Morgunblaðið - 16.02.2016, Qupperneq 38

38
MORGUNBLAÐIÐ ÞRIÐJUDAGUR 16. FEBRÚAR 2016
Hljómsveitin Jónsson & More stígur
á svið í kvöld og fagnar útgáfu síns
fyrsta geisladisks, No Way Out, í
Jazzklúbbnum Múlanum á Björtu-
loftum í Hörpu klukkan 21.00.
„Við munum aðallega spila lögin á
plötunni en það verður líka eitthvað
nýtt,“ segir Þorgrímur Jónsson,
einn meðlimur hljómsveitarinnar,
léttur í bragði enda mikil stemning í
hópnum fyrir tónleikunum. „Það er
mikil eftirvænting hjá okkur að fá að
kynna tónlistina okkar fyrir fólki.“
Á disknum kennir ýmissa grasa,
allt frá frjálsum spuna til lagrænna
og íhugulla tónsmíða. Hefur hann
þegar fengið frábæra dóma gagn-
rýnenda bæði innanlands og utan,
segir í upplýsingum frá Múlanum.
Góður jarðvegur fyrir jazz
Hljómsveitina skipa bræðurnir
Ólafur og Þorgrímur Jónssynir
ásamt Scott McLemore en þeir hafa
leikið saman síðan árið 2008. Ólafur
leikur á saxófón, Þorgrímur á
kontrabassa og Scott slær taktinn á
trommurnar.
„Við byrjuðum að spila lög eftir
aðra og fólk virtist kunna að meta
það þannig að við prófuðum að
semja tónlist sjálfir – afraksturinn af
því má svo heyra á disknum okkar,“
segir Þorgrímur en á Íslandi sé að
finna góðan jarðveg fyrir framgöngu
jazztónlistar. „Þetta eru fjölbreyttir
stílar sem verið er að spila og mikil
gróska í jazztónlistinni hér á landi.“
Því beri einnig að fagna að Jazz-
klúbburinn sé kominn á Björtuloftin
í Hörpunni en þangað reki marga er-
lenda ferðamenn og nái tónlistin því
til fleiri og fjölbreyttari eyrna. Múl-
inn er samstarfsverkefni Félags ís-
lenskra hljómlistamanna og Jazz-
vakningar. Miða má nálgast á
Harpa.is eða tix.is laufey@mbl.is
Frá spuna til
íhugulla tónsmíða
 Jónsson & More troða upp á Jazz-
klúbbnum Múlanum á Björtuloftum
Djass Hljómsveitina Jónsson & More
skipa Þorgrímur, Ólafur og Scott.
Silja Björk Huldudóttir
silja@mbl.is
Samspil dans og tónlistar er lykil-
þema á dagskrá sem Íslenski dans-
flokkurinn, Reykjavík Dance Festi-
val og Sónar Reykjavík standa fyrir
í Norðurljósasal eða SonarHall
fimmtudaginn 18. febrúar á Sónar
Reykjavík sem hefst sama dag. Á
dagskránni verður dansverkið All
Inclusive sem stjórnað er af Martin
Kilvady við tónlist eftir dúettinn
Mankan frumsýnt kl. 19 og sýnt aft-
ur kl. 21, en sýningin tekur 45 mín-
útur. Auk þess koma fram Milky-
whale, sem er samstarfsverkefni
FM Belfast meðlimsins Árna Rún-
ars Hlöðverssonar og dansarans og
danshöfundarins Melkorku S.
Magnúsdóttur, kl. 22.30 og Good
Moon Deer sem vinnur með dans-
höfundinum Sögu Sigurðardóttur kl.
23.30.
„Mér finnst mjög gaman að geta
komið aftur hingað til Íslands til að
vinna,“ segir Martin Kilvady, dans-
ari og danshöfundur, sem síðast
dansaði hérlendis á Listahátíð í
Reykjavík árið 2011. Þá kom hann
fram með Les Slovaks Dance Collec-
tive, en hann er einn af stofnendum
hópsins sem komið hefur fram víða
um heim. „Þið eigið ótrúlega mikið
af góðum dönsurum, ekki síst miðað
við hversu fámenn þjóðin er,“ segir
Kilvady.
