Skólavarðan - 01.11.2004, Síða 25

25
ÁRSFUNDIR
SKÓLAVARÐAN 9.TBL. 4. ÁRG. 2004
Ársfundur Félags leikskólakennara var
haldinn á Grand hóteli í Reykjavík 5.
nóv. sl. Fundinn sóttu, auk stjórnar FL
og varastjórnar, formenn svæðadeilda,
skólamálanefnd, samninganefnd, for-
menn fastanefnda og faghópa og for-
maður deildar leikskólakennara á eftir-
launum. Einnig sátu fundinn fulltrúar
FL í stjórnum og nefndum innan KÍ og
tveir fulltrúar frá Stúdentaráði Kenn-
araháskóla Íslands.
Ársfundur er haldinn annað hvert ár,
þ.e. þegar aðalfundur er ekki haldinn.
Á fundinum voru unnin hefðbundin
ársfundarstörf og síðan var kastljósinu
beint að einstökum þáttum í störfum leik-
skólakennara og fulltrúar í einstökum
deildum og nefndum innan KÍ gerðu
grein fyrir störfum sínum.
Blómlegt nefndastarf
Hrefna Hjálmarsdóttir fulltrúi í þema-
nefnd KÍ kynnti störf nefndarinnar á árinu
og fjallaði sérstaklega um menntun leik-
skólakennara í nágrannalöndunum. Ásta
María Björnsdóttir kynnti starf jafnréttis-
nefndar KÍ og drög að jafnréttisstefnu
sambandsins sem verður lögð fyrir þing KÍ
í mars nk. Elín Ásgrímsdóttir kynnti verk-
efni og starf vinnuumhverfisnefndar KÍ. Í
máli Elínar kom fram m.a. að sérstaða FL-
félaga væri sú mikla nánd sem þeir hefðu
við skjólstæðinga sína og aðstandendur
þeirra. Hún sagði að nefndin hefði leitað
fyrirmynda og nýtti sér reynslu félaga í
danska kennarasambandinu þegar kæmi
að vinnuumhverfismálum, en þar hefur
verið unnið að þeim málum í áratug. Að
sögn Elínar hefur nefndin unnið ötullega
að upplýsingasöfnun. Komið hefur í ljós
að leikskólakennarar eru almennt mjög
jákvæðir í garð starfs síns og vinnustaða.
Þeir telja starf sitt fjölbreytt og gefandi
og að þeirra mati er auðvelt að samræma
vinnutíma og einkalíf. Leikskólakennarar
eru auk þess iðnir við að sækja sér endur-
menntun. Neikvæðar hliðar starfsins eru
líkt og annars staðar að samstarfsörðug-
leikar koma upp, álag er mikið og tíð
starfsmannaskipti sem líklega helgast af
lágum launum. Hávaði á vinnustaðnum
er sérstaða í starfi leikskólakennara. Í lok
fundarins gerði Björg Bjarnadóttir for-
maður FL grein fyrir stöðu samningamála
FL og LN og fóru fram miklar umræður
og skoðanaskipti.
Umbylting á starfi og
hlutverki leikskóla
Jón Torfi Jónasson prófessor við HÍ sagði
að þróun skólakerfisins yfirleitt hefði
verið viðfangsefni sitt nú um árabil, en
hann hélt fyrirlestur um breytt viðhorf til
leikskólakennara og hvernig breyttir tímar
hefðu áhrif á starf þeirra.
Hann lýsti umgjörð leikskólans í skóla-
kerfinu og sagði að skólastigin hefðu
áhrif hvert á annað þó að almenna reglan
væri sú að efra stigið hefði sterkari áhrif
á það neðra en öfugt. Það þýðir að grunn-
skólastigið hefur mótandi áhrif á starf
leikskólans. Hann fjallaði einnig um þær
mælistikur sem notaðar eru til að meta
skólastarf og hvaða áhrif þær hafa á um-
gjörð, viðfangsefni, stöðu og ímynd leik-
skólans og leikskólakennara. Þá fjallaði
hann um takmarkanir mælistikunnar og
þann veruleika að sumt verður ekki mælt
með þeim mælistikum sem til eru.
Jón Torfi nefndi líka „verð- eða virðing-
argildi“ prófvottorða og stöðu leikskólans
og leikskólakennara í háskólasamfé-
laginu. Í máli hans kom fram að hlutverk
leikskólans hefði breyst mikið á stuttum
tíma, hann hefði þróast úr gæslustofnun í
það að verða hluti af hinu formlega skóla-
kerfi sem nú byggði starfið á námskrá í
stað uppeldisáætlunar áður. Þá væri stóra
spurningin hvernig þessum tíma barna í
leikskóla væri best varið?
Laun leikskólakennara eru í
ósamræmi við menntun og ábyrgð
Á fundinum var lögð fram skýrslan Vinnuað-
stæður og kjör í leikskólum á Íslandi 2004
en hún er útdráttur úr skýrslunni. Áhrif
kjarasamnings Félags leikskólakennara
og Launanefndar sveitarfélaga Höfundur
hennar er Harpa Njáls félagsfræðingur
Skýrslan er aðgengileg á heimasíðu
FL undir „Kjaramál“.
GG
Jón Torfi JónassonElín Ásgrímsdóttir