Ritröð Guðfræðistofnunar - 01.09.2013, Blaðsíða 195
Chopp að lokum, að markmið og frumskuldbinding almennra starfsgreina-
líkana geta ekki gagnast nema að litlu leyti í starfi og þjónustu kirkjunnar.30
Eins og sést af ofansögðu er enginn skortur á guðfræðilegum rökum
sem ganga gegn því sjónarmiði að fullnægjandi sé að styðjast við almennt
starfsgreinalíkan í kirkjulegu starfi. Veigamestu efasemdir af þeim toga tel
ég að hafi komið fram í skoðunum þeirra Camenisch og Chopp hér að
framan en vissulega má finna annars konar útfærslu svipaðra röksemda víða
í handraða samtíma guðfræðilegrar orðræðu. Eitt meginsjónarmiðið sem
birtist í mismunandi útfærslum hjá þeim guðfræðingum sem hafa efasemdir
um gagnsemi þess að styðjast um of við almennt fagmennskulíkan annarra
fagstétta snertir mismunandi markmið menntunar starfsgreina og þá um
leið þá frumskuldbindingu sem leiðir af því. Þetta kom skýrt fram hjá bæði
Camenisch og Chopp. Enn einn vinkill í svipaðri röksemdafærslu er að
menntun presta og djákna miði að samfélagsstarfi fremur en einstaklings-
starfi. Starf presta og djákna hafi fyrst og fremst það takmark að þjóna
söfnuðum sem heildum, svo sem í helgihaldi og á safnaðarvettvangi, og það
markmið sé ólíkt aðferðinni „maður á mann“ eins og eigi fremur við í starfi
lækna, lögfræðinga, sálfræðinga o.s.frv.31 Svipað má segja um þjónustu
vígðra þjóna kirkjunnar, þar má finna margar ólíkar röksemdafærslur sem
leiða að sama marki: Að undirstrika sérstöðu kirkjulegrar þjónustu. Þannig
virðist sem mikill meirihluti þeirra sem skrifa um efnið nú um stundir
sé þeirrar skoðunar að þjónustulíkan kirkjunnar sé ekki almennt heldur
einstakt enda grundvallist það á trúarlegum skilningi á því hver Jesús var.
Samkvæmt kristnum skilningi er litið þannig á að allt kristið fólk sé krafið
um þjónustu í anda Jesú Krists, sem er sonur Guðs, en sumir séu „fráteknir11
til sérstakrar þjónustu með vígslu. Markmið og þar með frumskuldbinding
starfs hinna fráteknu, vígðu þjóna er samkvæmt klassískum skilningi að
vera hirðar kristinna safnaða, fylgjast með hreinleika boðunar safnaðarins
og leiðrétta þá boðun, ef með þarf, í samræmi við fagnaðarerindi Guðs sem
birtist í lífi og starfi Jesú Krists á jörðinni.32 Síðast en ekki síst má nefna það
sem flestir koma inn á í hinni guðfræðilegu orðræðu með einum eða öðrum
30 Sama heimild, bls. 95-96.
31 M.L. Brownsberger, „Ethos, Incarnation, and Responsibility", James P. Wind o.fl., Clergy Ethics
in a Changing Society, 1991,bls. 134-155; Donna Schaper, Common Sense Ahout Men andWomen
in the Ministry, Washington, D.C.: Alban Institute, 1990, bls. 24.
32 Segja má að þessi áhersla sem birtist í bók Walters E. Wiest og E. A. Smith, Ethics in Ministry:
a guide for the professiotial, Minneapolis Minnesota: Augsburg Fortress Press, 1990, haFi verið
óslitin síðan þá.
193