Morgunblaðið - 12.09.2015, Side 20

20 FRÉTTIRInnlent
MORGUNBLAÐIÐ LAUGARDAGUR 12. SEPTEMBER 2015
Hæ sæti,
hvað ert þú að borða?
– fyrir dýrin þín
Bragðgott, hollt
og næringarríkt
Smáralind | Kringlunni | Reykjanesbæ | sími 511-2022
AMH – Akranesi – sími 431-2019 | www.dyrabaer.is
Þórunn Kristjánsdóttir
thorunn@mbl.is
Þessi veggspjöld, með myndum af þeim Sig-
tryggi Jóhannessyni átta ára nemanda í Lang-
holtsskóla og Illuga Gunnarssyni mennta-
málaráðherra, ásamt fjölda annarra prýða
Brussel um þessar mundir. Tilefnið er svokallað
ELINET verkefni á vegum Evrópusambands-
ins sem 28 ríki í Evrópu munu taka þátt í.
Tilgangur verkefnisins er að móta stefnu um
læsi í löndunum, styrkja það og draga þannig úr
fjölda barna, ungs fólks og fullorðinna í álfunni
sem hafa litla lestrarkunnáttu. Í vikunni verður
haldin ráðstefna um stefnumótun og stuðning
yfirvalda í Evrópu við þróun læsis allra íbúa, frá
leikskóla til fullorðinsára. Leitað var til nokk-
urra fulltrúa ELINET verkefnisins og þeir
fengnir til að deila hugleiðingum um lestur.
Veggspjöldin verða í kringum fundarstaðinn.
Þess má geta að Laurentien, prinsessa Hol-
lands, er verndari ELINET verkefnisins.
Vinna við verkefnið hefur staðið yfir frá árinu
2014 og mun ljúka árið 2016. Hér á landi hefur
vinnan við verkefnið einkum falist í því að búa
til skýrslu sem byggist á fjölþættum upplýs-
ingum m.a. um grunn- og framhaldsskólana,
fullorðinsfræðslu, stefnumörkun yfirvalda,
námsskrár, menntun kennara og foreldra.
Skoðað er læsi í öllum aldurshópum og sviðum,
allt frá kennslu í skólastofu til lesturs í daglegu
lífi.
Evrópusambandið vinnur úr 30 skýrslum
sem þeim mun berast. Út frá þessum upplýs-
ingum verða lagðar fram stefnumarkandi til-
lögur um hvernig efla megi lestur og læsi í Evr-
ópu.
„Ég vona að góðar tillögur komi úr þessu um
hvernig eigi og megi bæta læsi en í þessum
skýrslum koma fram miklar upplýsingar,“ segir
Erna Árnadóttir einn af aðstandendum verk-
efnisins en hún er einnig formaður Íslenska
lestrarfélagsins. Guðmundur B. Kristmundsson
frá Háskóla Íslands stendur einnig að verkefn-
inu.
„Ég held að við stöndum okkur nokkuð vel en
það er greinilegt að við þurfum að bæta margt.
Það sem vantar helst hjá okkur er að efla læsi
unglinga. Þar stöndum við ekki nógu vel að
vígi,“ segir Erna, spurð hvernig Íslendingar
standa sig í læsi til samanburðar við önnur
lönd.
Hún bendir á að hefðbundin lestrarkennsla
sé alla jafna í grunnskólum til 9 ára aldurs en
eftir það er hún ekki mikil. Þegar líður á skóla-
gönguna geti hið dulda ólæsi komið í ljós sem
verði síðar steinn í götu þessara barna. Hún
ítrekar að börnin verði að halda áfram að lesa
margskonar texta svo þau geti tileinkað sér
nýja þekkingu.
Lestur Sigtryggur er ánægður með hversu duglegir foreldrar hans eru að lesa fyrir hann. Bækur Heimur menntamálaráðherra í æsku stækkaði til muna eftir mikinn lestur.
