Morgunblaðið - 18.06.2016, Blaðsíða 18

STANGVEIÐI
Einar Falur Ingólfsson
efi@mbl.is
Laxveiðin hefur allsstaðar farið vel af
stað í þeim ám þar sem veiðin er haf-
in. Eftir gott smálaxasumar, eins og
veiðimenn upplifðu í fyrra, má venju-
lega búast við öflugum göngum stór-
laxa árið eftir og sú virðist aldeilis
vera raunin nú. Í Norðurá, þar sem
veiðin hófst 4. júní, hafði til að mynda
verið landað 215 löxum á miðviku-
dagskvöldið var og er það langbesta
byrjunin síðastliðinn áratug. Sömu
sögu má segja úr Blöndu, þar sem
veiði hófst degi síðar; 302 laxar höfðu
verið færðir til bókar eftir miðviku-
daginn og hafa slíkar tölur ekki sést
þar þetta snemma sumars.
Veiðimenn norðanlands og vestan
eru líka sammála um að laxinn komi
afar vel haldinn úr hafi að þessu sinni;
atlætið hafi augsýnilega verið gott á
vetrarslóð.
Orri Vigfússon, formaður Verndar-
sjóðs villtra laxastofna, segir við
blaðamann að fara þurfi aftur til sum-
arsins 1980 til að leita að sambæri-
legri byrjun laxveiðisumars, en þá
sneri líka mikið af stórum laxi
snemma í árnar eftir tvo vetur í hafi.
Hins vegar lauk göngum þá einnig
snemma og lítið skilaði sér af smálaxi.
Spennandi verður að sjá hvaer þróun-
in verður hvað það varðar.
Veiði hófst í byrjun vikunnar í
Þverá og Kjarrá og var með eindæm-
um góð; fyrstu hollin lönduðu 146 löx-
um á fimm vöktum. 53 veiddust í
Þverá og 93 í Kjarrá. Að sögn Ingólfs
Ásgeirssonar var þetta að mestu leyti
vel haldinn stórlax og þeir lengstu allt
að 94 cm. Veitt er á fjórtán stangir og
veiddust því rúmlega tíu laxar á stöng
í opnuninni sem telja má gríðargott.
Veiðin var með með ólíkindum góð í
Miðfjarðará í fyrrasumar og fór líka
vel af stað nú á miðvikudag. „Já, byrj-
unin er geysigóð,“ sagði Rafn Valur
Alfreðsson, leigutaki árinnar. „Eftir
þrjár vaktir vorum við komnir með 48
laxa á sex stangir – það er gríðarlega
mikið af fiski komið þetta snemma í
ár.“
Rafn veiddi sjálfur fyrsta laxinn í
sumar og var það smálax, sem kom
honum mikið á óvart. Nokkrir slíkir
hafa veiðst, og eru þeir líka mættir
snemma, en að mestu er aflinn 75 til
90 cm hrygnur, „í ofboðslega góðum
holdum“.
Veiði hefst nú í hverri ánni á fætur
annarri, til að mynda í Laxá í Aðaldal
og Elliðaánum á mánudag.
Þá er silungsveiði víða fín og bleikj-
an á Þingvöllum komin að landi og
veiðist oft á tíðum vel.
Einstaklega góð
byrjun í laxveiði
 Mikið af tveggja ára laxi í góðum
holdum gengur óvenju snemma í árnar
Ljósmynd/Þorsteinn Máni
Einn til Þórður Þorsteinsson með
vænan lax við Kjarrá í opnuninni.
Góð byrjun
» Opnunarhollin í Þverá og
Kjarrá lönduðu 146 löxum á
fimm vöktum.
» Fyrstu tíu dagana í Norðurá
og Blöndu veiddust 215 og 302
laxar sem er afar góð byrjun.
» Mikil af stórum laxi mætt í
Miðfjarðará þar sem aflamet í
náttúrulegri laxveiðiá var sett í
fyrrasumar.
ÚR BÆJARLÍFINU
Andrés Skúlason
Djúpavogi
Sumarið fer vel af stað á Djúpa-
vogi. Veðrið hefur leikið við lands-
hlutann einnig og er mikil breyting
þar miðað við sama tíma á ári, en nú
hefur vart komið dropi úr lofti í tvo
mánuði.
  
Bera fór á ferðamönnum mun
fyrr á árinu en gerst hefur og nú
rennur enginn mánuður ársins hjá án
þess að ekki staldri við erlent ferða-
fólk á Djúpavogi. Á þessum tíma árs
er hlutfall erlendra ferðamanna líkast
til yfir 90%. Langflestir ferðamenn
eru til fyrirmyndar þegar kemur að
umgengni við landið, en ljóst er að
bæta þarf verulega úr aðgengi að
hreinlætisaðstöðu þar sem langt er á
milli þéttbýliskjarna.
  
Endurtekið koma fram kröfur
á stjórnvöld ferðamála að beita sér
fyrir því í samvinnu við vegagerðina
að koma upp hreinlætisaðstöðu milli
Hafnar og Djúpavogs, sem er langur
leggur án þjónustu. Víða er slæm um-
gengni kringum áningarstaði við
þjóðveginn vegna þessa aðstöðu-
leysis. Skortur á uppbyggingu innviða
er því fremur vandamálið heldur en
ferðamennirnir sjálfir, þótt slæma
umgengni sé aldrei hægt að réttlæta.
Ferðaþjónustan fer því enn vaxandi
og hefur fjöldi starfa skapast í kring-
um hana á svæðinu. Því hafa vinnu-
færir skólanemar úr nógu að spila
þegar kemur að atvinnu yfir sumar-
mánuðina.
  
