Skólavarðan - 01.11.2004, Qupperneq 27

27
SKÓLAVARÐAN 9.TBL. 4. ÁRG. 2004
Stjórn og samninganefnd FF hefur haldið
fundi með félagsmönnum sínum í flestum
framhaldsskólum á landinu að undan-
förnu. Kjaramálin hafa verið megin fund-
arefnið og launaþróun ofarlega á baugi
í umræðum. FF hefur áhyggjur af því að
ríki og stjórnendum framhaldsskóla takist
ekki að halda launaþróun í framhalds-
skólum á svipuðu róli og hjá öðrum ríkis-
stofnunum. Í síðustu kjarasamningum var
kjörum í framhaldsskólum lyft með gríð-
arlegu átaki félagsmanna þannig að þau
stóðust samanburð við BHM að meðaltali.
Launaþróun á seinni hluta samningstíma
hefur verið framhaldsskólanum fremur
óhagstæð og ljóst að launaskrið er þar
minna en gengur og gerist - jafnvel hjá
öðrum ríkisstofnunum. FF telur mikilvægt
að fjármálaráðherra og menntamálaráð-
herra leggist á eitt með stéttarfélaginu
um að koma í veg fyrir að kennarar þurfi
að leggja í erfiðar kjaraaðgerðir oftar til
þess eins að njóta sambærilegra kjara og
aðrir starfsmenn ríkisins.
FF leggur áherslu á að skyggnast víðar
yfir sviðið og bendir á að allir opinberir
starfsmenn með sambærilega menntun og
ábyrgð í starfi og framhaldsskólakennarar
þurfi að líta til launa á almennum markaði
sem eru miklu hærri, til dæmis hjá sérfræð-
ingum. Um þetta vitna launakannanir
byggðar á upplýsingasöfnun annars vegar
frá kjararannsóknanefnd opinberra starfs-
manna og hins vegar frá kjararannsókna-
nefnd fyrir almenna markaðinn.
FF leggur áherslu á að stofnanasamn-
ingar í framhaldsskólum verði lagaðir að
þörfum og sérkennum framhaldsskólans
og að nýjum og breyttum verkefnum fram-
haldsskóla fylgi skilgreindar fjárveitingar.
Mikilvægt er einnig að sátt ríki um rekstur
framhaldsskóla, hallarekstri og árvissum
deilum um eðlilegar fjárveitingar í takt við
þróun nemendafjölda linni.
FF fylgist með framgangi áforma
menntamálaráðherra um að stytta náms-
tíma til stúdentsprófs, en almenn kynning
ráðherrans á því máli hefur dregist og ekki
liggur fyrir skýr yfirlýsing um að málinu
verði hrint í framkvæmd. Mikil andstaða
er við málið innan framhaldsskólans, bæði
af faglegum ástæðum og vegna þeirrar
gríðarlegu röskunar á högum og störfum
kennara sem myndi fylgja. Félagið hefur
undirbúið sig fyrir samningagerð af þessu
tilefni en telur málið í biðstöðu. Ljóst er að
kjarasamningi verður ekki lokað á næstu
vikum án þess að botn fáist í styttingar-
málið.
Elna Katrín Jónsdóttir
KJARAMÁL
Betri laun og fleiri tækifæri til starfsþróunar
Á meðan grunnskólakennarar hafa
staðið í erfiðri kjaradeilu og rutt braut-
ina fyrir önnur aðildarfélög KÍ hefur
minna farið fyrir samningaviðræðum
annarra kennara. Þetta á við um Félag
tónlistarskólakennara og kjaraviðræð-
ur þeirra.

Samningaviðræður tónlistarskóla-
kennara og Launanefndar sveitarfélaga
hafa þó staðið yfir frá því viðræðuáætlun
var undirrituð 23. september. Hún var
endurskoðuð þann 15. október og fram-
lengd til 25. nóvember. Frá þeim tíma
að formlegar viðræður hófust hafa verið
haldnir níu fundir með samningsaðilum.
Á fundum með LN hafa fulltrúar tón-
listarkennara kynnt áhersluatriði í kröfu-
gerð sinni og afmarkað umræðuefni
hvers fundar við ákveðin atriði. Fulltrúar
tónlistarkennara hafa fram til þessa lagt
fram hugmyndir og nánari útfærslur
á atriðum er varða starfstíma skóla og
kennslutímabil, kennsluskyldu og skipt-
ingu vinnutíma, launapott og málefni
skólastjórnenda. Á næstu fundum verður
byrjað að ræða uppbyggingu og tengingu
launataflna, þrepakerfis og starfsreynslu.
Samninganefnd Félags tónlistarskóla-
kennara skipar stjórn FT, Sigrún Grendal
Jóhannesdóttir, formaður, Árni Sigur-
bjarnarson, varaformaður, Hannes Þ.
Guðrúnarson, ritari, Kristín Stefánsdóttir,
gjaldkeri, Jón Hrólfur Sigurjónsson, með-
stjórnandi, og þrír kjörnir fulltrúar á
aðalfundi, Guðjón S. Þorláksson, Sigurður
Félag tónlistarskólakennara
fundar með Launanefnd sveitarfélaga
Tónlistarskólakennarar á svæðisþingi
FT og FÍH sl. haust.
Myndin sýnir
launaþróun BHM og
KÍ framhaldsskóla
í samanburði
við almenna
markaðinn. Eðlilegir
samanburðarhópar
við KÍ framhaldsskóla
eru sérfæðingar og
stjórnendur.
Sævarsson og Þórarinn Sigurbergsson. Á
vefsíðu félagsins birtast reglulega upplýs-
ingar um samningaviðræðurnar en einnig
er hægt að hafa samband við skrifstofu
félagsins ef frekari upplýsinga er óskað.