Morgunblaðið - 04.04.2016, Blaðsíða 22

22 ÍSLENDINGAR
MORGUNBLAÐIÐ MÁNUDAGUR 4. APRÍL 2016
Lovísa fæddist í Reykjavík og ólst þar upp. Hún lauk sveinsprófi íhárgreiðslu frá Iðnskólanum í Reykjavík 1965 og hefur meist-araréttindi í hárgreiðslu frá 1967. Lovísa fór í háskólanám 1998
og náði sér UF-réttindi til að geta orðið kennari í hárgreiðslu. Hún hef-
ur einnig réttindi í höfuðbeina- og spjaldhryggjarmeðferð og Bowen-
tækni.
Lovísa hóf námið á hárgreiðslustofunni Sóley 1963-65 en hefur starf-
rækt hárgreiðslustofuna Venus frá 1966, fyrst á Hallveigarstöðum, síð-
an í Garðastræti 11 og er nú á Hverfisgötu 105.
Lovísa var formaður Hárgreiðslumeistarafélags Íslands í ellefu ár og
sat í stjórn Landssambands iðnaðarmanna. Hún var meðlimur í Haute
Coiffure France’s. „Þetta eru alþjóðleg samtök og við vorum nokkur
hér sem gerðumst aðilar að þeim hér á Íslandi árið 1979.“ Hún var einn-
ig meðlimur í Intercoiffure á Íslandi og var þar meðstjórnandi, ritari og
gjaldkeri og var sæmd Cavalier-orðu fyrir störf sín hjá Intercoiffure.
Áhugamál Lovísu í dag er aðallega að keyra um á mótorhjóli og að
sjálfsögðu á Harley Davidson. „Fyrir tveim árum fórum við hjónin sam-
an í hóp og keyrðum um í Bandaríkjunum. Lögðum upp frá Denver og
fórum m.a. á indíánaslóðir, Miklagljúfur, Route 66 og Four Corners.“
Lovísa verður í faðmi fjölskyldunnar í dag, en í tilefni tímamótanna
var hún á Flórída í febrúar ásamt fjölskyldu sinni og vinum.
Eiginmaður Lovísu er Baldur Birgisson múrarameistari. Sonur henn-
ar er Gylfi Gylfason, sem lengst af var atvinnumaður í handbolta en
vinnur núna í TM. Eiginkona hans er Hlín Druzin Halldórsdóttir. Sonur
þeirra er Garpur Druzin Gylfason 11 ára.
Hjónin „Myndin er tekin þegar sonur minn og tengdadóttir voru að
endurnýja heit sín fyrir tæpum tveimur árum.“
Fór um Bandaríkin
á Harley Davidson
Lovísa Jónsdóttir er sjötug í dag
Ó
löf Dagný fæddist í
Reykjavík 4.4. 1966 og
ólst þar upp. Auk þess
dvaldi hún flest sumur
í sumarbústað fjöl-
skyldunnar í Kjósinni: „Við vorum
með sumarbústað á Búðasandi í
Kjós. Í nágrenninu var flugbraut
frá því á stríðsárunum og þar sem
pabbi hafði einkaflugmannsrétt-
indi flaug hann oft uppeftir til
okkar. Ég er svo langyngst systk-
inanna, að ég var þarna ein með
foreldrum mínum á sumrin. En
mér leiddist aldrei. Ég hafði alltaf
nóg fyrir stafni og mér þykir vænt
um þennan stað.“
Ólöf var í Breiðagerðisskóla,
Réttarholtsskóla, Verslunarskóla
Íslands og lauk þaðan stúdents-
prófi, lauk BA-prófi í stjórn-
málafræði frá HÍ og MA í stjórn-
málafræði frá sama skóla með
áherslu á stjórnun og rekstur
frjálsra félagasamtaka.
Á námsárunum vann Ólöf hjá
Brunabótafélagi Íslands. Hún hóf
störf hjá Hinu íslenska bók-
menntafélagi 1990 og starfaði þar
til 2006. Hún var verkefnastjóri
hjá Heimili og skóla og hefur ver-
ið framkvæmdastjóri Sögufélags
frá 2011. Eftir að hafa skrifað
meistaraprófsritgerð um stofnun
Hins íslenska bókmenntafélags
1816 hóf hún þar aftur störf. Ólöf
tók síðan við rekstri HÍB árið
2014 og hefur verið rekstrarstjóri
þess síðan: „Hið íslenska bók-
menntafélag er 200 ára í ár og því
eitt elsta félag landsins. Biblíu-
félagið er að vísu árinu eldra en
var í dvala í nokkur ár svo Hið ís-
lenska bókmenntafélag er elsta
samfellt starfandi íslenska félagið.
Ólöf Dagný Óskarsdóttir, rekstrarstjóri HÍB – 50 ára
Hressar konur Ólöf með móður sinni, dætrum og dótturdóttur. Talið frá vinstri: Linda Björg, Fanndís Birna, af-
mælisbarnið, Lilja Katrín og Elín Tinna, en fremst er Erla, móðir Ólafar, með langömmubarnið sitt, Ólöfu Björk.
Rekur elsta samfellt
starfandi félag á Íslandi
Bryndís Sigurjónsdóttir, Embla Fönn Jónsdóttir, Rebekka Rán Hjálmarsdóttir,
Hanna Sigríður Njálsdóttir og Nikola Justyna Staniszewska í Neskaupstað
héldu tombólu til styrktar Rauða krossinum. Þær söfnuðu 3.100 krónum.
Hlutavelta
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is