Morgunblaðið - 04.04.2016, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 4. APRÍL 2016
TENERIFE
11. apríl í 7 nætur
Netverð á mann frá kr. 119.900 m.v. 2 fullorðna í
herbergi.
Park Club
Europe
2FYRIR1
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
Frá kr.
119.900
m/allt innifalið
Helgi Bjarnason
helgi@mbl.is
„Búgreinin stendur á tímamótum
með nýjum búvörusamningi og
breyttum neysluvenjum. Það eru
bæði ógnanir og mikil tækifæri í ís-
lenskri mjólkurframleiðslu. Ég er
búinn að vera bóndi í fimmtán ár og
langaði að bjóða starfskrafta mína
fram á þessum vettvangi,“ segir
Arnar Árnason, bóndi á Hranastöð-
um í Eyjafirði, nýkjörinn formaður
Landssambands kúabænda.
Hann segist vilja hafa áhrif á
hvernig uppbyggingunni verði hag-
að til framtíðar, jafnt gagnvart
bændunum sjálfum, neytendum,
landinu og ímynd greinarinnar.
Gerðu „hlé“ á námi
Arnar og kona hans, Ásta Arn-
björg Pétursdóttir frá Hranastöð-
um, eru búfræðingar. Hann er einn-
ig iðnaðartæknifræðingur af
matvælasviði og hún er fjölskyldu-
meðferðarfræðingur. Hann lýsir því
hvernig það atvikaðist að þau hófu
búskap: „Ég var kominn með skóla-
vist í Danmörku til að ljúka mast-
ersnámi í iðnaðarverkfræði en þá
breyttust aðstæður vegna veikinda
tengdaföður míns og jörðin var til
sölu. Við ákváðum að gera hlé á námi
og prófa búskap í tvö ár. Það var
klárt að árin yrðu tvö og staðan síð-
an tekin en þau eru nú orðin fimm-
tán,“ segir Arnar.
Þau búa stórbúi á Hranastöðum.
Mjólka liðlega 100 kýr og hafa meira
en tvöfaldað gripafjöldann frá því
þau tóku við og hafa einnig tækni-
vætt búið.
Telur sig hafa sterkt bakland
Arnar var í hópi bænda sem gagn-
rýndu þau áform forystumanna
bænda og ríkisins að leggja af fram-
leiðslustýringu í mjólkurframleiðslu
við gerð búvörusamninga. Þau sjón-
armið áttu hljómgrunn meðal bænda
og forystan ákvað að breyta um
stefnu. Niðurstaðan varð sú að
ákvörðun um framtíð mjólkurkvót-
ans verður lögð í almenna atkvæða-
greiðslu meðal kúabænda eftir þrjú
ár. Arnar telur að framleiðslustýr-
ing sé nauðsynleg í mjólkurfram-
leiðslunni. Það sé aðallega vegna
þess hversu markaðurinn er við-
kvæmur og lítill.
Í kjölfar kosningar Arnars urðu
enn meiri breytingar á stjórn en þó
hafði blasað við vegna þess að
reynsluboltar sem urðu undir gáfu
ekki kost á sér áfram og þurfti að
endurnýja alla stjórnina. Auk þess lá
fyrir að framkvæmdastjóri samtak-
anna hafði sagt upp störfum eftir tíu
ára starf. Arnar segir að vissulega
fylgi því gallar að allir hætti í einu.
Þó megi einnig segja að það sé kost-
ur að byrja með hreint borð og síðan
sé hægt að sækja þá þekkingu sem
þurfi hjá forverum þeirra í starfi.
„Það er klárt að ég er formaður
allra kúabænda. Mitt hlutverk og
stjórnarinnar allrar er að sætta
sjónarmið, ef þau eru mjög á skjön. Í
þessum félagasamtökum eru um
1.200 manns og verða menn aldrei
alveg sammála. Ákvarðanir eru
teknar með hag greinarinnar að leið-
arljósi og reynt að taka tillit til sem
flestra sjónarmiða. Ég tel mig hafa
sterkt bakland eftir sigur í for-
mannskjörinu. Með hinum stjórn-
armönnunum kemur bæði reynsla
og ferskt blóð auk þess sem fulltrúi
nautakjötsframleiðenda tekur nú
sæti í stjórn,“ segir Arnar.
Morgunblaðið/Atli Vigfússon
Beit Kýrnar á Búvöllum í Aðaldal kunna vel við sig í kálinu síðsumars. Sveinbjörn Þór Sigurðsson er bóndinn.
Telur framleiðslu-
stýringu nauðsynlega
 Ungur bóndi kosinn formaður kúabænda á átakafundi
Ljósmynd/Bændablaðið
Formaður Arnar Árnason stýrir nú
samtökum kúabænda.
Ingvar Smári Birgisson
isb@mbl.is
Loftrýmisgæsla Atlantshafs-
bandalagsins (NATO) við Ísland
hefst að nýju í dag með komu flug-
sveitar bandaríska flughersins.
Flugsveitin kemur frá Air National
Guard í Westfield, Massachusetts.
Þetta kemur fram í tilkynningu frá
Landhelgisgæslunni.
