Morgunblaðið - 28.07.2016, Síða 10

10 FRÉTTIRInnlent
MORGUNBLAÐIÐ FIMMTUDAGUR 28. JÚLÍ 2016
BAKSVIÐ
Sigtryggur Sigtryggsson
sisi@mbl.is
Guðni Th. Jóhannesson verður settur í
embætti forseta Íslands næstkomandi
mánudag, 1. ágúst, á frídegi verslunar-
manna. Athöfnin fer fram í Alþingis-
húsinu og verður með hefðbundnum
hætti. Að þessu sinni verða þó gerðar
minni kröfur um klæðaburð og orður
og er það gert að ósk forsetaefnisins.
Til athafnarinnar er boðið fjölda
gesta, alþingismönnum embættis-
mönnum, fulltrúum erlendra ríkja
fulltrúum félagasamtaka og ein-
staklingum sem forsetaefni óskar eftir
að séu á gestalista
og taki þátt í at-
höfninni.
Hingað til hefur
verið gerð krafa
um að karlar klæð-
ist kjólfötum og
konur síðkjólum.
Að þessu sinni er
ekki gerð krafa um
að almennir boðs-
gestir séu í kjólföt-
um og síðkjólum
og ekki er gerð krafa um að almennir
boðsgestir beri heiðursmerki og orður.
Hins vegar munu forsetaefnið, frá-
farandi forseti, Ólafur Ragnar Gríms-
son, og handhafar forsetavalds klæð-
ast kjólfötum. Þá mun Vigdís Finn-
bogadóttir, fyrrverandi forseti,
klæðast síðkjól. Öll munu þau bera
orður.
Mikill undirbúningur
Forsætisráðuneytið hefur annast
undirbúning innsetningarathafnar-
innar. Að sögn Ragnhildar Arnljóts-
dóttur ráðuneytisstjóra hófst undir-
búningsvinna árið 2015 þegar
ráðuneytið óskaði eftir sérstakri fjár-
veitingu til að standa straum af inn-
setningunni.
„Margir tugir manna hafa komið að
undirbúningi, frá ráðuneytum, Alþingi,
Hæstarétti, lögreglunni, kirkjunni, svo
ég nefni helstu aðilana. Þar að auki
verða starfsmenn á innsetningardag-
inn mun fleiri,“ segir Ragnhildur.
Hún segir að allt sé að smella sam-
an. „Undirbúningur er á lokastigi og
við vonumst til þess að það verði gott
veður þennan dag svo almenningur
geti komið saman á Austurvelli og not-
ið þess að vera þarna og fylgjast með.“
Athöfnin hefst með guðsþjónustu í
Dómkirkjunni en sjálf innsetningar-
athöfnin verður í Alþingishúsinu. Að
henni lokinni stíga forsetahjónin fram
á svalir Alþingis og forsetinn ávarpar
mannfjöldann.
Útvarpað verður frá báðum athöfn-
um út á Austurvöll. Þá verður Ríkis-
sjónvarpið með beinar útsendingar,
sem hefjast klukkan 15:50 á mánudag-
inn.
Samkvæmt upplýsingum sem
Morgunblaðið aflaði sér í gær hefur
innsetningarathöfnin verið í mjög föst-
um skorðum frá því Sveinn Björnsson
var fyrst settur í embætti 1. ágúst
1945. Hann var þá þjóðkjörinn en
hafði verið þingkjörinn 1944. Vænt-
anlega hafa ráðmenn þess tíma litið til
þess hvað tíðkaðist með innsetningu
þjóðhöfðingja á Norðurlöndum, sér-
staklega í Danmörku. Þar og í Noregi
og Svíþjóð er konungsríki eins og
kunnugt er. Í Finnlandi ríkir þjóðkjör-
inn forseti eins og hér á landi og þar er
innsetningarathöfnin látlausari. Segja
má að nú séu Íslendingar að færast
nær Finnum að þessu leyti. Þar er
klæðaburður frjálslegri og orðuburður
einnig frjálslegri.
Innsetning nýs forseta er á ábyrgð
handhafa forsetavaldsins, þ.e. fulltrúa
dómsvalds, Markúsar Sigurbjörns-
sonar, forseta Hæstaréttar, fram-
kvæmdavalds, Sigurðar Inga Jó-
hannssonar forsætisráðherra, og
löggjafarvalds, Einars Kr. Guðfinns-
sonar þingforseta. Þeir bjóða til sam-
komunnar og stýra henni.
