Morgunblaðið - 04.04.2016, Blaðsíða 9

FRÉTTIR 9Innlent
MORGUNBLAÐIÐ MÁNUDAGUR 4. APRÍL 2016
„Flug er ferðaþjónusta og áhugi
fyrir þannig ævintýrum er mikill,“
segir Kristján Bergsteinsson hjá
Arctic Wings á Selfossi. Félagið,
sem stofnað var nýlega, fékk sl.
laugardag sex sæta vél af gerðinni
Piper Seneca sem keypt var frá
Tékklandi. Valdimar Ó. Jónasson
og Kári Guðbjörnsson flugu vélinni
frá Prag til Selfoss og voru rúman
sólarhring á leiðinni. Hjá Arctic
Wings þarf nú að ganga frá ýmsum
pappírum viðvíkjandi vélinni og
flugmenn fara í þjálfun. „Eftir mán-
uð ætti allt að vera klárt og flugtak
heimilt,“ segir Kristján Berg-
steinsson sem er atvinnuflugmaður
að mennt. Hann er einn eigenda
Arctic Wings sem í sumar verður
með þrjár flugvélar í útgerð, það er
Piper-vélina og tvær fjögurra sæta
vélar. Gert verður út frá Selfossi,
þaðan sem hægt verður að komast í
útsýnisflug til dæmis að Heklu og
Eyjafjallajökli. Þá verður boðið upp
á ferðir til Vestmannaeyja, Ísa-
fjarðar og til Grímseyjar þegar
miðnætursólin skín. sbs@mbl.is
Arctic Wings fær
tveggja hreyfla flugvél
Morgunblaðið/Sigurður Bogi
Flug Kristján Bergsteinsson, l.t.v., og Kári Guðbjörnsson og Valdimar Ó. Jónsson sem flugu vélinni frá Tékklandi.
Lögreglan á höfuðborgarsvæðinu
hafði í nógu að snúast í gærmorgun
milli kl. fimm og ellefu. Tilkynnt
var um ölvaðan mann í anddyri fjöl-
býlishúss í miðbænum. Við athugun
lögreglu kom í ljós að maðurinn
hafði farið húsavillt og var honum
þá gert að ganga heim til sín þegar
hann áttaði sig á hvar hann var
staddur.
Fimmtán ára gamall drengur í
Hafnarfirði tók bíl af heimili sínu
ófrjálsri hendi og var stöðvaður af
lögreglu með fjóra farþega í bif-
reiðinni. Ökumaðurinn má búast
við að fá sekt vegna athæfisins,
enda orðinn sakhæfur. Þá voru
fjórir stöðvaðir vegna gruns um að
aka undir áhrifum vímuefna.
Einnig var tilkynnt um yfirstand-
andi innbrot í bifreið í bílageymslu í
Kópavogi. Þegar lögreglan kom á
vettvang voru íbúar hússins búnir
að hefta för karlmanns á fertugs-
aldri sem hafði verið að brjótast inn
í bifreiðina. Var hann í talsvert
annarlegu ástandi og var handtek-
inn í framhaldinu og vistaður í
fangaklefa þangað til víman rennur
af honum.
Kvartað yfir
drukknum manni
sem fór húsavillt
Vertu upplýstur!
blattafram.is
FELST
AÐGERÐALEYSI ÞITT
Í AÐ SAMÞYKKJA
KYNFERÐISOFBELDI?
Í nótt var væntanleg til Keflavíkur-
flugvallar flugvél frá WOW sem fór
til Kanaríeyja að sækja farþega,
sem þar höfðu verið strandaglópar
síðan síðdegis á laugardag. Önnur
vél sem átti að flytja fólkið heim bil-
aði og raskaðist áætlun af þeim sök-
um. Farþegarnir, sem voru um 200,
dvöldust á hóteli ytra í fyrrinótt.
Voru svo ræstir upp í bítið í gær-
morgun og var þá farið með þá út á
flugvöll. Þar var þeim hins vegar
greint frá því að biðin yrði lengri.
Það var loks undir kvöld í gær að
vélin, sem send var utan, fór í loftið
frá flugvellinum á Las Palmas þar
sem stefnan var tekin til Íslands.
Farþegar sem höfðu samband við
mbl.is gagnrýndu að hafa ekki
fengið upplýsingar um stöðu mála.
Eftir kvartanir vegna þess bætti
WOW úr því með skilaboðasend-
ingum í síma farþega. Þeir voru þó
sumir ósáttir við að hafa ekki feng-
ið hressingu á flugvellinum. Einn
farþegi sagði þó hið gagnstæða og
að aðstaðan á vellinum væri ágæt,
en biðin væri vissulega leiðigjörn í
meira lagi. skuli@mbl.is /sbs@mbl.is
Seinkun um sólar-
hring og
farþegar ósáttir