Skólavarðan - 01.11.2004, Page 24

24
MÁLÞING OG RÁÐSTEFNUR
SKÓLAVARÐAN 9.TBL. 4. ÁRG. 2004
Hér eru síðustu útdrættirnir úr skýrslu
þar sem stiklað er á stóru í nokkrum
fyrirlestrum á sumarráðstefnu NLS
sem haldin var í sumar í Røros í Noregi.
Skýrslan birtist í heild á heimasíðu KÍ
Steinar Lem rithöfundur og Loveleen
Rihel Brenna uppeldisfræðingur héldu
fyrirlestra um spurninguna ,,Respekt for
forskjellighet - hva betyr det sett i et
flerkulturelt perspektiv?“ Steinar Lem
sagði m.a. að siðfræðin (etik) gerði okkur
mennsk og tengdi okkur saman, en oft
yrði spenna milli trúar og samfélagslegra
aðstæðna. Umræða og gagnrýni á Norð-
urlöndum undanfarin u.þ.b.150 ár hefði
breytt kirkjunni og viðhorfum hennar,
þetta gæti einnig orðið raunin um mú-
hameðstrú.
Loveleen Rihel Brenna byggði sinn fyrir-
lestur á reynslu sinni af því að alast upp
í norsku þjóðfélagi með annan hörundslit
og bakgrunn. Hún er indversk í báðar ættir
en fædd og uppalin í Noregi. Hún sagði
að reglur og gildi, sem lagt var upp með
í uppeldi hennar, hefðu oft stangast á við
þær sem lögð var áhersla á í norska grunn-
skólanum. Þetta sagði hún hafa skapað
togstreitu og kvíða. Eins fannst henni
sem barni erfitt að skilgreina sjálfa sig og
velti því fyrir sér hvort hún væri indversk
eða norsk; henni fannst hún þá vera þar
einhvers staðar á milli.
Brenna benti einnig á
að það að vera öðru-
vísi væri ekki bara að
vera útlendingur með
aðra trú og siði. Ein-
staklingar, með sama
bakgrunn og umhverfi
og aðrir í bekk eða
hópi, gætu upplifað
sjálfa sig öðruvísi og
útundan.
Þessir fyrirlestrar
voru báðir mjög góðir
en þó að markmiðin
væru um margt lík
þá greindi þau á um
leiðir. Lem vildi skerpa
á andstæðunum til
að varpa skýru ljósi
á þau vandamál sem
uppi væru hverju sinni.
Þannig væri unnt að
greina þau og vinna
að lausnum. Loveleen
lagði áherslu á að
skoða þyrfti það sem
fólk ætti sameiginlegt
í stað þess sem sundur-
greinir það, ef nást
ætti sátt milli ólíkra
hópa og einstaklinga í
hverju samfélagi.
bekk eða hópi, gætu upplifað sjálfa sig
öðruvísi og útundan.
Inge Eidsvag lektor í Lillehammer flutti
erindi sem hann kallaði ,,Lærer - tror du
pa Jesus?“ Fyrirlestur Eidsvag var þó ekki
á trúarlegum nótum heldur fjallaði hann
um það hvernig viðhorf til barna og æsku
hefðu breyst í takt við breytingar á vest-
rænu samfélagi. Hann stiklaði á stóru og
horfði á barnið í sögulegu samhengi frá
miðöldum til dagsins í dag. Eftir að hafa
sett barnæskuna í sögulegt samhengi
færði Eidsvag sig yfir í skólaumhverfi sam-
tímans og sagði m.a. að reynsla hans væri
sú að ef kennari gæti svarað eftirtöldum
spurningum nemanda játandi þá væru
miklar líkur á að þeir næðu saman á skap-
andi og árangursríkan hátt:
• Hefur þú áhuga á mér?
• Sérð þú mig?
• Er pláss fyrir mig?
Við látum þessar spurningar fylgja með og
teljum hollt fyrir alla að velta þeim fyrir
sér.
Einn eftirmiðdag var gert hlé á form-
legum fundahöldum og farið í ýmsar
ferðir. Fyrst var farin skoðunarferð um
gamla bæinn í Røros sem er á heimsminja-
skrá UNESCO. Síðan gat fólk valið á milli
þess að skoða gömlu koparnámurnar
utan við bæinn, heimsækja heimili rithöf-
undarins Johan Falkberget, sem er líklega
þekktastur hér fyrir bókina um Bör Börson,
skoða handverksverkstæði eða taka þátt í
dansnámskeiði og læra ,,Rørospols“.
Ráðstefnan var vel skipulögð í alla staði
og eftir að formlegri fræðslu- og umræðu-
dagskrá lauk á daginn tók ýmislegt annað
áhugavert við. Það sem stendur þar helst
upp úr eru faglegir fyrirlestar, samskipti
við aðra kennara, skemmtilegar umræður
og áhugavert fólk sem er að fást við sam-
bærileg viðfangsefni.
Egill Guðmundsson, Guðlaug Erla Gunnars-
dóttir og Helga Magnúsdóttir
Sumarráðstefna
NLS í Røros