RM: Ritlist og myndlist - 01.03.1948, Page 85

RM
Böðvar Guðlaugsson:
Tvö kvæði
EINS OG HANN PABBI...
Héðan hóf faðir minn
heimanför mikla.
— Nú þræði ég slóðina
og þúfnakolla stikla.
Vandlega föður míns
fótspor ég þræði.
— Hér hefur faðir minn
hvílt sig í næði.
Ég glotti kalt til ykkar,
sem úrleiðis flýið.
— Varla hefur faðir minn
víxlsporin stigið!
Meira og meira líður
á langferðina mína.
— Hérna reisti faðir minn
höllina sína.
(Resmdar var nú höllin
úr rekavið og torfi,
og húsbóndinn rak búskap
með hrífu og orfi).
Vel hefur mér miðað;
— á morgun tyrfi ég þakið.
Svo nákvæmt hef ég fótsporin
hans föður míns rakið.
En hjá því getur ei farið,
að fótspor pabba hverfi.
— Og hérna drukku grannarnir
gamla mannsins erfi.
Nú er ég farinn að þreytast
á þessu ógnar labbi.
— Ég lenti sem sé i ógöngum
eins og hann pabbi.
í SJÚKRAHÚSI.
Utan við glugg og gler
er glaumur og hávær kæti.
Heilbrigða fólkið fer
fagnandi um torg og stræti.
Inn í hálfrökkrið hér
háværar raddir berast;
augu vor spyrja: Er
eitthvað markvert að gerast?
Hins vegar höfum vér
héðan þá frétt að segja:
Innan við gluggann er
ungur maður að deyja.
Örlög, sem enginn flýr,
og enginn máttur fær þokað.
— Þreytir oss götunnar gnýr,
hví er glugganum ekki lokað?

79