Tilraunakennt dansverk
Spurður um dansverkið All inclu-
sive segir Kilvady það bjóða upp á
sjálfkrafa flæði hreyfinga og tónlist-
ar þar sem allt geti gerst. „Ég myndi
alls ekki kalla þetta spuna, enda er
mér ekkert sérlega vel við það orð.
Um leið og maður nefnir spuna þá
tengja margir það við tiltekinn stíl
eða nálgunaraðferð. Ég vil frekar
lýsa þessu sem einhverju tafarlausu
þar sem við bregðumst við tónlist-
inni í núinu,“ segir Kilvady og fer
fögrum orðum um dúettinn Mankan,
sem samanstendur af tónlistar-
mönnunum Kippi Kaninus og Tom
Manoury. „Forsvarsmenn Íd stungu
upp á samstarfi okkar og það reynd-
ist ljómandi góð hugmynd. Við náð-
um strax vel saman á fyrsta fundi og
í framhaldinu sendu þeir mér til-
lögur að tónlist sem ég byrjaði að
vinna út frá,“ segir Kilvady sem
dvalið hefur hérlendis sl. rúmar
tvær vikur við sköpun og lokaundir-
búning verksins.
„Sköpun verksins hefur gengið
mjög vel. Dansarar Íd eru mjög opn-
ir fyrir nýjum hugmyndir, sem er
frábært. Þeir hafa mikla reynslu
þegar kemur að nútímadansi, og það
kemur sér mjög vel. Í raun mætti
lýsa verkinu sem nokkurs konar tón-
leikum þar sem við dansararnir
bregðumst við tónlistinni. Þetta er
mjög tilraunakennt verk sem aðeins
lifir í núinu. Við dansararnir nýtum
okkur þekkingu okkar og reynslu til
að skapa hreyfimynstur þar sem
hægt er að rannsaka tengsl dans og
tónlistar. Áhorfendur eru yfirleitt
afslappaðri þegar kemur að tónlist.
Þeir eru tilbúnir að hlusta með opn-
um huga og njóta hughrifanna sem
tónlistin vekur án þess að vera upp-
teknir af einhvers konar merkingu
sem hugsanlega felist í tónlistinni.
Ósk mín er að áhorfendur verksins
horfi á dansinn með sama hætti og
þeir hlusta á tónlist. Við bjóðum upp
á hughrif þar sem við hlutgerum
tónlistina.“
Ekki aðeins afraksturinn
Spurður um titil verksins, All
inclusive, segir Kilvady að hann vísi
annars vegar til þess að hann vilji
skapa verk sem bjóði áhorfendum að
vera með í upplifuninni, og einnig sé
hann upptekinn af því að miðla öllu
því sem gerist í sköpunarferlinu.
„Margir líta framhjá þeirri þjálfun
og þeim undirbúningi sem dansinn
krefst og horfa bara á lokaafurðina,“
segir Kilvady og nefnir sem dæmi að
dansarar þurfi á hverjum einasta
morgni að gera æfingar til að búa
líkamann undir dansátök dagsins.
„Þetta er sambærilegt við íþrótta-
keppni. Almenningur sér aðeins
leikinn sjálfan og hefur því enga inn-
sýn í alla undirbúningsvinnuna, bæði
líkamlega og andlega, sem fram fer
áður. Mér finnst spennandi að skapa
dansverk sem nær utan um allt
sköpunarferlið, ekki aðeins afrakst-
urinn sem yfirleitt er sýndur.“
Lifa flökkulífi
Kilvady dansar sjálfur í verkinu
sínu og segir það algjörlega nauð-
synlegt til þess að útmá skilin milli
danshöfundar og dansara. Auk þess
taka þátt dansarar frá Íslenska
dansflokknum og tvær nánar sam-
starfskonur Kilvady, þær Kim Cey-
sens og Shai Faran. „Við Kim og
Shai höfum unnið saman sl. sex ár.
