Morgunblaðið - 04.04.2016, Blaðsíða 15

FRÉTTIR 15Erlent
MORGUNBLAÐIÐ MÁNUDAGUR 4. APRÍL 2016
Tónastöðin • Skipholti 50d • Reykjavík • sími 552 1185 • www.tonastodin.is
Landsins mesta
úrval af trommum
í öllum verð�lokkum.
Hjá okkur færðu
faglega þjónustu,
byggða á þekkingu
og áratuga reynslu.
Jón Birgir Eiríksson
jbe@mbl.is
Tugir hafa látist í átökum hermanna
Aserbaídsjans og Armeníu í hér-
aðinu Nagorno-Karabakh í Kákasus.
Átökin hófust á laugardag og brutust
aftur út í gær, þrátt fyrir fregnir um
að Aserar hefðu tilkynnt einhliða
vopnahlé aðfaranótt sunnudags.
Hersveitir beggja landa hafa ásak-
að hvorar aðrar um rof á vopna-
hléinu. Í tilkynningu frá varnar-
málaráðuneyti Aserbaídjans segir að
Armenar hafi gert yfir 130 árásir yfir
nóttina. Hersveitir Armena hafi
skotið úr fallbyssum, sprengjuvörp-
um og stórum vélbyssum. Aserar
hafi svarað skothríðinni, þrátt fyrir
einhliða vopnahlé af sinni hálfu.
Talsmaður armenska varnar-
málaráðuneytisins sagði Asera ítrek-
að gera árásir en þeim væri svarað
jafnóðum.
Talið er að 18 Armenar og 12
Aserar hafi látist í átökunum, tveir
óbreyttir borgarar hafi fallið og tíu
hafi særst.
Eldur í gömlum glæðum
Rússland og vesturveldin hafa
reynt að stilla til friðar á átakasvæð-
inu við Karabakh. Rússar eru banda-
menn Armena, en Vladimír Pútín
Rússlandsforseti hefur kallað eftir
tafarlausu vopnahléi og John Kerry
lýst því yfir að engin lausn fáist í deil-
ur landanna með hernaðarátökum.
Forseti Tyrklands, Recep Tayyip
Erdogan, hefur lýst yfir stuðningi við
Asera „þar til yfir lýkur“.
Deilur landanna tveggja má rekja
til þess að armenskir aðskilnaðar-
sinnar náðu yfirráðum í fjalllendi
Nagorno-Karabakh í byrjun tíunda
áratugarins. Vopnahlé náðist árið
1994, en friðarsamkomulag var aldr-
ei undirritað. Í frétt BBC segir að
eldur hafi verið borinn að „frosnu
stríði“.
AFP
Deilur Hlúð að særðum hermanni. 18 Aserar og 12 Armenar eru látnir.
Átök hafin að nýju
 Deila Asera og Armena vakin að
nýju  Tugir féllu í árásum hersveita
Jón Birgir Eiríksson
jbe@mbl.is
Tyrknesk yfirvöld undirbúa nú mót-
töku allt að 500 ólöglegra innflytj-
enda frá Grikklandi, þar á meðal
flóttamanna. Aðgerðin er hluti af
áætlun í samstarfi við Evrópusam-
bandið um að draga úr straumi ólög-
legra innflytjenda og áætlað er að
hún hefjist í dag.
Flutningar fólksins munu hefjast
frá grísku eyjunni Lesbos, en talið er
að flutningar frá fleiri grískum eyj-
um fylgi í kjölfarið. Grísk yfirvöld
hafa lítið viljað tjá sig um málið og
enn er óljóst hvernig aðgerðin verð-
ur framkvæmd, hverjir verði fluttir
og hve margir.
Samkvæmt samningi Tyrklands
og Evrópusambandsins eiga þeir á
hættu að verða sendir til baka sem
komu til Grikklands eftir 20. mars,
en í hverju máli verður tekin ákvörð-
un á einstaklingsgrundvelli.
Að sögn innanríkisráðherra Tyrk-
lands, Efkan Ala, eru yfirvöld þar
búin undir að taka á móti 500 manns
í dag, en grísk yfirvöld hafa gefið
tyrkneskum yfirvöldum 400 nöfn
þeirra sem fluttir verða.
Rauði hálfmáninn í Tyrklandi hef-
ur útbúið flóttamannabúðir sem
rúma um 5.000 manns.
