Þjóðmál - 01.03.2009, Qupperneq 12

10 Þjóðmál VOR 2009
svo á alþjóðlegum baráttudegi kvenna
sunnudaginn 8 . mars, að Ingibjörg Sólrún
Gísladóttir boðaði til blaðamannafundar
á heimili sínu og lýsti yfir ákvörðun sinni
um, að draga sig í hlé frá stjórnmálastarfi .
Sagðist hún með þessari ákvörðun horfast
í augu við þá staðreynd, að veikindi
hennar gerðu henni ekki kleift að taka af
fullum krafti þátt í þeim verkefnum, sem
framundan væru . Hún hefði ekki náð þeim
hraða bata, sem hún hefði vænst, þegar hún
kynnti framboð sitt viku áður,
Hin óvænta tilkynning Ingibjargar
Sólrúnar kallaði á yfirlýsingar um for­
manns frambjóðendur en þau Jóhanna Sig­
urðardóttir og Össur Skarphéðinssoar tóku
af skarið um, að þau myndu ekki gefa kost
á sér . Össur sagðist hafa sinnt formennsku
í fimm ár . Jón Baldvin Hannibalsson taldi,
að hart yrði gengið að Jóhönnu, en hann
þekkti af eigin reynslu, að ekki væri auðvelt
að fá hana til að skipta um skoðun . Dagur
B . og Árni Páll vildu ekkert segja .
Þegar Ingibjörg Sólrún tók af skarið
höfðu fyrrverandi samráðherrar hennar
Björgvin G . Sigurðsson og Kristján Möller
hlotið efstu sæti, hvor í sínu kjördæmi, að
loknu prófkjöri . Gætti þungrar gagnrýnis­
öldu innan Samfylkingarinnar, vegna þess
að ekkert virtist vera að breytast í ásýnd
Samfylkingarinnar, þrátt fyrir bankahrunið .
Samfylkingin hefur boðað til landsþings
loka helgina í mars 2009 eins og sjálfstæðis­
menn . Það stefnir því í formannskjör í
báðum flokk um þessa sömu helgi .
VII .
Víst er, að uppgjör vegna bankahrunsins á eftir að taka á sig fleiri myndir en
birtist í því pólitíska umróti, sem hér
hefur verið lýst . Eitt er að stjórnmálamenn
takist á um mál á sínum vettvangi eða
stjórnmálaflokkar leitist við að skapa sér
nýja stöðu . Þar gilda önnur viðhorf en hjá
opinberum rannsóknaraðilum .
Alþingi hefur samþykkt tvenn lög, sem
snerta opinbera rannsókn vegna banka­
hruns ins . Annars vegar um þriggja manna
rannsókn arn efnd, sem starfar undir stjórn
dr . Páls Hreins sonar hæsta réttardómara .
Hins vegar um sérstakan saksóknara en
Ólafur Þór Hauks son, sýslumaður á Akra­
nesi, var skipaður í það embætti .
Pólítíska uppgjörið verður fyrr á
ferðinni en hið opinbera . Kosið verður
til alþingis 25 . apríl . Stefnt er að því að
skýrsla rannsóknarnefndarinnar birtist í
nóvember 2009 . Sérstaki saksóknarinn er,
þegar þetta er skráð, óánægður með, hve
fjármálaeftirlitið hefur verið tregt til að
afhenda sér gögn . Sú tregða kemur ekki
á óvart, því að við gerð frumvarpsins um
hinn sérstaka saksóknara var líklega tekið of
ríkt tillit til óska viðskiptaráðuneytisins um
sjálfstæði fjármálaeftirlits gagnvart hinum
sérstaka saksóknara .
Öruggt er: Síðasta orðið hefur ekki verið
sagt um fjármálahamfarir íslensku þjóðar­
innar og afleiðingar þeirra .