Skólavarðan - 01.11.2004, Síða 4

Fyrstu áfangapróf í tónlistarskólum 12
Kristín Stefánsdóttir, formaður prófanefndar tónlistarskóla fjallar um
reynsluna af nýjum áfangaprófum í tónlistarskólum.
Kjarasamningur undirritaður í skugga gerðardóms 16-17
Verkfall Félags grunnskólakennara í máli og myndum.
Starfskjarakönnun HASLA 18
Útdráttur úr skýrslu um rannsókn á vegum Hagrannsóknastofnunar samtaka
launafólks í almannaþjónustu.
Skólaganga í stríði og friði 20
Jóhanna Kristjóndsdóttir rithöfundur og helsti sérfræðingur Íslands í málefni
arabaþjóða skrifar fróðlega yfirlitsgrein um skólamál í löndunum sem eru
henni svo kær.
Góð gildi leiðarljós í skólastarfi 22
Edda Kjartansdóttir deildarstjóri í Vesturbæjarskóla skrifar um Vildarvogina
sem er spennandi þróunarverkefni þar á bæ en gildismat er þar í brennidepli.
Krakkakot á Höfn 23
Skólavarðan heimsótti leikskólann Krakkakot á Höfn í Hornafirði í haust og
fékk hlýjar móttökur barna og starfsfólks.
Sumarráðstefna NLS í Røros í Noregi 2004 24
Þriðji og síðast hluti greinar þeirra Egils Guðmundssonar, Guðlaugar
Erlu Gunnarsdóttur og Helgu Magnúsdóttur um ráðstefnu norrænu
kennarafélaganna.
Formannspistill 3
Elna Katrín Jónsdóttir formaður Félags framhaldsskólakennara skrifar.
Gestaskrif. Kynjafordómar 5
Halldóra Thoroddsen fjallar um kynjamun og hrekkjusvín. Hér er á ferðinni
fyndin og kostuleg grein sem vekur lesendur til umhugsunar.
Smiðshöggið. Því læra börnin málið
að það er fyrir þeim haft 30
Kolbrún Vigfúsdóttir leikskólaráðgjafi hjá Leikskólum Reykjavíkur skrifar um
tungumálið í íslensku fjölmenningarsamfélagi.
Að auki
Fréttir af kjaramálum, fundahöldum og fleiru fróðlegu fyrir
kennara.
Seyðisfjarðarskóli prýðir forsíðu Skólavörðunnar í þetta sinn. Þetta virðulega
hús er svokallað katalóg-hús frá Noregi byggt 1907. Um 100 nemendur stunda
nú nám við skólann og þar starfa 18 manns við kennslu. Ljósmyndina tók
Þorsteinn Arason skólastjóri.
Ritstjóri: Guðlaug Guðmundsdóttir gudlaug@ki.is
Ábyrgðarmaður: Helgi E. Helgason helgi@ki.is
Hönnun: Zetor ehf.
Ljósmyndun: Jón Svavarsson / motiv-mynd, nema annað sé tekið fram.
Teikningar: Ingi Jensson
Auglýsingar: Stella Kristinsdóttir stella@ki.is / sími 595 1142 eða 867-8959
Prentun: Svansprent
Forsíðumynd: Jón Svavarsson
Skólavarðan, s. 595 1118 (Guðlaug) og 595 1119 (Helgi).
Að verkfalli loknu
Haustið 2005 verður í minnum haft vegna verkfalls grunnskóla-
kennara. Það var þungbær ákvörðun fyrir félagsmenn í FG,
SÍ og forystu þeirra að fella niður skólastarf til að knýja fram
betri kjör en hjá því varð ekki komist. Engan óraði þó fyrir því
að kjaradeilan yrði svo langvinn og harðvítug sem raunin varð.
Í leiðara Morgunblaðsins 18. nóvember segir: „Kennarar fá með
þessum samningum einhverjar kjarabætur, en því verkefni að
tryggja kennurum viðunandi kjör er ennþá ólokið. Hugsanlega
var óraunhæft að ætla að það gerðist í einum áfanga.“ Hér er
tekið undir þessi orð og undirstrikað að fleiri kennarahópar eiga
eftir að fá kjör sín bætt.
Jafnréttisbarátta
Um 80% grunnskólakennara eru konur. Það virðist vera helsta
skýringin á bágum launakjörum stéttarinnar. Það virðist inngróið
mein í þjóðarsálinni hér á landi, sem og víða annars staðar, að
konur skuli hafa síðri kjör en karlar. En þó vill enginn viðurkenna
að það sé markmið sitt. Mér eru minnisstæð orð sem fyrrverandi
hagfræðingur BMH lét falla um að sá bóndi þætti ekki bústólpi
sem geymdi hluta af útsæði sínu úti í kuldanum. Útsæði ber ávöxt
í samræmi við hvernig að því er hlúð. Þessi góða myndhverfing
hefur oft komið mér í hug í haust þegar þessi sami hagfræðingur
þjónar hlutverki yfirbóndans í launanefnd sveitarfélaga. Ég rifja
upp myndhverfinguna þegar hann sest að samningaborðinu með
leikskóla- og tónlistarskólakennurum. Þær stéttir eru skipaðar
mörgum konum og nú er tækifæri til að rétta hlut þeirra með
verðugum kjarasamningum. Helmingur framhaldsskólakennara
er konur og samningar þeirra eru líka lausir. Minnt er á að verk-
fall þeirra stóð í tvo mánuði á sínum tíma, teygðist meira að segja
fram yfir jól og áramót. Það skilaði kjarabótum sem mega ekki
glatast því aukin starfsánægja fylgdi þeim kjarabótum.
Auglýsingamet
Hlutfall auglýsinga í Skólavörðunni skal að hámarki vera átta
blaðsíður. Aldrei hefur sala auglýsinga gengið svo vel að þetta
markmið hafi náðst fyrr en nú. Nýr auglýsingastjóri, Stella Krist-
insdóttir, hefur strax slegið met og fyllt auglýsingakvóta blaðsins.
Tekjurnar af auglýsingasölunni hafa tvöfaldast og kemur það sér
vel því útgáfan er dýr.
Gleðileg jól
Framundan er hátíð ljóss og friðar. Vonandi hefur öldur lægt
og vonandi geta kennarar fundið sanna jólagleði eftir nístings-
haust. Skólavarðan óskar þeim og fjölskyldum þeirra innilega
gleðilegra jóla og heillaríks komandi árs.
Guðlaug Guðmundsdóttir
4
LEIÐARIEFNISYFIRLIT
FASTIR LIÐIR
SKÓLAVARÐAN 9.TBL. 4. ÁRG. 2004
GREINAR
standa þétt saman
Kennarar