Einnig flutningar til Evrópu
Sem mótvægi við aðgerðir ESB og
Tyrklands, er samkvæmt samkomu-
laginu áætlað að fyrir hvern sýr-
lenskan flóttamann sem fluttur er
suður á bóginn, verði annar sýr-
lenskur flóttamaður sendur frá
Tyrklandi til landa Evrópusam-
bandsins. Samkvæmt samkomulag-
inu getur fjöldi þeirra hæst náð 72
þúsundum. Þýskaland tekur við um
35 flóttamönnum í dag, en einnig
verða þeir fluttir til Frakklands,
Finnlands og Portúgals. Um 52 þús-
und flóttamenn eru nú fastir í Grikk-
landi í kjölfar þess að ríkin á Balkan-
skaga lokuðu landamærum sínum
fyrir straumi flóttamanna
Hugmyndin að baki flutningum
beint norður á bóginn er sögð vera
sú að forða flóttamönnum frá því að
taka sér far með vafasömum leiðum,
en fjöldi flóttamanna hefur látist á
leið sinni um Miðjarðarhafið.
Amnesty International hefur
gagnrýnt áætlun ESB og sagt hana
haldna „banvænum göllum“. Rann-
sóknir samtakanna bendi til þess að
landið neyði um hundrað Sýrlend-
inga aftur til heimalands síns á degi
hverjum.
Hundruð flóttamanna
flutt til Tyrklands
AFP
Grikkland Ungur sýrlenskur drengur í Grikklandi heldur uppi mótmælaspjaldi vegna flutninga flóttamanna til
Tyrklands. Áætlað er að um 500 flóttamenn verði fluttir í dag, en alls eru um 32.000 flóttamenn á grísku eyjunum.
 Um 500 flóttamenn verða fluttir frá eyjunni Lesbos í dag
Zaventem-flugvöllur í Brussel var
opnaður að nýju í gær, tólf dögum
eftir að hryðjuverkaárás var fram-
in þar af Ríki íslams. Farþegar
þurftu að undirgangast strangari
öryggisleit en áður var og þeir
beðnir um að mæta til innritunar
minnst þremur tímum fyrir brott-
för. Innritunin fór fram í tjöldum,
staðsettum fyrir utan flugvöllinn,
en innritunarsalurinn, þar sem
tvær sjálfsmorðssprengjur sprungu
þann 22. mars sl., er ekki orðinn
nothæfur. Framkvæmd var sérstök
öryggisleit í innritunartjöldunum
þar sem allur farangur var skoð-
aður og farþegar þurftu að ganga
gegnum málmleitartæki. Áætlað er
að þjónustustig flugvallarins verði
hið sama og áður í júní eða júlí.
Zaventem-flugvöllur í Brussel opnaður
BELGÍA
Tveir létu lífið í alvarlegu lestar-
slysi í Pennsylvania-ríki í Banda-
ríkjunum í gær. Slökkviliðsstjóri
bæjarins Chester, þar sem slysið
átti sér stað, staðfesti við fjölmiðla
að hinir látnu hefðu ekki verið um
borð í lestinni. Fjölmiðlar fullyrða
að lestin hafi rekist á gröfu á lest-
arteinunum og að hinir látnu hafi
verið iðnaðarmenn að störfum.
Ekki er staðfest hve margir slös-
uðust við áreksturinn, en í lestinni
voru um 350 farþegar þegar slysið
varð. Rannsókn slyssins er í hönd-
um Öryggisnefndar samgöngumála
í Bandaríkjunum.
Tveir létu lífið í al-
varlegu lestarslysi
AFP
Lestarslys Tveir létust í slysinu þegar
lestin rakst á gröfu á lestarteinunum.
BANDARÍKIN
Hersveitir Sýrlendinga hafa náð
yfirráðum í einu af höfuðvígjum
samtakanna Ríki íslams, Al-
Qaryatain, en í frétt sýrlenska
ríkissjónvarpsins segir að bærinn
sé nú algerlega á valdi hersins og
að þar hafi öryggið verið tryggt.
Bærinn er í nágrenni borgarinnar
Palmyra sem herinn náði á sitt vald
á síðustu dögum. Mannréttinda-
samtökin The Syrian Observatory
for Human Rights, segja þó að enn
séu bardagar í austur- og suð-
austurhluta bæjarins.
Það svæði sem um ræðir er talið
mikilvægt hernaðarlega, en sýr-
lenskar hersveitir höfðu freistað
þess að ná Palmyra á sitt vald í
nokkrar vikur áður en það tókst 27.
mars sl. Talið er að yfirráð sýr-
lenskra hersveita í Al-Qaryatain
styrki enn frekar stöðu þeirra í
Mið-Sýrlandi og tryggi betur yfir-
ráð yfir Palmyra.
Hersveitir sækja fram í nágrenni Palmyra
SÝRLAND