Morgunblaðið - 16.02.2016, Qupperneq 14

gjaldtökuna fyrr en allir aðilar
málsins eru orðnir samstiga um
markmið og leiðir, að sögn sveit-
arstjórans. Einnig þarf að ganga
frá deiliskipulagi, bæði fyrir um-
rædd svæði og nágrenni Skógafoss
þar sem einnig þykir þörf á brag-
arbót sem aðgangseyrir myndi
standa undir. Þá hefur verið rætt
um gjaldtöku við Sólheimajökul, í
Reynisfjöru og víðar og fólk á
svæðinu er að bera saman bækur
sínar um það mál.
þaðan inn í Þórsmörk. Frá bíla-
stæðunum yrðu svo lagðir stígar að
fossinum og önnur aðstaða útbúin.
Heildarkostnaður við þetta verkefni
er áætlaður um 80 milljónir króna.
Vegna þessa hefur verið sótt um
styrk úr Framkvæmdasjóði ferða-
mannastaða, hvaðan vænst er svars
fljótlega.
Allir séu samstiga
Tæpast verður þó hægt að fara í
framkvæmdir þessar eða hefja
14 FRÉTTIRInnlent
MORGUNBLAÐIÐ ÞRIÐJUDAGUR 16. FEBRÚAR 2016
Alls bárust 50 umsóknir í janúar frá einstaklingum frá níu löndum um
vernd á Íslandi, þar á meðal þrjár frá fylgdarlausum börnum frá Sýrlandi
og Albaníu. Til samanburðar bárust fjórtán hælisumsóknir í janúar árið
2015. Flestir umsækjendanna í janúar 2016 voru frá Albaníu, fimmtán
talsins. Næstflestar umsóknir, eða tólf, bárust frá Írökum og átta um-
sóknir bárust bæði frá Sýrlendingum og Makedóníumönnum. Tvær um-
sóknir bárust frá Afgönum og ein frá Bandaríkjamanni, ein frá Breta, ein
frá Ítala og ein frá Erítreu. Alls sótti 41 fullorðinn og níu börn um vernd.
Útlendingastofnun veitti fimm einstaklingum frá Írak og Íran hæli og
einum Letta dvalarleyfi af mannúðarástæðum.
Samkvæmt upplýsingum frá Rauða krossi Íslands veitti Kærunefnd
útlendingamála fimm hælisleitendum dvalarleyfi af mannúðarástæðum.
42 var synjað um vernd. Heildarhlutfall hælis- eða dvalarleyfisveitinga
hjá Útlendingastofnun var því 12,5% í janúar og meðalmálsmeðferð-
artími í þeim málum sem ákvarðað var í á tímabilinu 104 dagar.
Átta frá Makedóníu sóttu um
50 UMSÓKNIR UM VERND Í JANÚAR
Hæstiréttur dæmdi í síðustu viku, að gjaldtaka á vegum
Landeigenda Reykjahlíðar ehf. fyrir aðgang að Hverum
við Námafjall og Leirhjúk í Mývatnssveit hefði verið
óheimil. Þar var til lykta leitt ágreiningsmál milli eig-
enda Reykjahlíðar um aðgang að óskiptri sameign eig-
enda jarðarinnar. Sagði í dómi Hæstaréttar að gjaldtaka
af sameigninni hefði falið í sér meiriháttar
breytingu á nýtingu hennar og samþykki allra sameig-
enda hefði þurft til að taka slíka ákvörðun.
„Við munum taka tillit til þessa dóms. Það þarf ef til
vill að skýra betur leikreglurnar, sem fylgja þarf við inn-
heimtu aðgangseyris, svo við stöndum alveg rétt að framkvæmdinni,“
sagði Ísólfur Gylfi Pálmason.
Staðið sé rétt að framkvæmd
HÆSTARÉTTARDÓMUR UM GJALDTÖKU VEKUR SPURNINGAR
Ísólfur Gylfi
Pálmason
Sigurður Bogi Sævarsson
sbs@mbl.is
Í undirbúningi er að hefja nú í sum-
ar gjaldtöku af ferðamönnum sem
koma að Seljalandsfossi undir Eyja-
fjöllum. Nauðsyn þykir á slíku,
enda koma tugir þúsunda manna að
fossinum á ári hverju og fylgir því
talsvert umhverfisálag. Af þeim
sökum þykir nauðsynlegt að hefjast
handa um ýmsa uppbyggingu á
svæðinu, sem aðgangseyrir ætti að
mæta.
