Ritröð Guðfræðistofnunar - 01.09.2013, Blaðsíða 173
3.4 Presturinn sem þjónn og embœttismaður
Við hlið áðurnefndra áherslna helst hefðbundinn skilningur á prestsemb-
ættinu þar sem boðun fagnaðarerindisins og veiting sakramentanna er í
forgrunni. I skrifum sem birtust í kjölfar áðurnefndra greina kemur fram
visst óöryggi varðandi eðli og hlutverk prestsins innan safnaðar og samfélags.
Skrif Einars Sigurbjörnssonar um embættið má túlka sem viðbrögð við
þessum vanda. I þeim endurspeglast breytt hlutverk kirkjunnar innan
samfélagsins og mjög ólíkar aðstæður safnaða hvað meðlimi og staðsetningu
varðar. Einar leitar lausna á vandanum með því að skilgreina embættið í
samhengi uppruna þess í Ritningunni og í samhengi sögulegrar þróunar.
Einar leggur ríka áherslu á að embættið sé stofnsett af Kristi sem skilgreini
eðli, umfang og markmið þess. Samspils embættis og almenns prestsdóms
er sannarlega getið hjá Einari, en í umfjöllun hans fær hinn almenni prests-
dómur miðlægt vægi, m.a. í sambandi við þátttöku í helgihaldi kirkjunnar
og þá kærleiksþjónustu sem menn sinna með starfi sínu.70 Umfjöllun Einars
um prestsembættið er því bundin við kirkjuna sem samfélag trúaðra fyrst
og fremst en einnig stofnun sem lúti tilteknu skipulagi og reglum.
í grein Einars „Embætti orðsins - hið lútherska embættishugtak“ frá
árinu 1976 má finna megináherslur í embættisskilningi hans.71 Einar hafnar
þeirri fullyrðingu að í frumsöfnuðinum hafi til að byrja með ríkt frjáls
skipan andans, sem hafi verið leyst af hólmi með kaþólskri áherslu á
fastar skorðu, skipulag og hlýðni. I frumsöfnuðinum hafi guðsþjónustan og
safnaðarlífið frá upphafi lotið stjórn tiltekinna aðila. I honum var ætíð til
staðar embætti eða hirðishlutverk manna sem leiddu guðsþjónustuna, höfðu
eftirlit með kenningunni og daglegu lífi trúaðra.72 Fljótlega hafi komist á
embættisskipting milli biskups, öldunga og djákna. Framvindan varð sú
að staðbundið biskupsembætti varð að hluta til leyst af hólmi með prests-
embættinu og prests- og biskupsembættið urðu meginstoðin í embættiskerfi
kirkjunnar. Á miðöldum var hámark vígslustigans „talið felast í prests-
vígslunni þar sem vígsluþegi þáði hlutdeild í prestsdómi (sacerdotium) Krists
og öðlaðist við það vald til þess að umbreyta brauði og víni í líkama og blóð
70 Einar Sigurbjörnsson, „Embætti orðsins - hið lútherska embættishugtak", Orðið og trúin, bls. 55.
Sami, Embœttisgjörð, Reykjavík: Skálholtsútgáfan, 1996, bls. 25. Sami, Credo, Háskólaútgáfan og
Guðfræðistofnun: Reykjavík, 1989, bls. 357.
71 Einar Sigurbjörnsson, „Embætti orðsins - hið lútherska embættishugtak“, Orðið og trúin, bls.
37-66. Sami, Embattisgjörð, bls. 49-111.
72 Einar Sigurbjörnsson, „Embætti orðsins - hið lútherska embættishugtak“, Orðið og trúin, 43.
171