymslurými fyrir búfjáráburð.
Auk þess verði básafjós sem
hafa starfsleyfi samkvæmt
undanþáguákvæði reglugerðar nr.
1065/2014 um velferð nautgripa
að fullu undanþegin kröfu um 6
mánaða geymslurými fram til 31.
desember 2034.
Greinargerð
Framangreint bráðabirgðaákvæði
var framlengt um fimm ár árið 2010.
Ástæðan fyrir framlengingunni var
sú mikla óvissa um efnahagslega
stöðu fjölmargra kúabúa í kjölfar
efnahagsáfallsins 2008, sem gerði
þeim ókleift að fara í frekari
framkvæmdir. Einnig voru væntingar
um að nýting á hauggasi (metani)
myndu breyta forsendum fyrir
þörf á geymslurými. Þær hafa ekki
gengið eftir. Sökum þess hversu
langan tíma tók að fá niðurstöðu um
úrlausn skuldamála hefur svigrúmið
sem fékkst með framlengingu
bráðabirgðaákvæðisins heldur ekki
nýst sem skyldi. Við þetta bætist
síðan ákvæði reglugerðar um
velferð nautgripa sem bannar notkun
hefðbundinna básafjósa eftir 31.
desember 2034. Með því gerbreytast
forsendur fyrir endurbótum á þeim
fjósum. Fundurinn leggur til að lagt
verði mat á geymslurými mykju á
hérlendum kúabúum og gerðar verði
áætlanir um úrbætur þar sem þær
eiga við og teljast forsvaranlegar.
Jafnframt verði leitað hagkvæmustu
tæknilausna varðandi geymslu á
búfjáráburði.
8. Fjármögnun og rekstur LK til
framtíðar.
Aðalfundur Landssambands
kúabænda, haldinn í Reykjavík
12.–13. mars 2015, felur stjórn að
koma á fót starfshópi, í samstarfi
við aðildarfélög, sem hafi það
hlutverk að móta tillögur um
framtíðar fjármögnun samtaka
kúabænda og nauðsynlegar
breytingar á samþykktum, í kjölfar
afnáms innheimtu búnaðargjalds.
Niðurstöður hópsins liggi fyrir
eigi síðar en 1. október 2015 og
verði afgreiddar á fulltrúafundi
eigi síðar en 1. nóvember 2015.
9. Nautastöðin.
Aðalfundur Landssambands
kúabænda, haldinn í Reykjavík
12.–13. mars 2015, telur ekki
grundvöll til frekari viðræðna
við BÍ að svo komnu, um kaup á
Nautastöðinni á þeim forsendum
sem fyrir liggja.
Fundurinn lýsir fullum áhuga
á að vinna áfram að málinu til að
ná fram þeim markmiðum sem
upphaflega lágu til grundvallar.

10. Endurskoðun búfræðináms
Aðalfundur Landssambands
kúabænda, haldinn í Reykjavík
12.–13. mars 2015, fagnar
yfirstandandi endurskoðun
búfræðinámsins. Jafnframt hvetur
fundurinn til þess að leitað sé
leiða til að tengja búfræðinámið
betur við framhaldsskólakerfið,
t.d. með þróun búfræðiáfanga sem
boðið verði upp á í almennum
framhaldsskólum.
11. Fóðurleiðbeiningar
Aðalfundur Landssambands
kúabænda, haldinn í Reykjavík
12.–13. mars 2015, beinir því
til RML að setja aukinn kraft
og metnað í fóðurleiðbeiningar
til bænda, bæði í ljósi þeirra
tækifæra sem eru í mjólkur- og
nautakjötsframleiðslu og til
að standast samkeppni í sölu
fóðurleiðbeininga.
12. Viðurkenning til kúabænda
Aðalfundur Landssambands
kúabænda, haldinn í Reykjavík
12.–13. mars 2015, leggur til að
Landssamband kúabænda veiti
árlega viðurkenningu því kúabúi
sem þykir skara framúrskarandi
á sem flestum sviðum s.s. hárri
nyt, háum verðefnamælingum,
framleiðslu á framúrskarandi
nautakjöti, þátttöku í ræktunar-
og félagsstarfi og ásýnd býlis.
13. Samráðsvettvangur um
aðbún að og velferð nautgripa.
Aðalfundur Landssambands
kúabænda, haldinn í Reykjavík
12.–13. mars 2015, felur stjórn
að leita eftir samstarfi við
Matvælastofnun, búnaðar-
samböndin og RML um að gera
úttekt á umfangi og kostnaði
vegna nauðsynlegra endurbóta á
fjósum hérlendis, í samræmi við
ákvæði reglugerðar 1065/2014
um velferð nautgripa. Úttektinni
verði lokið eigi síðar en 1.
janúar 2017. Jafnframt skorar
fundurinn á sjávarútvegs- og
landbúnaðarráðherra að fresta
gildistöku 14. gr. framangreindrar
reglugerðar hvað varðar
stærðarmörk bása í básafjósum
til 31. desember 2018.
14. Dýralæknaþjónusta
Aðalfundur Landssambands
kúabænda, haldinn í Reykjavík
12.–13. mars 2015, skorar
á landbúnaðarráðherra að
tryggja nauðsynlega, almenna
dýralæknaþjónustu og bráða-
þjónustu við dýr um land allt í
samræmi við 1. grein reglugerðar
um dýralæknaþjónustu í dreifðum
byggðum. Núverandi ástand er
ólíðandi og algerlega á skjön við
þær skyldur sem bændum eru
lagðar á herðar með lögum um
dýravelferð.
15. Dýralæknamál
Aðalfundur Landssambands
kúabænda, haldinn í Reykjavík
12.–13. mars 2015, minnir á
fyrri samþykktir varðandi það að
löggjöf og reglum um afhendingu
dýralyfja verði breytt í þá átt að
kúabændur hafi möguleika á
að gera þjónustusamninga við
dýralækna, sem feli það í sér
að forvörnum sé meira sinnt
á kúabúunum og kúabændur
fái að eiga ákveðin lyf til að
hefja meðhöndlun á veikum
gripum í samráði við sinn
dýralækni. Bendir fundurinn á
að aðgengi að lyfjum getur verið
dýravelferðarmál enda sýnir
reynslan að dýralæknar eru ekki
ávallt til staðar þegar á þarf að
halda.
16. Rannsóknir í nautgriparækt
Aðalfundur Landssambands
kúabænda, haldinn í Reykjavík
12.–13. mars 2015, felur stjórn
LK að leita allra færra leiða til að
efla fagþekkingu í nautgriparækt
og viðhalda nauðsynlegri
rannsókna- og tilraunastarfsemi.
Greinargerð
Nútíma nautgriparækt byggist í
vaxandi mæli á fagþekkingu sem
nauðsynleg er til að takast á við
breytilegar framleiðsluaðstæður
og breytingar á neyslumynstri. Nú
hagar svo til að verulegur skortur
er á sérfræðiþekkingu í stoðkerfi
mjólkurframleiðslunnar, sem
Tillögur samþykktar á aðalfundi LK 12.–13. mars 2015
Aðalfundur 2015
Myndir / HKr.