Þjóðmál - 01.03.2009, Qupperneq 38

36 Þjóðmál VOR 2009
Ásta Möller
Örlagaríkir haustdagar
á Alþingi
Þegar Alþingi kom saman 1 . október 2008 voru alvarlegar blikur á lofti í
efnahagsmálum þjóðarinnar . Þungur tónn
var því í ræðum þingmanna í umræðu um
stefnu ræðu forsætisráðherra að kvöldi næsta
dags .
Fyrr í vikunni hafði verið gert samkomulag
milli ríkisstjórnarinnar og helstu eigenda
Glitnis um að ríkissjóður legði bankanum
til nýtt hlutafé að höfðu samráði við
Seðlabankann og Fjármálaeftirlitið .
Þrátt fyrir þungar áhyggjur lögðu flestir
þingmenn til hughreystiorð til framtíðar og
hvernig við Íslendingar gætum unnið okkur
upp úr þeim vanda sem við þá stóðum
frammi fyrir . Þannig sagði sú sem hér
ritar eftirfarandi í umræðu um stefnuræðu
forsætisráðherra um framtíðarhorfur okkar
Íslendinga:
„Þótt boðaföll gangi nú yfir íslenskt
samfélag eru bjartari tímar fram undan
þegar til lengri tíma er litið … Við byggjum
á sterkum grunnviðum og getum mætt
áföllum og mótlæti betur en margir aðrir .
Ríkissjóður stendur sterkur og öfugt
við aðrar þjóðir hvílir ekki á honum
stór skuldabaggi gagnvart lífeyrisþegum
framtíðarinnar sem er eitt mesta áhyggjuefni
annarra vestrænna þjóða . . . Nánasta framtíð
er hins vegar óviss . Við höfum öll áhyggjur
af stöðu mála í dag . Við höfum áhyggjur
af afkomu fjölskyldna okkar, skuldastöðu
heimilanna, verðhækkunum, hugsanlegu
atvinnuleysi og áföllum þjóðarbúsins . Þetta
er ekki staða sem við höfum kosið okkur .
Við höfum hins vegar áður staðið frammi
fyrir óvissu og erfiðleikum og þá höfum
við borið gæfu til að standa þétt saman og
sigrast á þeim . Okkar styrkur er samhygð
og samstaða þegar á reynir . Okkar styrkur
er einnig traust stjórnmálaleg forusta sem
setur almannahag ofar öllu .“
Hvorki mig né aðra þingmenn grunaði þó
hvílíkir dagar væru framundan og að hrun
heils bankakerfis væri handan við hornið .
Gjörningaveður
Skollið var á gjörningaveður . Spár voru uppi um að bankakerfið yrði óvirkt og