Umboð Ólafs Ragnars Grímssonar,
forseta Íslands, rennur út á miðnætti
31. júlí. Þá taka handhafar forseta-
valdsins við og fara með forsetavaldið í
nokkrar klukkustundir uns nýr for-
seti, Guðni Th. Jóhannesson, hefur
verið settur í embættið síðdegis 1.
ágúst.
Forsætisráðuneytið sótti í fyrra um
fimm milljóna tímabundið framlag til
að standa straum af athöfninni.
Stærstu útgjaldaliðir eru vegna borða
í þingsal, flutnings í geymslu ásamt
enduruppsetningu og tengingum.
Einnig falla til útgjöld vegna tónlistar
og skreytinga í Alþingishúsinu og í
Dómkirkjunni.
Látlausari innsetningarathöfn
 Guðni Th. Jóhannesson verður settur í embætti forseta Íslands á mánudaginn  Undirbúningur
athafnarinnar er á lokastigi  Að ósk forsetaefnisins er dregið úr kröfum um klæðaburð og orður
Morgunblaðið/Árni Sæberg
Þingsalurinn Allt er tilbúið í Alþingishúsinu fyrir innsetningu forseta Íslands á mánudag. Aðeins er eftir að skreyta salinn og verður það gert um helgina.
Ragnhildur
Arnljótsdóttir
Forsetaefnið Guðni Th. Jóhannesson mun bera forseta-
keðjuna við innsetninguna. Sú hefð hefur ekki skapast
að hengja keðjuna á forsetann við athöfnina sjálfa og
mun hann fá hana afhenta að morgni innsetningardags.
Skrifstofa forseta Íslands varðveitir keðjuna en for-
setinn er yfirmaður fálkaorðunnar.
Keðjan sem um ræðir ber heitið „keðja ásamt stór-
krossstjörnu“, sem er æðsta stig fálkaorðunnar. Alls
eru stig fálkaorðunnar fimm. Þessa orðu mega einungis
þjóðhöfðingjar bera. Þetta stig er einnig veitt þjóðhöfð-
ingjum Norðurlandanna líkt og þeir veita forseta Íslands sínar orður á
æðsta stigi, svokallaða Fílaorðu.
Æðsta stig fálkaorðunnar
FORSETINN FÆR KEÐJUNA Á INNSETNINGARDAG
Guðni Th.
Jóhannesson
Morgunblaðið/Eggert
Embættistaka 2012 Ólafur Ragnar Grímsson forseti Íslands flytur ræðu.
Vertu upplýstur!
blattafram.is
VANDINN LIGGUR
OFT HJÁ OKKUR
SJÁLFUM.
SAMÞYKKIR ÞÚ
KYNFERÐISOFBELDI?
Síðumúla 20, 108 Reykjavík • Sími 551 8258 • storkurinn.is
Hafsjór af tölum
Opið:
Mán.-F
ös.
11-18
Laugavegi 52 | 101 Reykjavík
Sími 552 0620 | gullogsilfur.is
Núna á föstudag mun ferðaþjón-
ustufyrirtækið Reykjavík Ex-
cursions hefja skipulagðar poké-
mon-dagsferðir í Reykjavík sem
byggjast á farsímaleiknum vinsæla
Pokémon GO og verða þær í boði
allar helgar. Einar Bárðarson,
rekstrarstjóri Reykjavík Ex-
cursions, kveðst ekki vita til þess að
aðrir hafi boðið upp á slíkar ferðir
áður.
Íslenskir pokémon-þjálfarar
verða með í för og lét fyrirtækið
hanna fyrstu íslensku pokémonana
í tilefni þessarar nýstárlegu ferðar;
lundann Puffy, hestinn Norton og
hrútinn Rampage.
Fréttir af vinsældum farsíma-
leiksins um heim allan, þar sem
m.a. hafi frést af fólki keyrandi ut-
an í lögreglubíla á pokémon-
veiðum, hafi hins vegar orðið til
þess að ákveðið var að slá til.
„Það verður ekið um þá staði í
borginni þar sem vinsælustu og
verðmætustu pokémonarnir halda
sig,“ segir Einar sem segir ferðina
bæði fyrir erlenda ferðamenn og Ís-
lendinga. annaei@mbl.is
Bjóða upp á skipulagð-
ar pokémon-ferðir
Ljósmynd/Reykjavík Excursion
Pokémon Vinsældir leiksins
Pokémon GO hafa verið miklar.