Félagsbréf - 01.09.1964, Page 36

Honum sveið fréttin stundum, ekki af
því liinir hlógu að henni heldur hugs-
aði hann til þess að Tico Feo sæi hana.
Samt klippti hann hana út úr blaðinu,
og geymir hana ásamt öðrum úrklipp-
um varðandi vin hans: meykerling
tjáði yfirvöldunum að liann hefði
komið heim til hennar og kysst hana;
tvisvar var hann sagður hafa sézt í
grennd við Mobile; loks var haldið
hann hefði farið úr landi.
Enginn hefur efazt um eignarrétt
hr. Schaeffer á gítarnum. Fyrir nokkr-
um mánuðum var nýjum fanga kom-
ið fyrir í svefnskálanum. Hann hafði
orð á sér fyrir að vera góður spilari,
og hr. Schaeffer var talinn á að ljá
'honum gítarinn. En hann sló alla tóna
falska, og það var engu líkara en Tico
Feo hefði formælt gítarnum um leið
og hann lék á hann síðasta morgun-
inn. Nú liggur hann undir rúmi hr.
Schaeffer, og glerperlurnar fölna;
á nóttunni seilist hönd stundum í hann
og fingur strjúka yfir strengina: ver-
öldin.
Sverrir Tómasson þýddi.
32 FÉLAGSBREF