RM: Ritlist og myndlist - 01.03.1948, Page 19

fimm mínútna leið frá bænum
RM
Tár mín streyma úr augum þínum undan augnahárum þínum
þau eru bæði mín og þín og ljósta upp um okkur bæði
Þú grætur af því að þú sérð og ég af því ég er blindur
Og þó speglast tár þín í mínum líkt og himinn í fljótinu
í fljótinu sem hefur þornað og er horfið niður í jörðina
Við grátum æ við grátum líkt og speglar tveir
Þú grætur af því að þú sérð grasið fullt af reyrflautum
Ég græt af því ég er blindur líkt og móðuslunginn kristall
Þú grætur af því að þú sérð markaðslúður
£g græt líkt og blind sprungan á botni lindarinnar
Þú grætur af því að þú sérð vögguna auða
Í3g græt í blindni blinds fáráðlingsins
Þú grætur af því að þú sérð það sem þú vilt ekki framar sjá
Nóttin gamli víngarðurinn þumlungast gegnum portið líkt og
svartur páfugl
Við göngum undir porthvelfinguna heyrið þið ekki í lírukassanum
Jafnvel spunarokkur kveður sér hljóðs
Og við heyrum ósýnilegar myllur skrölta
Ein myllan gefur okkur merki með rauðu ljóskeri
Það kemur á móti okkur þorp með ljósker í hendi
Líkt og þegar við hrökkvum upp við skarkala að næturþeli
Neistar næturinnar gnesta líkt og við þeflausa járnsmíði
Við reikum fimm mínútna Ieið frá bænum
Undir brúnni þar sem við tökum ofan fyrir Kristi
Hversvegna elska ég þig svona heitt og hvað er ást? Ég veit ekki
Nótt sem leiðir okkur gegnum blómstrandi bambuskjarr
Og hún er eins þögul og þú er þú horfir í f jarskann
Varir þínar eru tvö bréf i einu umslagi
Þunguð leyndarmáli og ég opna þau
Augu þin líkjast blánandi þokum
Þar sem næturvörðurinn þeytir jólalúður
Þar sem dísir byggðarinnar stíga hringdans
Þar sem villigæsir hefja flug sitt til hins óþekkta
Þar sem þú felur þig fyrir sjálfri þér í feimni
Þar sem þú skoppar tunnugjörð lítil telpa
Þar sem þú varpar þér í fljótið og í faðm minn
17