Morgunblaðið - 28.07.2016, Blaðsíða 30

30 MENNING
MORGUNBLAÐIÐ FIMMTUDAGUR 28. JÚLÍ 2016
Opið 09-23 | Laugavegi 12 | 101 Rvk. | Sími 551 5979 | lebistro.is
Byrjaðu daginn á
café et
croissant
Verð aðeins
690,-
GLÆSIBÆ KRINGLUNNI SMÁRALIND utilif. is
Á
R
N
A
S
Y
N
IR
Kíkið á verðin eftir
tollalækkun
Æfingapeysa, hálfrennd
6.990 kr.
íþróttafatnaður
stærðir 36-46
Hildur Loftsdóttir
hildurl@mbl.is
Kvikmyndin Hjartasteinn er fyrsta
íslenska kvikmyndin sem öðlast
þann heiður að keppa á kvikmynda-
hátíðinni í Feneyjum, sem er ein
allra virtasta hátíð heims. Hátíðin fer
fram frá 31. ágúst til 10. september
og verður kvikmyndin þá heims-
frumsýnd. Guðmundur Arnar Guð-
mundsson, leikstjóri og handritshöf-
undur Hjartasteins, er vitanlega í
skýjunum. „Við hefðum ekki getað
óskað okkur betri byrjunar fyrir
myndina,“ segir hann.
Boðið að keppa
í nokkrum flokkum
Hjartasteinn er fyrsta kvikmynd
Guðmundar Arnars í fullri lengd, en
hann hefur áður gert margverðlaun-
aðar stuttmyndir, en myndin Hval-
fjörður vann til 45 verðlauna á kvik-
myndahátíðum víðs vegar um
heiminn og hlaut sérstök dómnefnd-
arverðlaun í aðalkeppni kvikmynda-
hátíðarinnar í Cannes árið 2013.
Flokkurinn sem Hjartasteinn
keppir í á kvikmyndhátíðinni í Fen-
eyjum nefnist Venice Days. Inn í
þann flokk voru einungis 11 myndir
valdar, en hátt í eitt þúsund kvik-
myndir alls staðar að úr heiminum
sóttu um.
Hjartasteinn keppir um þrenn
verðlaun í sínum flokki ásamt því að
keppa um Luigi De Laurentiis Aw-
ard - Lion of the Future, sem allir
leikstjórar sem keppa á hátíðinni
með sína fyrstu mynd koma til
greina sem sigurvegarar í. „Í raun
eru það stærstu verðlaunin sem leik-
stjóri fyrstu myndar getur fengið á
hátíðinni,“ segir Guðmundur Arnar.
„Markmiðið var alltaf að ná að
frumsýna á stórri A-hátíð, en þar
sem engar íslenskar myndir hafa
verið valdar inn á Feneyjahátíðina,
þá héldum við að þeir væru kannski
ekkert spenntir fyrir íslenskum
myndum. Þess vegna kom mjög á
óvart að vera boðið að keppa í þó-
nokkrum flokkum.“
- Hvaða þýðingu hefur þetta fyrir
þig sem kvikmyndahöfund?
„Þetta einfaldar fyrir mig að taka
næstu skref fyrir næstu verkefni,
það hjálpar allt til,“ segir hann.
Miklar tilfinningar
„Þetta er vináttusaga tveggja
stráka, 13 og 14 ára, sem alast upp í
litlu sjávarþorpi og hvernig þeir fara
svolítið hvor í sína áttina á kyn-
þroskaskeiðinu,“ segir höfundurinn
sem vill samt ekki gefa of mikið upp
um söguþráð myndarinnar. „Kjarni
myndarinnar er þessi vinátta og
hvernig þeir takast á við nýjar tilfinn-
ingar þegar þeir eru að verða að
mönnum. Fjölskylda strákanna leik-
ur líka stórt hlutverk, og í myndinni
eru sterkir kvenkarakterar, eins og
systur þeirra og stelpa sem annar
strákurinn er skotinn í.“
Guðmundur Arnar segist byggja
karakterana mikið á fólki í kringum
sig. „Ég á sjálfur nokkrar systur sem
ég byggi á, líka á mínu umhverfi, en
svo er sagan sjálf skáldskapurinn.“
- Þannig að þú byggir kannski á
sjálfsævisögulegum tilfinningum?
„Já, því fyrir mér voru unglings-
árin rosalega mikið sjokk. Ég held að
mjög margir gangi í gegnum miklar
tilfinningar á þessum tíma. Það er svo
mikið af hlutum sem maður upplifir á
stuttu tímabili; stórar breytingar,
fyrsta ástin, fyrstu vinslitin. Maður
uppgötvar að heimur fullorðinna er
öðruvísi en maður hélt að hann væri.
Það er svo margt sem fer í gegnum
mann á nokkrum mánuðum sem ung-
lingur.“
Að byggja á sannleikanum
Guðmundur Arnar segir aðalleik-
arana í Hjartasteini, sem allt eru ung-
ir krakkar, vera að stíga sín fyrstu
skref sem leikarar. „Myndin hefur
fengið sérstaklega góðar viðtökur út
á leik krakkanna, enda standa þau sig
alveg frábærlega.“
- Ert þú þá ekki bara svona góður
leikstjóri?
„Sko … ég myndi segja að þetta
væri samspil milli mín og krakkanna.
Þau voru tilbúin að leggja svo mikið á
sig og ég leyfði þeim það, ég ýtti und-
ir það. Þar af leiðandi varð leikurinn
frábær.“
- En áttu ekki mjög auðvelt með að
vinna með börnum?
