Félagsbréf - 01.10.1964, Blaðsíða 9

kvödd eftir Ernest Hemingway, minnisverðust lýsing styrjaldarinnar í skáld-
skap. í síðari skáldsögum sínum fjallar Remarque um heimkomu hermannanna
úr styrjöldinni, líf og örlög flóltamanna undan nazistum á uppgangstímum
Hitlers, og heimamanna á stríðsárunum, undir stjórn nazista og í fangabúðum
þeirra. Sekt Þjóðverja, ábyrgð þeirra á því sem gerðist í þeirra nafni á valda-
skeiði Hitlers, er viðfangsefni sem hann glímir stöðugt við.
Síðasta skáldsaga Remarques, Nótt í Lissabon, gerist á stríðsárunum, árið
1942, í Lissabon, síðasta áfangastað tveggja þýzkra flóttamanna. Sagan segir
af ævi þeirra og örlögum eins og þau kristallast eina næturstund. Hún nýtur
allra stílkosta höfundar síns, enda af sumum talin fremsta verk hans til þessa.
Nótt í Lissabon kemur út hjá Almenna bókafélaginu fyrir jólin í þýðingu
Tómasar Guðmundssonar skálds. Bókin er um 300 bls. að stærð, prentuð í
Víkingsprenti.
Gjafabók 1964: Kvœði og visur Egils Skallagrímssonar
Egill Skallagrímsson hefur lengi verið eitthvert nafnkunnasta skáld á íslenzku,
en þó ótrúlegt megi heita hefur kvæðum hans og vísum aldrei til þessa verið
safnað í sérstaka bók. Gjafabók AB 1964 bætir úr þessu: þar eru kvæði Egils
þrjú, Höfuðlausn, Sonatorrek og Arinbjarnarkviða, og allar lausavísur honum
eignaðar, um 50 talsins. Jónas Kristjánsson cand. mag. sér um útgáfu bókar-
innar, ritar inngang og skýringar við vísurnar.
Gjafabókin verður ekki til sölu, en er gjöf Almenna bókafélagsins til þeirra
félagsmanna sem keypt hafa 6 eða fleiri AB-bækur á árinu. Hún er um 120
bls. að stærð, prentuð í Félagsprentsmiðjunni og bundin í Félagsbókbandinu.
Islenzk þjóðfrœði: Kvœði og dansleikir
Áður hefur verið sagt frá fyrslu bindunum í safni íslenzkrar þjóðfræði,
Kvæðum og dansleikjum, sem Almenna bókafélagið gefur út í haust. Jón M.
Samsonarson magister annast útgáfuna og ritar ítarlegan inngang að kvæðun-
Urn. I þessu Félagsbréfi eru birtir nokkrir þættir úr einum kafla inngangsins,
°g er þar fjallað um dansleikjahald á íslandi á fyrri öldum. Nefnist kaflinn
I gleðinni og hefst á bls. 12.
FÉLAGSBRÉF 5