Skólavarðan - 01.11.2004, Qupperneq 9

FULLTRÚAFUNDUR FF
9
SKÓLAVARÐAN 9.TBL. 4. ÁRG. 2004
Fulltrúafundur Félags framhaldsskóla-
kennara var haldinn 19. nóvember sl.
Mörg mál voru til umfjöllunar, þar á
meðal stytting námstíma til stúdents-
prófs. Karl Kristjánsson fulltrúi mennta-
málaráðuneytis kynnti stöðu málsins
og svaraði spurningum sem Elna Katrín
Jónsdóttir hafði tekið saman og sent
ráðuneytinu fyrir fundinn.
Í máli Karls kom fram að Þorgerður
Katrín Gunnarsdóttir menntamálaráð-
herra hefði ætlað að heimsækja alla fram-
haldsskóla í landinu og kynna skýrslu um
styttinguna sem kom út í haust en vegna
verkfalls grunnskólakennara hefði verið
fallið frá því. Heimsóknir ráðherra væru
fyrirhugaðar á vorönn en ljóst væri að end-
urskoða þyrfti fyrri framkvæmdaáætlun.
Karl sagði einnig að verið væri að ganga
frá bæklingi um styttinguna sem færi inn
á hvert heimili í landinu eftir áramótin.
Hann sagði að lítið hefði verið unnið í
þessu máli frá hendi ráðuneytisins út á við
en innan ráðuneytis hefði mikil vinna farið
fram. Oddný Harðardóttir verkefnisstjóri
hefur að sögn Karls unnið að því m.a. að
búa til starfslýsingar fyrir þá framhalds-
skólakennara sem vinna munu í hópum
á vegum ráðuneytisins við að skipuleggja
framkvæmd styttingarinnar.
Karl sagði að Oddný Harðardóttir hætti
störfum sem verkefnisstjóri 1. desember
en Oddný Hafberg, aðstoðarskólameistari
í Kvennaskólanum í Reykjavík, tæki við
starfi hennar. Í næsta tölublaði Skólavörð-
unnar verður fjallað nánar um styttingu
námstíma til stúdentsprófs.
GG
Oddný Hafberg tekur við verkefnisstjórn af Oddnýju Harðardóttur
Verkfall grunnskólakennara olli því
að ráðherra kynnti ekki styttinguna