„Það er mjög ólíkt að vinna með at-
vinnuleikurum og börnum. Börnin
verða að byggja á einhverju sem þau
þekkja, sannleikanum. Maður getur
ekki krafið krakka um að vera ein-
hver annar en hann er, á meðan at-
vinnuleikari getur búið til hlutverkið.
Börn taka úr sínum eigin grunni og
ýkja það upp og maður þarf að hjálpa
þeim að finna hlutina til að nota.“
- Þannig að styrkleiki myndarinnar
liggur aðallega í leiknum?
„Það eru mjög margir styrkleikar,
og ekki síst myndræna hliðin. Við er-
um með mjög sterkan kvikmynda-
tökumann, leikmyndahönnuð og sam-
starfsfólk yfirhöfuð. Í raun lögðu allir
sig fram alveg frá byrjun við að gera
mynd sem myndi ná langt og við náð-
um því markmiði. Leikur krakkanna
er svo bara punkturinn yfir i-ið.“
Langaði að vera leikari
Guðmundur Arnar kom úr óvæntri
átt inn í kvikmyndagerðina. Hann út-
skrifaðist frá myndlistardeild LHÍ en
ekki úr kvikmyndagerðarskóla.
„Ég komst að því að maður getur
lært af því að gera bara hlutina og
það reyndist nóg fyrir mig að vera
með myndlistargrunn á háskólastigi,“
útskýrir Guðmundur Arnar. „Ég var
í leiklist þegar ég var yngri og langaði
alltaf til að vera leikari. En þegar mér
var leikstýrt þá fattaði ég að ég var
mjög oft ósammála leikstjóranum og
vildi frekar vera í hans stöðu að segja
fólki hvernig ætti að gera hlutina.“
Guðmundur Arnar fór líka á nám-
skeið í handritaskrifum í Danmörku
sem hann segir að hafi reynst mjög
góður grunnur. „Að læra á sagna-
form var einmitt það sem mig vantaði
og hafði ekki úr myndlistarskól-
anum.“
Næstu sögur eru farnar að hrúgast
upp hjá Guðmundi Arnari og hann er
þegar byrjaður að leggja drög að
tveimur næstu kvikmyndum. Aðra
segir hann líka fjalla um ungt fólk en
sé þó í öðrum stíl en Hjartasteinn, og
hin sé allt öðruvísi; ævintýra- og vík-
ingamynd.
- En hvenær verður kvikmyndin
Hjartasteinn frumsýnd á Íslandi?
„Það er í raun ekkert ákveðið um
það, en að öllum líkindum verður það
í kringum næstu áramót,“ segir Guð-
mundur Arnar kvikmyndahöfundur
að lokum. Þeir sem geta ekki beðið
eftir að fá að kynnast verkum hans,
geta horft á stuttmyndina Hvalfjörð-
ur sem er núna á VODinu.
Leikstjórn Guðmundur Arnar situr á milli aðalleikaranna þeirra Blæs Hinrikssonar og Baldurs Einarssonar.
„Unglingsárin
voru mikið sjokk“
 Kvikmyndin Hjartasteinn er fyrsta íslenska kvikmyndin
til að keppa á kvikmyndhátíðinni í Feneyjum
Nú standa yfir tökur á íslensku
kvikmyndinni Svanurinn, sem er
fyrsta mynd leikstjórans Ásu Helgu
Hjörleifsdóttur í fullri lengd.
Ása Helga, sem útskrifaðist í
kvikmyndagerð frá Columbia-
háskólanum í New York árið 2012,
skrifaði einnig handritið sem byggt
er á samnefndri verðlaunabók Guð-
bergs Bergssonar. Tökur fara
mestmegnis fram í Svarfaðardal,
þaðan sem leikstjórinn er ættaður,
en einnig verður tekið upp í
Grindavík.
Svanurinn segir frá níu ára
stúlku, Sól, sem send er í sveit um
sumar til að vinna og þroskast, en
verður í staðinn lykilþátttakandi í
atburðarás sem hún skilur varla
sjálf.
Gríma Valsdóttir leikur Sól, en í
öðrum hlutverkum eru Þorvaldur
Davíð Kristjánsson, Þuríður Blær
Jóhannsdóttir, Ingvar E. Sigurðs-
son og Katla Margrét Þorgeirs-
dóttir.
Svanurinn í Svarfaðardal
Morgunblaðið/G.Rúnar
Upptökur Leikstjóri myndarinnar er
Ása Helga Hjörleifsdóttir.
Eiðurinn, nýjasta kvikmynd Baltas-
ars Kormáks, verður heimsfrum-
sýnd á hinni virtu alþjóðlegu kvik-
myndahátíð í Toronto, sem fram
fer 8.-18. september. Myndin verð-
ur sýnd í Special Presentat-
ions-hluta hátíðarinnar.
Baltasar Kormákur leikstýrir og
skrifar handritið að Eiðnum ásamt
Ólafi Agli Egilssyni. Í aðalhlut-
verkum er Baltasar sjálfur ásamt
Heru Hilmarsdóttur og Gísla Erni
Garðarssyni.
Eiðurinn segir af hjartaskurð-
lækninum Finni sem ákveður að
gera hvað sem er til að bjarga dótt-
ur sinni úr klóm eiturlyfjanna.
Eiðurinn verður frumsýnd hér-
lendis 9. september.
Eiðurinn á kvikmyndahátíðinni í Toronto
Morgunblaðið/Golli
Leikari Baltasar í hlutverki Finns.