Skólavarðan - 01.11.2004, Qupperneq 26

RÁÐSTEFNUR
26
SKÓLAVARÐAN 9.TBL. 4. ÁRG. 2004
Árleg námstefna Skólastjórafélags Ís-
lands var haldin í félagsheimilinu Stapa
í Reykjanesbæ 22. og 23. október sl.
Þátttaka í námstefnum SÍ hefur verið
mjög góð undanfarin ár en nú var sleg-
ið met því þátttakendur voru alls 192.
Þema námstefnunnar var „Skóli án
aðgreiningar“. Hún hófst eftir hádegi
á föstudag og töluðu þá þrír fyrirlesarar
sem nálguðust efnið frá mismunandi
sjónarhornum. Fyrsta fyrirlesturinn flutti
dr. Gerður G. Óskarsdóttir, fræðslustjóri
í Reykjavík. Hún hefur staðið í fylkingar-
brjósti varðandi stefnumótun borgarinnar
við að koma á skóla án aðgreiningar.
Fjallaði hún um hugtakið skóli án aðgrein-
ingar, hvernig hún sæi framkvæmdina
og stefnu og helstu áherslur. Þá rakti
hún hvaða hugmyndir hefðu verið sóttar
til annarra landa og hvert. Næst talaði
Kristrún G. Guðmundsdóttir, skólastjóri
Hlíðaskóla, og að lokum Sif Vígþórsdóttir,
skólastjóri í Hallormsstaðaskóla, sem nú er
í námsleyfi. Þær nálguðust viðfangsefnið
út frá reynslu sinni en skólar þeirra beggja
hafa talsverða sérstöðu varðandi þetta
málefni.
Síðan störfuðu tíu vinnuhópar sem tóku
spurningar um þemað til umfjöllunar.
Þeir skiluðu skriflegum niðurstöðum sem
frekar verður unnið með.
Á laugardagsmorgni var viðfangsefnið
tekið fyrir út frá verkaskiptingu ríkis og
sveitarfélaga. Arthur Morthens, forstöðu-
maður þjónustusviðs Fræðslumiðstöðvar
Reykjavíkur, og Gunnar Gíslason, deildar-
stjóri skóladeildar Akureyrar, fjölluðu um
málið út frá sjónarhorni sveitarfélaganna
og skólaskrifstofanna. Elín Pálsdóttir,
forstöðumaður Jöfnunarsjóðs sveitarfé-
laga, og Stefán Hreiðarsson læknir sem
er ráðgjafi sjóðsins fjölluðu um reglur um
úthlutun fjár til sérkennslu og hvernig er
farið eftir þeim.
Námstefnan tókst í alla staði hið besta
og eru fyrirlesurum og öðrum sem lögðu
þar hönd á plóginn færðar bestu þakkir.
Fundargerð námstefnunnar og glærur
fyrirlesara eru inni á heimasíðu SÍ, undir
skólamál.
Jón Ingi Einarsson, starfsmaður SÍ.
Námstefna
Skólastjórafélags Íslands 2004
Aðalfundur Skólastjórafélags Íslands
var haldinn í félagsheimilinu Stapa í
Reykjanesbæ 23. október sl. Hanna
Hjartardóttir, formaður félagsins,
flutti skýrslu stjórnar og Auður Árný
Stefánsdóttir, gjaldkeri, lagði fram
reikninga sem voru samþykktir. Alls-
herjarnefnd, menntamálanefnd,
kjaranefnd og laganefnd starfa á
aðalfundum félagsins. Ályktunum
og málum var vísað til nefnda.
Fyrir laganefnd lá nú tillaga stjórnar
um lagabreytingu sem felur í sér að ein-
ungis skólastjórar, aðstoðarskólastjórar
og deildarstjórar á grunnskólastigi geti
átt aðild að SÍ. Gert er ráð fyrir að þeir
félagsmenn, t.d. starfsmenn skólaskrif-
stofa, sem eru í félaginu við gildistöku
lagabreytingarinnar geti verið þar
áfram óski þeir þess. Lagabreytingin
var samþykkt og fer hún þá fyrir stjórn
KÍ og væntanlega þing KÍ sem verður
haldið í mars nk.
Sigfús Grétarsson, fráfarandi varafor-
maður félagsins, gaf ekki kost á sér til
endurkjörs og voru honum þökkuð góð
störf í þágu félagsins. Anna Guðmunds-
dóttir, aðstoðarskólastjóri Hrafnagils-
skóla, var kosin í stjórn í stað Sigfúsar.
Aðrir stjórnarmenn voru endurkjörnir.
Stjórn SÍ 2004 - 2007 skipa því Hanna
Hjartardóttir, formaður, skólastjóri
Snælandsskóla, Anna Guðmundsdóttir,
aðstoðarskólastjóri Hrafnagilsskóla,
Auður Árný Stefánsdóttir, skólastjóri
Laugalækjarskóla, Kristinn Breiðfjörð
Guðmundsson, skólastjóri Foldaskóla
og Unnar Þór Böðvarsson, skólastjóri
Hvolsskóla. Varastjórn skipa Sigurður
Arnar Sigurðsson, deildarstjóri Grunda-
skóla, Guðlaug Erla Gunnarsdóttir,
aðstoðarskólastjóri Álftanesskóla og
Börkur Vígþórsson, skólastjóri Grunn-
skólans á Egilsstöðum/Eiðum.
Fundargerð aðalfundar er á
heimasíðu félagsins.
Jón Ingi Einarsson, starfsmaður SÍ.