Félagsbréf - 01.12.1960, Blaðsíða 14

WILLIAM FAULKNER:
Tveir hermenn
William Faulkner fœddur 1897. Höfuðskál Bandaríkjanna nú. Hlaut bókmenntaverð-
laun Nóbels 1949. Um verk Faulkncrs vísast til formála eftir Krlstján Karlsson. að
býddum smásögum eftir Faulkner, er út komu hjá Almenna bókafélaginu 1956.
'y'ið Pétur lögðum í vana okkar að fara niður til Killigrews gamla að
hlusta á útvarp hjá honum. Við létum það dragast fram yfir kvöld-
mat að farið var að dimma og stóðum undir stofuglugganum hjá karlinum,
og heyrðum í útvarpinu,af því að kona Killigrews gamla var heyrnarsljó,
svo að hann skrúfaði upp í tækinu eins hátt og það komst, og við Pétur
heyrðum þannig allt eins vel í því, hýst ég við, eins og kerling Killigrews,
enda þótt við stæðum úti undir vegg og glugginn væri luktur.
En þetta kvöld sagði ég, „hvað? Japanar? Hvað þýðir perluhöfn?"', en
Pétur sagði, „þei.“
Þarna stóðum við, og það var kalt úti og hlustuðum á útvarpið tala,
nema hvað ég skildi hvorki upp né niður í því, sem sagt var. Svo sagði
maðurinn, að nú væri ekki fleira í fréttum að sinni og við Pétur löbbuð-
um aftur heimleiðis og hann sagði mér þá, hvað um var að vera. Því hann
var nú orðinn nærri tvítugur og hafði tekið prófið sitt í júní er leið og
vissi mikið: Japanar höfðu fleygt sprengjum á Perluhöfn, og að Perluhöfn
var handan við pollinn.
„Handan við hvaða polI,“ spurði ég. „Handan við stífluna, sem stjórnin
lét hlaða uppi við Oxford?“
„Nei,“ sagði Pétur. „Handan við stóra pollinn. Kyrrahafið.“
Við fórum heim. Pabbi og mamma voru sofnuð, og við Pétur lágum
vakandi í rúminu, og enn gat ég ekki komið þessu fyrir mig, en Pétur sagði
mér það aftur: Kyrrahafið.
„Hvað gengur að þér,“ sagði Pétur. „Þú ert að verða níu ára. Þú ert
búinn að vera í skóla allar götur síðan í september. Hefirðu ekkert lært
enn?“