Ritröð Guðfræðistofnunar - 01.09.2013, Blaðsíða 107

Hann túlkar Matt 11.2 844 á þann veg að boð Krists um kærleika og sjálfs-
fórn sé í raun bæði erfitt og þungbært. Til þess að verða sannur fylgisveinn
Krists, verður hann að lifa á sama máta og þeir sem byrðar hafa og erfiða.
Það eru þeir sem Jesús kallar til sín. Sá sem talar þar er ekki hinn upphafni
Jesús, sem situr við hægri hönd föðurins og kemur til með að dæma lifendur
og dauða, heldur er það hinn auðmýkti og lítillægði Jesús sem mælir. Þessu
er erfitt að mæta, en Kristi er aðeins hægt að trúa - en ekki þekkja. 45
I þriðja hluta verksins fæst Anti-Climacus við nokkurs konar ritskýringu
á Jóh 12.32.46 Þar útlistar hann hvernig Kristur - sem á sama tíma er
bæði Guð og maður - kallar einstaklinginn til eftirfylgdar við sig. Sú
eftirfylgd birtist í formi þjáningarfulls lífs, firá krossinum til krossins. Að
mati Anti-Climacusar á trúin að vekja einstaklinginn til meðvitundar um
aðeins Drottin Jesú Krist. Hann er miðpunkturinn og um hann hringsnýst
tilvistin, frá upphafi til enda. Angist og þjáning þessa heims er ekki eitthvað
sem hinn sannkristni ætti að óttast, eða hvort hann muni öðlast réttlátt og
gott líf í þessum heimi.47
Prófraunin er fólgin í því að verða kristinn og halda því til streitu. í henni
eru miklar og ósegjanlegar þjáningar fólgnar. Hún er þó ekki til vitnis um
grimmd kristninnar eða grimmd Krists, heldur eru grimmdin og þjáningin
falin í þeirri óumflýjanlegu staðreynd að hinn kristni þarf að lifa í heiminum
og upplifa hvað það er að verða kristinn. Hluti af þessum mikla sársauka er
bundin við þann ugg og ótta sem býr í innra lífi einstaklingsins. Því meira
sem hann leggur sig fram um að elska, sýna óeigingirni og fórnfysi, þeim
mun meira verður hann ásakaður um sjálfselsku. Gott dæmi um þetta er
prédikun prestsins á sunnudögum. Þar segir Anti-Climacus að í boðun
dönsku kirkjunar fái hinn sannkristni einstaklingur að heyra að líf hans
sé ekkert annað en ýktir og ókristilegir tilburðir. Hinn sannlega kristni
einstaklingur á hins vegar, að mati Anti-Climacusar, að neita að breiða yfir
sannan kjarna kristninnar.48
Mikill og sterkur greinarmunur er gerður á hinni einu sönnu fylgd við
Krist, og aðdáun á Kristi. Annars vegar eru fylgjendur Krists, en hins vegar
aðdáendur hans. Niðurstaða Anti-Climacusar af rannsókn á lífi Krists er sú
44 „Komið til mín, öll þér sem erfiðið og þunga eruð hlaðin, og ég mun veita yður hvíld.“
45 Kierkegaard, Practice, bls. 13-26.
46 „Og þegar ég verð hafinn upp frá jörðu mun ég draga alla til mín.““
47 Kierkegaard, Practice, bls. 153.
48 Sama heimild, bls. 197.
105