Morgunblaðið - 28.07.2016, Síða 36

FIMMTUDAGUR 28. JÚLÍ 210. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Fundu skjalatösku fulla af evrum
2. „Þetta er bara svo ósvífið“
3. Reisi sína eigin farþegabyggingu
4. Apinn í Hveragerði snýr aftur
»MEST LESIÐ Á mbl.is
FÓLK Í FRÉTTUM
 Listasafn Sigurjóns Ólafssonar
efnir til aukatónleika í sumar-
tónleikaröð sinni í kvöld klukkan
20.30 en þá munu koma fram Anna
Jónsdóttir söngrödd, Ute Völker
harmonikka og Ursel Schlicht píanó.
Þau koma til með að leika íslensk
þjóðlög og sönglög eftir Jón Leifs í
nýjum búningi. Tónleikarnir bera yf-
irskriftina Máninn líður en í tilkynn-
ingu segir að upphaf þessa sam-
starfs megi rekja til hins óvenjulega
og framsækna hundrað daga við-
burðar SonicExchange í Kassel í
Þýskalandi árið 2012. Þremenning-
arnir hafa síðan leitast við að túlka
íslenska þjóðlagaarfinn á nýjan og
persónulegan hátt.
Íslenskur þjóðlaga-
arfur hylltur
 Gítarleikarinn, söngvarinn og
lagahöfundurinn Indriði kemur fram
annað kvöld í Mengi og flytur þar
sitt eigið sólóefni. Indriði útskrif-
aðist af myndlistarbraut Listahá-
skóla Íslands í vor sem leið. Hann
er gítarleikari hljómsveitarinnar
Muck og hefur undanfarið sinnt eig-
in tónsköpun af miklum krafti eins
og segir í tilkynningu. Indriði hefur
seinustu daga brýnt sverðin á tón-
leikaferðalagi um Írland ásamt fríðu
föruneyti og ætlar að
miklu leyti að styðj-
ast við gítarinn
sinn og texta-
smíðar annað
kvöld. Húsið
verður opnað
klukkan
20 og
tónleik-
arnir
hefjast
klukk-
an
21.
Indriði flytur sólóefni
í Mengi annað kvöld
Á föstudag og laugardag Norðlæg átt, 5-13 m/s. Rigning norð-
austan- og austanlands en líkur á síðdegisskúrum, einkum í upp-
sveitum. Hiti 7 til 19 stig, hlýjast sunnanlands.
SPÁ KL. 12.00 Í DAG Norðan- og norðaustanátt, 3-13 m/s, hvass-
ast við Húnaflóa og suðaustantil. Léttskýjað að mestu sunnan- og
vestanlands en líkur á stöku síðdegisskúrum. Hiti 9 til 20 stig.
VEÐUR
„Hún er ekkert með alltof
mikil læti eða eitthvað svo-
leiðis en er samt mjög
hress. Hún sér t.d. um tón-
listina í klefanum. Þar spilar
hún þá tónlist sem er heit-
ust hverju sinni og hendir
svo í gamla góða Britney
Spears-slagara inn á milli,“
segir leikmaður ÍBV um
kanadísku knattspyrnukon-
una Cloe Lacasse sem hefur
leikið mjög vel með liðinu
að undanförnu. »4
Hendir í Britney
Spears-slagara
Irina Sazonova verður fyrsta konan
sem keppir fyrir Íslands hönd í fim-
leikum á Ólympíuleikum. Hún segist
vera tilbúin í slaginn.
„Mér finnst að ég
eigi eftir að laga
nokkrar æfingar en
ég er í raun tilbúin.
Við eigum smá-
tíma eftir áður
en mótið
hefst og það
ætti að vera
nægur tími til
að fínpússa
hreyfing-
arnar,“
segir
Irina. »1
Irina er tilbúin í slaginn
á Ólympíuleikunum
Valsmenn eru komnir í bikarúrslit
karla í knattspyrnu annað árið í röð
eftir sigur á Selfyssingum fyrir aust-
an fjall í gærkvöld, 2:1. Þeir unnu bik-
arinn í fyrra, lögðu þá KR-inga að
velli, og mæta annaðhvort ÍBV eða FH
í úrslitaleik á Laugardalsvellinum
laugardaginn 13. ágúst. Selfyssingar
léku þarna sinn fyrsta undanúrslita-
leik í 47 ár. »2-3
Valsmenn komnir aftur
í bikarúrslitaleikinn
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Benedikt Bóas
benedikt@mbl.is
Dúkkan Lúlla, sem frumkvöðullinn
Eyrún Eggertsdóttir hannaði og bjó
til, gengur nú kaupum og sölum á
Ebay og fleiri uppboðssíðum á allt
að 40 þúsund krónur. Dúkkan kostar
70 dollara út úr búð eða um 8.500
krónur. Lúlla fékk gulleggið árið
2011 og þessi litla hugmynd er orðin
risastór úti í hinum stóra heimi.