Sveitarsjóður Djúpavogshrepps
er enn að sleikja sárin eftir brotthvarf
Vísis hf með 90% aflahlutdeildar af
svæðinu. Sú blóðtaka hefur haft veru-
lega neikvæð áhrif á tekjustofna
sveitarfélagsins sem hefur þó eftir allt
saman tekist við erfiðar aðstæður að
halda uppi mjög góðri þjónustu við
samfélagið, m.a. með áherslu á ungt
fjölskyldufólk.
  
Djúpavogshreppur leggur mikla
áherslu á fjölbreytni í atvinnulífinu og
vill auk þess beita sér fyrir uppbygg-
ingu samfélags með sterka umhverf-
isvitund. Allt tekur þetta sinn tíma en
aðild Djúpavogshrepps að samtökum
Cittaslow hefur hjálpað mikið og vak-
ið verðskuldaða athygli. Nú hafa fleiri
sveitarfélög sýnt þessari uppbyggi-
legu hugmyndafræði verulegan áhuga
þar sem Cittaslow-formúlan hefur
þegar dregið umtalsverðan fjölda
fólks að svæðinu vegna jákvæðrar
stefnumörkunar sveitarfélagsins.
  
Djúpavogshreppur hugsar ekki
bara um atvinnulífið og umhverfið
heldur blómstrar menningin þar einn-
ig. Nú stendur fyrir dyrum stór-
listasýningin „Rúllandi snjóbolti/7“,
sem er samstarfsverkefni Sigurðar
Guðmundssonar stórlistamanns,
Ineke Guðmundsson og Djúpavogs-
hrepps. Sýningin, sem hefst í byrjun
júlí, hefur vakið mikla athygli á
undanförnum árum enda er um að
ræða stærstu einstöku sýningu utan
höfuðborgarsvæðisins á þeim mæli-
kvarða að hvergi hafa jafn stór nöfn
listamanna komið fram á einni og
sömu sýningunni. Sýningin er í hús-
næði gömlu bræðslunnar sem stendur
við hið stórkostlega verk Sigurðar
listamanns, „Eggin í Gleðivík“, sem
hefur líklega þegar eitt mesta aðdrátt-
arafl af því sem Djúpivogur hefur upp
á að bjóða í dag.
Morgunblaðið/Andrés Skúlason
Nóg að gera Nú stendur fyrir dyrum á Djúpavogi stórlistasýningin „Rúllandi snjóbolti/7“, en hún er samstarfs-
verkefni Sigurðar Guðmundssonar stórlistamanns, Ineke Guðmundsson og Djúpavogshrepps.
Menningin blómstrar
18 FRÉTTIRInnlent
MORGUNBLAÐIÐ LAUGARDAGUR 18. JÚNÍ 2016
Guðni Einarsson
gudni@mbl.is
Bæjarstjórn Stykkishólmsbæjar hef-
ur lagt til að Stykkishólmsbær,
Grundarfjarðarbær, Eyja- og Mikla-
holtshreppur og Helgafellssveit sam-
einist. Sturla Böðvarsson, bæjarstjóri
Stykkishólmsbæjar, sagði að tillaga
að sameiningu hefði komið fram á
svonefndum hugarflugsfundi sem
haldinn var í fyrra í Stykkishólmi. Til
hans boðuðu brottfluttir velunnarar
Stykkishólms í samstarfi við Sturlu.
Fundinn sat áhugafólk um byggð á
Snæfellsnesi, þar á meðal fólk sem
tengist atvinnulífinu.
Sturla sendi nýverið bréf til forseta
bæjarstjórnar Grundarfjarðar og
oddvita Helgafellsveitar og oddvita
Eyja- og Miklaholtshrepps með ósk
um að málið yrði rætt í sveitar-
stjórnunum.
Sturla sagði í samtali við Morgun-
blaðið að bæjarstjórn Grundarfjarðar
hefði samþykkt að koma til viðræðna
um sameiningu. „Þeir benda á að það
væri kjörið að taka Snæfellsbæ inn í
þessa mynd,“ sagði Sturla. Talsmenn
Helgafellssveitar og eins Eyja- og
Miklaholtshrepps hafa ekki enn svar-
að erindinu.
Verði af sameiningu verður til
landmikið sveitarfélag með um 2.200
íbúum. Á sunnanverðu Snæfellsnesi
næði það frá Haffjarðará í austri og
vestur að Staðarsveit. Á norðanverðu
Snæfellsnesi næði sveitarfélagið frá
Álftafirði í austri og út að Búlands-
höfða í vestri.
Sturla kvaðst telja að sameining
sveitarfélaganna myndi skapa mjög
öfluga stjórnsýslueiningu og hag-
kvæma miðað við það sem er í dag.
„Það yrði samrekstur á skólum,
menningarstofnunum, höfnum og
fleiru. Ég tel að þetta yrði mikil brag-
arbót og myndi efla okkur bæði til
sóknar og varnar,“ sagði Sturla.
Hann kvaðst vona að viðræður um
sameiningu geti hafist að loknum
sumarleyfum í sumar.
Vilja sameina
á Snæfellsnesi
 Tillaga um 2.200 íbúa sveitarfélag
Morgunblaðið/Ómar
Stykkishólmur Tillaga um samein-
ingu á innanverðu Snæfellsnesi.