Svæðið við Seljalandsfoss er í
eigu sveitarfélagsins Rangárþings
eystra og ábúenda á Seljalandsbæj-
unum og Seljalandsseli. „Við þurf-
um að ná góðri samstöðu landeig-
enda við fossinn til þess að hægt sé
að hefja gjaldtöku og nýta þær
tekjur sem inn koma til uppbygg-
ingar þessa vinsæla áningarstaðar,“
sagði Ísólfur Gylfi Pálmason, sveit-
arstjóri Rangárþings eystra, í sam-
tali við Morgunblaðið.
Bílastæði verði færð
Síðustu misserin hafa landslags-
arkitektar og fleiri unnið að tillögu-
gerð um breytt aðgengi að Selja-
landsfossi. Hugmyndin er sú að ný
bílastæði verði útbúin nokkru fjær
fossinum en nú er, það er vestan við
veginn sem liggur að fossinum og
Morgunblaðið/Sigurður Bogi
Seljalandsfoss Í skoðun er að útbúin verði ný bílastæði, það er framar og lengra til vinstri miðað við þessa mynd.
Samstaða landeigenda
er forsenda gjaldtöku
 Aðgöngugjald í fjörum og við fossa og jökla í skoðun
Í fyrra afgreiddi Útlendingstofnun
20 umsóknir frá Makedóníumönn-
um, sem hafa óskað hælis hér á
landi vegna bágra efnahagslegra
aðstæðna sinna í heimalandinu.
Samkvæmt upplýsingum frá Út-
lendingastofnun var öllum um-
sóknunum hafnað. Ræðismaður
Makedóníu hér á landi sagði í
Morgunblaðinu í síðustu viku að
fólk frá landinu uppfyllti ekki skil-
yrði um veitingu hælis á Íslandi.
„Efnahagsástæður eru gegnum-
gangandi hjá Makedóníumönnum
og er fólk þá að leita að betra
efnahagslegu lífi,“ segir Skúli Á.
Sigurðsson, verkefnastjóri hæl-
ismála í efnismeðferð hjá Útlend-
ingastofnun. Hann segir að oft
komi fleiri ástæður við sögu, t.d.
fjölskylduerjur og veikindi.
„Það er skýrt að hæliskerfið er
neyðarkerfi sem er ætlað fólki
sem er á flótta undan ofsóknum,
ofbeldi og mannréttindabrotum,“
bætir Skúli við en sérstaka fyr-
irvara sé að finna í íslenskum
útlendingalögum og flóttamanna-
samningnum um að efnahagslegir
flóttamenn séu ekki flóttamenn í
skilningi sáttmálans.
Meðalmálsmeðferðartími hæl-
isumsókna hjá Útlendingastofnun
er nú 87 dagar eftir að nýtt verk-
lag var tekið upp og oft hafa börn
hafið skólagöngu hér á landi með-
an á biðinni stendur. „Það að þú
skapir þér tengsl við Ísland, sem
fólk vissulega gerir á þessum
tíma, gerir það ekki að verkum að
þú sért ofsóttur í heimalandi og
verðir flóttamaður fyrir þær sak-
ir,“ segir Skúli. Þó sé gert ráð fyr-
ir að hægt sé að veita dvalarleyfi
á grundvelli sérstakra tengsla í
útlendingalögum. Þó getur hæl-
ismeðferð ein og sér ekki orðið
grundvöllur dvalarleyfis vegna
sérstakra tengsla við Ísland held-
ur þarf raunverulegum tengslum
að vera til að dreifa, sem gæti t.d.
verið áralöng búseta eða fjöl-
skyldutengsl.
Unnið er að forgangsferli
„Það væri til mikils að vinna
fyrir kerfið ef umsóknum um hæli,
sem bersýnilega leiða ekki til veit-
ingar, yrði lokið hratt og örugg-
lega,“ segir Skúli en Útlendinga-
stofnun hefur unnið að því undan-
farna mánuði að sníða slíkt ferli.
Það er nú í prufukeyrslu og er því
m.a. ætlað að flýta meðferð mála
sem augljóslega leiða til veitingar.
„Við verðum þó líka að horfa til
þess að hingað leitar fólk í sárri
neyð, til dæmis frá Sýrlandi og
Írak, sem við höfum reynt eftir
bestu getu að forgangsraða.“
laufey@mbl.is
Koma hingað í leit
að betri afkomu
 Enginn frá Makedóníu fékk hæli
AFP
Flóttafólk Flóttamenn á landamær-
um Grikklands og Makedóníu.
Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma