Félagsbréf - 01.09.1964, Blaðsíða 26

fífil fegri; þá riðu þar hefðarmenn
um garða í skrautbúnum vögnum á-
samt fínum frúvum. Þá heyrðust þar
aðrar raddir í öðrum og glæsilegri söl-
um. Það tal er löngu hljóðnað, en
einstöku menn muna óm þess.
Umhverfið orkar á ímyndunar-
afl drengsins; hann svífur sem í
þoku, einhvers staðar milli svefns
og vöku, í sinni eigin draumaver-
öld. Lesandinn skynjar þennan veik-
geðja næma dreng, en sér hann ekki
fyrir sér. Höfundi tekst ekki að
draga upp heildarmynd af honutn;
hugarheimur drengsins er brotakennd-
ur. Einkum þykir mér Capote bregð-
ast bogalistin í lok sögunnar, þar sem
drengurinn sleppur úr prísund draums
og ímyndunar allt í einu, og sér veru-
leikann blasa við í einni sjónhending.
Við og við mundar höfundur mynda-
vélina og leiðir fram á sviðið persón-
ur án þess þó að lesandi missi nokk-
urn tíma sjónar á söguhetjunni. Auka-
persónurnar skýrast því að mun;
skyggja á söguhetjuna. Svertingja-
stelpan Zoo er t.d. með trúverðugustu
persónum bókarinnar. Idabel, stelpu-
gopinn á næsta bæ, er einnig sannferð-
ug í öllum sínum tryllingi. Eftirminni
legastur verður Randolph, misheppn-
aður listamaður, sem hvorki er karl
né kona. Höfundi tekst að gera hann
að sennilegri og geðfelldri persónu.
Capote kann vel þá list að bregða
upp skemmtilegum og lifandi smá-
myndum af fólki og landslagi. Og
Other Voices Other Rooms er býsna
vel skrifuð saga, þótt höfundur hafi
þá ekki enn náð þeim tökum á stíl, sem
einkennir síðari bækur hans og þá sér-
staklega The Grass Harp (1951).
Capote sækir gjarnan efnivið sinn
í líf unglingsins. Eins og í Other
Voices Other Rooms fjallar The Grass
Harp um sérkennilega reynslu ungs
manns, Collins Fenwick, sem segir sög-
una í fyrstu persónu.
Hann átti sjálfur þátt í ævintýrinu,
en hann er fremur áhorfandi en þátt-
takandi. Eftir allmörg ár snýr hann
aftur til æskustöðvanna og rifjar upp
bernsku sína. Hann hafði alizt upp
með tveimur systrum, Dolly og Ver-
önu Talbo. Þær bjuggu saman og áttu
sitt hús í svolitlu þorpi í Suðurríkjun-
um. Verena rak verzlun og var talin
ríkasta kona þorpsins. Dolly sá uni
húshald þeirra systra, ásamt Catherine
Creek, en í tómstundum sullaði hún
saman meðali, sem hún ein vissi upp-
skriftina að.
Uppskrift 'þessa ásælist Verena —
hún ætlar að afla þeim einkaleyfis á
lyfinu og hefja stórframleiðslu á þvi.
En Dolly hefur lifað fyrir þetta lyC
og neitar að láta uppskriftina af hendi
við systur sína, strýkur að heiman
ásamt drengnum Collin og Catherine
og flýr út í mörkina, þar sem þrenn-
ingin tekur sér bólfestu uppi í tre
nokkru. I þennan bústað leita tveir ein-
staklingar hælis, dómari þorpsins,
Cool, og Riley Henderson, töffgæi þess.
I raun er hér málaður heimur
í hnotskurn; inn í átök systranna flett-
22 FÉLAGSBRÉF