Shai, sem er frá Ísrael, býr í Berlín,
en Kim er belgísk og við búum bæði
í Belgíu. Við lifum miklu flökkulífi og
hittumst víðs vegar um heiminn til
að vinna saman. Okkur þótti ein-
staklega gaman að geta öll þrjú
komið hingað á sama tíma til að
skapa ný verk, sýna og kenna. Kim
er búin að vera að kenna í Kramhús-
inu og Shai við dansdeild Listahá-
skóla Íslands sl. þrjár vikur. Næstu
tvær vikurnar munu Kim og Shai
vinna að verkinu Showtime sem þær
sýna á Reykjavík Dance Festival í
Tjarnarbíói 2. mars.“
Bardagaíþróttirnar
leiddu mig út í dansinn
Ekki er hægt að sleppa Kilvady
án þess að grennslast fyrir um hvers
vegna dansinn hafi orðið fyrir valinu
hjá honum á sínum tíma. „Það er góð
spurning. Ég byrjaði frekar seint að
dansa, því ég var orðinn 17 ára þeg-
ar ég valdi dansinn. Dansinn var því
aldrei draumur sem mig dreymdi í
æsku og síðan varð að veruleika. Ég
vissi þó að mig langaði til að vinna
við eitthvað skapandi í skemmtilegu
og gefandi umhverfi auk þess sem
mig langaði til að vinna með líkam-
ann. Áður en kom að því að velja
dansinn hafði ég verið mjög dugleg-
ur við að klifra í fjöllum og stundað
bardagaíþróttir, en segja má að þær
íþróttir hafi leitt mig yfir í dansinn,
því það eru mikil líkindi milli þessara
tveggja þátta,“ segir Kilvady sem
ólst upp í Slóvakíu en býr í dag og
starfar í Brussel. Meðal dansflokka í
Evrópu sem hann hefur starfað með
má nefna Rosas, Roberto Olivan og
ZOO/Thomas Hauert.
Aðspurður segir hann starf sitt
kalla á allnokkur ferðalög. „Þegar ég
var yngri fannst mér ekkert mál að
búa í ferðatösku, ef svo mætti segja.
Þá stökk ég óhikað milli landa og
stoppaði aðeins í örfáa daga til þess
eins að sýna. Það fylgja því auðvitað
kostir við að ferðast mikið, en líka
gallar. Með tímanum fann ég í aukn-
um mæli hversu slítandi það er að
stoppa aðeins stutt hverju sinni og
því reyni ég alltaf, þegar ég kem því
við, að staldra lengur við á hverjum
stað,“ segir Kilvady og tekur fram
að hann hafi notið veru sinnar á Ís-
landi sl. þrjár vikur.
Flæði hreyfinga og tónlistar
 Dansverkið All Inclusive sem Martin Kilvady stjórnar verður frumsýnt á Sónar Reykjavík á
fimmtudag  Höfundur hefur skapað hreyfimynstur til að rannsaka tengsl dans og tónlistar
Morgunblaðið/Styrmir Kári
Val „Ég byrjaði frekar seint að dansa, því ég var orðinn 17 ára þegar ég valdi dansinn,“ segir Martin Kilvady.
Sónar Reykjavík 2016
–– Meira fyrir lesendur
ÍMARK DAGUR
Föstudaginn 4. mars gefur Morgunblaðið út
séblað, tileinkað ÍMARK deginum
PÖNTUNARTÍMI AUGLÝSINGA
Fyrir kl. 12, þriðjudaginn
1. mars
NÁNARI UPPLÝSINGAR
Katrín Theódórsdóttir
Sími: 569 1105 kata@mbl.is
Íslenski markaðsdagurinn verður
haldinn hátíðlegur með
veglegri ráðstefnu í
Háskólabíói 4. mars.