Alls munu um 150 liðsmenn taka
þátt í verkefninu og til viðbótar
starfsmenn frá stjórnstöð NATO í
Uedem, Þýskalandi (Combined Air
Operations Center). Flugsveitin
kemur til landsins með fjórar F-15C
orrustuþotur og KC-135 eldsneyt-
isbirgðaflugvél. Þá er gert ráð fyrir
aðflugsæfingum að varaflugvöllum á
Akureyri og Egilsstöðum á tíma-
bilinu 5.-7. apríl. Ráðgert er að verk-
efninu ljúki fyrir lok apríl.
Jón B. Guðnason, framkvæmda-
stjóri lofthelgis- og öryggis-
málasviðs hjá Landhelgisgæslunni,
segir að verkefnið verði framkvæmt
með sama fyrirkomulagi og fyrri ár
og í samræmi við loftrýmisgæslu-
áætlun NATO fyrir Ísland. Þá segir
hann að níu þjóðir í NATO hafi tekið
þátt í loftrýmisgæslu við Ísland frá
árinu 2008.
Koma bandaríska hersins til Ís-
lands vakti athygli ytra og fjallaði
CNN meðal annars um verkefni
hersins á Íslandi á laugardag.
Langt í að framkvæmdir hefjist
Athygli vakti í febrúar þegar
varnarmálaráðuneyti Bandaríkj-
anna fór fram á fjárframlög upp á
2,7 milljarða króna til þess að gera
nauðsynlegar breytingar á flugskýli
á Keflavíkurflugvelli til þess að hægt
verði að koma P-8 eftirlitsflugvélum
fyrir í því en flugskýlið hefur verið
notað fyrir P-3 Orion eftirlitsflug-
vélar, sem hafa haft það verkefni að
fylgjast með rússneskum kafbátum í
Norður-Atlantshafi. „Framkvæmd-
irnar eru ekki hafnar. Nýtt fjár-
hagsár hefst ekki hjá bandaríska
ríkinu fyrr en 1. október, þannig að
það eru engar heimildir fyrir fram-
kvæmdunum fyrr en þá. Mín reynsla
með fjárlögin í Bandaríkjunum er að
þau eru ekki samþykkt fyrr en á síð-
ustu dögum þingsins í september og
stundum dregst það fram í október.
Hér hefjast væntanlega engar fram-
kvæmdir fyrr en það samþykki ligg-
ur fyrir,“ segir Jón.
Bandaríski herinn kominn aftur
 Hluti af venjubundinni lofthelgisgæslu NATO á Íslandi
Morgunblaðið/ÞÖK
Varnarmál Fjórar bandarískar or-
ustuþotur eru komnar til landsins.
Líney Sigurðardóttir
Þórshöfn
Grásleppuvertíðin á Þórshöfn byrjar
vel segir Sæmundur Einarsson út-
gerðarmaður þar. Hann gerir út
Manna ÞH 88 og hóf vertíðina fyrstur
útgerðarmanna á Þórshöfn, eða um
leið og páskahretinu slotaði, en veiðar
þessar hefur hann stundað í nærri
hálfa öld. „Meðaflinn er til óþurftar
og vindur upp netin. Það er bolta-
þorskur um allan sjó,“ sagði Sæ-
mundur sem hóf vertíðina fyrir tæpri
viku.
Góðir sölumöguleikar
„Ég er kominn með um sex tonn
af grásleppu og er bara sáttur. Þetta
lofar góðu. Verðið er hins vegar hulin
ráðgáta eins og vanalega,“ sagði Sæ-
mundur og þykir miður að byrja ver-
tíðina ár eftir ár án þess að hafa hug-
mynd um hvað hann fái fyrir aflann.
„Það virðist vera lenska að gefa
ekki upp neitt verð og samstaða hefur
ekki verið í smábátaflotanum um að
útgerðarmenn byrji ekki veiðar fyrr
en verð liggur fyrir. Hér á landi eru
þrír til fjórir stórir kaupendur sem
hafa verðið í hendi sér og ráða hver
niðurstaðan verður,“ sagði Sæmund-
ur. Hann telur að heimsmarkaður sé
ekki dvínandi og því góðir sölumögu-
leikar fyrir afurðirnar. Mikið er selt
til Frakklands og eitthvað hefur verið
kannað í Kína. Heimilt er að veiða í 20
daga en útgerðarmenn vona að dög-
um verði fjölgað eins og í fyrra.
Bátarnir verða átta
Sæmundur selur meðaflann
beint til Fiskmarkaðar Þórshafnar,
en Ísfélagið kaupir grásleppuna.
„Fjórir bátar eru byrjaðir á grá-
sleppuveiðum en þeir verða líklega
sjö til átta alls,“ sagði Sæmundur.
Þrír eru í áhöfn Manna á grásleppu-
vertíðinni; Egill bróðir hans hefur
verið með honum frá upphafi og Pól-
verjinn Jaroslaw Dabrowski í rúm tíu
ár.
Veiðin er góð en
verðið hulin ráðgáta
Morgunblaðið/Líney Sigurðardóttir
Sjómenn Jaroslaw Dabrowski og Sæmundur Einarsson hampa golþorskum
sem er meðafli sem kemur í net á grásleppuvertíðinni, en hún gengur vel.