„Sendingin sem við bjuggum til
núna er þegar uppseld og fer ekki í
búðarhillur,“ segir Eyrún en und-
anfarna daga hefur hún unnið
myrkranna á milli enda rignir fyrir-
spurnum hreinlega yfir hana. Hún
ætlaði að vera í sumarfríi með börn-
unum sínum en vegna vinsælda
Lúllu munu börnin fara ein í sveitina
með ömmu og afa.
Eyrún stofnaði fyrirtækið RóRó
árið 2011 og hefur síðan þá þróað
dúkkuna, sem er úr bómull, með of-
næmisprófaða fyllingu inni í sér og
tæki sem spilar upptöku af andar-
drætti og hjartslætti. Hún dregur
jafnvel lykt af foreldrunum í sig og
líkir þannig eftir nærveru foreldr-
anna.
Þegar uppseld
„Þegar ég lagði af stað í þetta
ferðalag langaði mig að þróa vöru
fyrir börn til að vera hjá þeim þegar
foreldrarnir geta það ekki af ein-
hverjum ástæðum. Það þróaðist í
Lúllu. Þegar kom að því að
framleiða dúkkuna í lok árs
2014 fórum við í hópfjár-
mögnun á Indiegogo til að
framleiða fyrstu 5.000 dúkk-
urnar sem komu í september
2015. Þær seldust upp í des-
ember og í kjölfarið söfnuð-
um við endurgjöf frá not-
endum og gerðum ákveðnar
breytingar til hins betra.
Næsta pöntun var upp á
30.000 dúkkur sem tók tíma
að fjármagna en tókst á endanum.
Þær eru tilbúnar núna, komu í vöru-
húsið okkar á þriðjudag og eru þeg-
ar uppseldar.“
Á síðustu tveimur vikum hefur
verið fjallað um dúkkuna víða um
heim og hún varð nokkurs konar
internetæði því varla er hægt að
fletta erlendum netmiðlum án þess
að rekast á umfjöllun um dúkkuna.
„Þetta ævintýri hefur farið fram úr
björtustu vonum og umfjöllunin er
mun meiri en ég átti von á. Síðustu
þrír dagar hafa verið ansi fjörugir,“
segir Eyrún en næturnar hafa verið
langar hjá henni vegna tímamis-
munar og hefur hún yfirleitt lagst á
koddann um fimmleytið. „Við sem
stöndum að dúkkunni horfum bara á
þessa umfjöllun gerast héðan frá Ís-
landi. Hoppum frá einum miðli yfir á
annan.“
Lítil hugmynd orðin risastór
 Dúkkan Lúlla
seldist á um 40
þúsund á Ebay
Morgunblaðið/Ófeigur
Frumkvöðull Eyrún Eggertsdóttir fékk hugmyndina að dúkkunni árið 2011 og hefur hún fengið byr í seglin að undan-
förnu. Dúkkan hennar er uppseld og er næsta sending væntanleg í september en hægt er að bjóða í dúkkuna á Ebay.
Eyrún hefur þegar haft sam-
band við birgi sinn um að
framleiða þurfi fleiri dúkk-
ur og er sú pöntun einnig
upp á 30 þúsund dúkk-
ur. „Ég sendi birginum
mínum þau skilaboð
að nú ríkti neyðar-
ástand og ég
þyrfti að
framleiða
fleiri dúkkur.
Hann var ánægð-
ur að heyra
það. Sá kannski ekki fyrir sér
að einhver stelpa frá Íslandi
yrði stór viðskiptavinur en
þjónustan hefur breyst síðustu
daga og viðmótið. Allt teymið
er komið í þessa framleiðslu og
öllum skilaboðum er svarað um
leið. Hann ætlar að flýta fram-
leiðslunni og stytta fram-
leiðslutímann um einn þriðja
þannig að nýjar dúkkur, 30
þúsund stykki, verða vonandi
tilbúnar í lok september,“ segir
Eyrún.
30.000 dúkkur í september
ÖNNUR RISAPÖNTUN ÞEGAR KOMIN Í FERLI
Dúkkan
Lúlla