Þjóðmál - 01.03.2009, Síða 67

Þjóðmál VOR 2009 65
hefði einungis átt örfá prósent í þessu félagi .
Aðrir hefðu stofnað það og stjórnað því,
hann hefði einungis komið að félaginu sem
lítill hluthafi .
Allir sem tengjast félaginu Fjárfar ehf .
á pappírum og skjölum fullyrða á hinn
bóginn að Jón Ásgeir Jóhannesson hafi
stjórnað félaginu frá upphafi á bak við
tjöldin og verið aðaleigandi þess .
Fjárfar ehf . fékk hundruð milljóna króna
að „láni“ frá almenningshlutafélaginu Baugi
og keypti m .a . 10­11 verslunarkeðjuna að
stór um hluta með peningum frá Baugi .
Litlar sem engar tryggingar voru settar fyrir
þessum lánum frá almenningshlutafélaginu
Baugi hf . Litlir sem engir vextir voru greiddir
af þessum lánum frá almenningshluta­
félaginu Baugi hf .
Hinn „leynilegi“ eigandi Fjárfars ehf .
hagn aðist því um hundruð milljóna
þegar hann seldi 10­11 keðjuna nokkrum
mánuðum síðar til almenningshlutafélagsins
Baugs með umtalsverðri álagningu .
Fjárfar ehf . tók einnig þátt í viðskiptum
með hlutabréf að verðmæti hundruð
milljóna króna í Straumi hf . og Trygginga­
miðstöðinni . Tryggingamiðstöðin er núna í
eigu Stoða hf . Og stærsti hluthafi Stoða hf .
heitir . . . Jón Ásgeir Jóhannesson .
En hver átti Fjárfar ehf .?
Fjárfar var stofnað, á pappírnum a .m .k .,
af Sigfúsi Sigfússyni, sem kenndur er við
Heklu hf ., og Sævari Jónssyni, sem kenndur
er við verslunina Leonard í Kringlunni .
Báðir þessir menn segjast hafa verið illi­
lega blekktir af Baugsmönnum . Í yfirheyrslu
hjá lögreglu og dómstólum sagði m .a .:
„Sigfús segir að hann hafi komið að stofn­
un þessa féags af vinargreiða við Tryggva
Jónsson . Sigfús segir aðkomu sína að rekstri
Fjárfars alls enga og hann hafi ekki unnið
neitt starf fyrir félagið .
Sigfús segir að hann vilji taka fram að
honum þykir miður hvernig nafn hans hafi
verið misnotað með þessum hætti af vini
sínum til margra ára, Tryggva Jónssyni .
Sigfús segir að hann vilji ennfremur taka
fram að hann telji sig hafa verið blekktan í
þessu máli .“
Ennfremur sagði í lögregluyfirheyrslum
yfir Sævari Jónssyni:
„Sævar segir að aðkoma hans að rekstri
félags ins sé engin og ekkert starf af hans
hendi .“
Auk Sigfúsar og Sævars voru fyrrverandi
eigendur 10­11 keðjunnar, hjónin Eiríkur
Sigurðsson og Helga Gísladóttir, skráðir
forsvarsmenn Fjárfars ehf . á pappírunum .
En í lögregluyfirheyrslum könnuðust þau
hjón ekkert við þessa aðild sína að Fjárfari:
„Aldrei hafi þau tekið neinar ákvarðanir í
þeim rekstri eða setið stjórnarfundi þess .“
En það voru fleiri sem skildu ekkert í
því að nöfn þeirra voru notuð án þeirrar
vitneskju á ýmsum pappírum/skjölum sem
varða Fjárfar .
Bíókóngurinn Árni Samúelsson var harð­
orður í yfirheyrslu hjá lögreglu . Lögreglan
sýndi honum afrit af almennum skilmálum
fyrir 450 milljóna króna láni frá Íslands­
banka ásamt viðaukum þar sem sagði m .a .:
„Fjárfar ehf . er nýstofnað fyrirtæki .
Félagið er stofnað af Heklu hf . og Sævari
Jónssyni . Á næstu dögum munu ganga til
liðs við félagið Tryggingamiðstöðin og Árni
Samúelsson . . . “ – Árni var spurður hvort
hann hefði komið að þessari lánveitingu hjá
Íslands banka:
„Árni segir að honum hafi ekki
verið kunnugt um þetta og hafi aldrei
séð þessa pappíra . Árni segir að hann
vilji árétta að hann sé for viða og mjög
ósáttur við hvernig nafn hans hafi ver ið
not að án leyfis með þessum hætti . Árni
segir að honum finnist þessi vinnubrögð
Íslandsbanka hf . með eindæmum, þ .e . að
lána 450 milljónir til félags án þess að kanna
hverjir væru þar að baki .“