Ritröð Guðfræðistofnunar - 01.09.2013, Blaðsíða 197
þjóna kirkjunnar megi leiða af kristinni túlkun á merkingu lífs, dauða og
upprisu Jesú Krists sem kirkjan játar sem Guðs son. Játningar kirkjunnar eru
grundvöllur kristins kirkju- og embættisskilnings og þann skilning staðfesta
prestar og djáknar í vígsluheitum sínum. Það er því í vígsluheitunum sem
hugsjón og markmið starfs þeirra í kirkjunni er tjáð með skýrum hætti.
Með vígslunni gangast prestar og djáknar því ekki almennri starfsgrein
á hönd heldur taka á sig sértækar skuldbindingar sem varða þá þjónustu
sem þeim er ætlað að veita. Frumskuldbindingu starfs þeirra, líkt og á við
um störf annarra starfsgreina, leiðir vissulega af hugsjón, en sú hugsjón er
ekki almenn hugsjón í þágu velferðar samfélagsins heldur er hún algerlega
einstök.
Þarfir, vaid og mörk í sambandi sem einkennist af fagmennsku
Umfjöllun greinarinnar fram að þessu hefur snúist um hvað starfssið-
fræði vígðra þjóna kirkjunnar annars vegar, og annarra starfsgreina hins
vegar, eigi sameiginlegt og hvað ekki. Svar dr. Marie Fortune við þeirri
spurningu, eins og mátti túlka það í fyrirlestri34 og á námskeiði35 sem hún
hélt í Reykjavík haustið 2011, er að öll vestræn starfssiðfræði eigi rætur
í Hippókratesareiðnum frá því á 4. öld fyrir Krist og mikilvægt sé fyrir
vígða þjóna kirkjunnar að þekkja þær meginhugmyndir sem komi fram
í almennum, vestrænum fagmennskulíkönum.36 Fortune heldur því ekki
fram sérstöðuviðhorfi, líkt og þau Camenisch og Chopp gera, heldur
leggur áherslu á hið sameiginlega í starfi t.d. lækna, kennara, lögfræðinga
og presta. Allar þessar starfsgreinar leggi áherslu á eftirfarandi: Köllun
til að þjóna fólki, sértæka hæfni sem fæst með víðtækri starfsþjálfun,
almennt viðurkennda mælikvarða á hæfni og frammistöðu, ábyrgð gagn-
vart þeim sem þiggja þjónustuna og að lokum það atriði sem hún ítrekaði
sérstaklega í framsögn sinni, bæði í fyrirlestri og á námskeiði, að vegna
hins einstaka sambands fagaðila og skjólstæðings beri fagaðilum að nota
vald með svipuðum hætti og tíðkast í svokölluðu íjárvörslusambandi (e.
fiduciary relationship) þar sem fjárvörslumanninum er ætíð gert að þjóna
34 Fyrirlescur dr. Marie M. Fortune var birtur í Ritröð Guðfræðistofiiunar 2011:2, bls. 9-17.
35 Þegar vitnað er í námskeiðið er vitnað í handbók sem Fortune studdist við í því samhengi,
Responding to Clergy Misconduct. A Handbook, Seattle: FaithTrust Institute, 2009 [1992].
36 Marie M. Fortune, „Wolves in Shepherds’ Clothing: Sexual Abuse by Pastors", Ritröð
Guðfreeðistofnunar, 2012, bls. bls.9 - 17, hér bls. 9.
195