Rýnt í læsi þjóðanna og stefna mótuð
 Ísland tekur þátt í verkefni sem mótar stefnu um læsi í Evrópusambandinu  Veggspjöld sem
vekja athygli á mikilvægi læsis prýða Brussel  Stöndum okkur sæmilega en megum gera betur
Allir ákærðu í Marple-málinu svo-
nefnda hafa farið fram á sýknu í mál-
inu. Embætti sérstaks saksóknara
ákærði þau Hreiðar Má Sigurðsson,
fyrrverandi forstjóra Kaupþings, og
Guðnýju Örnu Sveinsdóttur, fyrr-
verandi fjármálastjóra bankans, fyr-
ir fjárdrátt og umboðssvik. Magnús
Guðmundsson, fyrrverandi forstjóri
Kaupþings í Lúxemborg, er ákærður
fyrir hlutdeild í sömu brotum, og
Skúli Þorvaldsson, fjárfestir og
stærsti lántakandi Kaupþings um
tíma, er ákærður fyrir hylmingu og
peningaþvætti.
Saksóknari fór aftur á móti fram á
að ákærðu yrði gerð refsing og vísaði
meðal annars til ákvæðis í 72. grein
almennra hegningarlaga um aukna
refsingu, en þar segir að hafi maður
lagt í vana sinn að fremja brot eða
geri það í atvinnuskyni megi bæta
helmingi við refsinguna. Þá vísaði
saksóknari til þess að brotin væru
stærri, í fjármunum talið, en önnur
umboðssvikabrot sem hefði verið
dæmt í hér á landi og vísaði sérstak-
lega til dóms þar sem dæmt hafði
verið 4,5 ára fangelsi fyrir 1,5 millj-
arða umboðssvik.
Verjendur ákærðu bentu á móti á
að í því máli hefði verið horft til þess
að viðkomandi ætti hagsmuna að
gæta sjálfur í málinu. Ekkert slíkt
hefði komið fram í þessu máli.
Deilt um eignarhald Marple
Talsverður munur er á grundvall-
aratriðum í málflutningi Arnþrúðar
Þórarinsdóttur, saksóknara, og verj-
enda í málinu, m.a. hver sé eigandi
félagsins Marple og hvort samning-
arnir sem tveir þriðju hlutar málsins
eru byggðir á hafi yfirhöfuð verið
gerðir eða ekki.
Dómsuppsaga í Marple málinu
mun fara fram eftir sléttar fjórar
vikur, eða föstudaginn 9. október.
Aðalmeðferð málsins kláraðist í gær,
en hún tók heila viku.
Skúli Þorvaldsson, einn ákærðra,
gagnrýndi fjölmiðla fyrir að taka við
hvaða upplýsingum sem væri í
tengslum við þau mál sem væru til
rannsóknar og birta þær. Var hann
nokkuð hvassyrtur og beindi orðum
sínum beint að blaðamanni mbl.is
þegar hann sagði að fjölmiðlar ættu
einu sinni að rannsaka mál betur
sjálfir áður en hlutir væru birtir.
Morgunblaðið/Eggert
Marple Ákærðu fara fram á sýknu.
Krefjast sýknu í Marple-málinu
 Skúli Þorvaldsson, einn ákærðra, gagnrýndi fjölmiðla fyrir meðferð upplýsinga
Hinn árlegi haustmarkaður kristni-
boðsins verður haldinn í Kristni-
boðssalnum, Miðbæ, Háaleitisbraut
58-60, í dag laugardaginn 12. sept-
ember frá kl. 12-16.
Til sölu verður grænmeti, ávext-
ir, sultur, kökur, blóm og ýmislegt
til heimilishalds. Boðið verður upp
á vöfflur, heitt súkkulaði og kaffi
verður á könnunni.
Ágóðinn fer til að uppörva stríðs-
hrjáð fólk í Mið-Austurlöndum, seg-
ir í tilkynningu.
Markaður til styrkt-
ar stríðsþjáðu fólki