Skólavarðan - 01.11.2004, Qupperneq 10

10
SKÓLAVARÐAN 9.TBL. 4. ÁRG. 2004
Stjórn Orlofssjóðs Kennarasambands Íslands hefur
tekið á leigu hjá Sumarferðum.is tíu íbúðir í Calpe
á Spáni sumarið 2005. Einnig hefur stjórnin tekið á
leigu átta íbúðir og hús við bæinn Torrevieja. Alls er
boðið upp á 236 leiguvikur á Spáni í sumar.
CALPE
Calpe er fiskimannabær á Costa Blanca ströndinni. Orlofssjóður bauð mjög
ódýrar ferðir þangað í fyrsta sinn sumarið 2004 í samstarfi við Sumarferðir.
is. Bærinn hefur upp á margt að bjóða, m.a. tvær 11 km langar baðstrendur
sem hinn þekkti Ifach-klettur aðskilur. Skemmtileg söfn eru í gamla bænum,
fiskihöfn með fiskmarkaði þar sem hægt er að kaupa nýjan fisk og fylgjast
með uppboði á afla dagsins. Góðir matsölustaðir og fjölmargir golfvellir eru í
nágrenni bæjarins.
Flogið er til Alicante og Sumarferðir.is bjóða upp á rútuferðir á áfangastað
gegn vægu gjaldi komu- og brottfarardaga. Fararstjórar Sumarferða taka á
móti hópnum á flugvellinum og bjóða upp á ýmsar ferðir meðan á dvöl
stendur. Hægt er að panta bílaleigubíla hjá Sumarferðum.
Í sumar er boðið upp á dvöl á tveimur íbúðarhótelum: Hótel Apolo
Apartment og Amatista.
Vegalengd á nálæga staði: Benidorm 22 km - Valencia 120 km -
Alicante 62 km - Terra Mitica skemmtigarðurinn 25 km - Guadalest 21 km.
TORREVIEJA
Torrevieja er 41 km fyrir sunnan borgina Alicante á Costa Blanca ströndinni.
Orlofssjóður KÍ hefur boðið upp á gistingu í nágrenni bæjarins í nokkur ár.
Bærinn er umlukinn tveimur náttúrulegum saltvötnum. Strandlengjan er 20
km og strendurnar eru sex talsins.
Læknaþjónusta og heilsugæsla eru í nágrenninu. Rútuferðir eru til allra helstu
staða Spánar, til dæmis tekur um eina klukkustund að aka til Benidorm.
Fjölbreytt úrval af skemmtistöðum og veitingastöðum er á svæðinu.
Flogið er til Alicante og hefur Orlofssjóður samið við aðila um að aðstoða
fólk við að komast á leiðarenda gegn vægu gjaldi. Við mælum með að tekinn
sé bílaleigubíll þegar dvalið er við Torrevieja.
Húsnæðið er mismunandi stórt og skiptist í verðflokka I og II.
•Húsnæði SP3 – SP7 er fyrir fjóra fullorðna.
Verðflokkur I – A og B tímabil.
•Húsnæði SP8 – SP2 – SP4 er fyrir fjóra til fimm fullorðna.
Verðflokkur I – A og B tímabil.
•Húsnæði SP5 – SP9 er fyrir fjóra til fimm fullorðna.
Verðflokkur II – A og B tímabil.
•Húsnæði SP6 er fyrir fjóra til sex fullorðna.
Verðflokkur II – A og B tímabil.
Hagstæðar ferðir til Spánar fyrir
kennara og fjölskyldur þeirra
Nánari upplýsingar um Spánarferðinar eru á heimasíðu Orlofssjóðs http://ki.skyrr.is/orlof/spann/
Einnig er hægt að nálgast útprentaðar upplýsingar á skrifstofu Orlofssjóðs, Laufásvegi 81, Reykjavík eða í síma 595-1122.
Quesada
Hotel Apolo Apartment