Morgunblaðið - 28.07.2016, Síða 31

MENNING 31
MORGUNBLAÐIÐ FIMMTUDAGUR 28. JÚLÍ 2016
Þjóðlegt, gómsætt og gott
alla daga
Frábært í ferðalagið
kÖku
gerÐ hp
www.flatkaka.is
Davíð Már Stefánsson
davidmar@mbl.is
„Við erum hjón þannig að það er yf-
irleitt þægilegt að finna æfingatíma,“
segir söng- og kvæðakonan Bára
Grímsdóttir kímin en hún efnir til
tónleika ásamt Chris Foster í Nor-
ræna húsinu í kvöld klukkan 20.30.
Tvíeykið, sem nefnist FUNI, heldur
tónleikana undir hatti tónleikarað-
arinnar Arctic Concerts sem hefur
staðið yfir í sumar. Hjónin hafa á síð-
ustu árum blásið lífi í íslensk þjóðlög
sem leynast í gömlum hljóðritum, lítt
þekktum bókum og handritum auk
þess sem þau hafa bætt við nýjum
lögum í þjóðlegum stíl.
Tónsetja verk Jóns Steingríms
„Við reynum að vera ekki alltaf
með þessi þekktustu lög heldur grafa
frekar upp gamalt efni sem hefur til
að mynda verið varðveitt í Árna-
stofnun. Kvæðamannafélagið Iðunn
á líka gamlar upptökur sem við höf-
um gluggað í. Síðan höfum við líka
tónsett gamla texta og reynt að gera
það í þessum gamla íslenska þjóð-
lagastíl. Íslendingar hafa verið rosa-
lega duglegir að yrkja í gegnum tíð-
ina og það hefur verið haldið nokkuð
vel utan um það á söfnum þó svo það
hafi kannski ekki mikið af því verið
gefið út. Það hefur náttúrlega verið
gefið mest út eftir Hallgrím sálma-
skáld en það voru fleiri prestar sem
gerðu mögnuð kvæði. Þar er hægt að
nefna eldklerkinn Jón Steingrímsson
en hann gerði til dæmis magnað verk
um móðuharðindin sem heitir Ang-
urvaka. Jón spilaði sjálfur á langspil
og okkur fannst því við hæfi að spila
á tvö langspil þegar við flytjum það
verk,“ segir Bára. Í tilkynningu segir
að flest þjóðlaganna hafi verið sungin
án undirleiks áður fyrr en að FUNI
bæti hljóðfæraleiknum við. Þá segir
jafnframt að tónleikum þeirra fylgi
gjarnan mögnuð skyggnimyndasýn-
ing með gömlum og nýjum myndum.
„Við höfum bæði verið að spila ís-
lenska og enska þjóðlagatónlist í
gegnum tíðina. Á tónleikunum í
kvöld komum við til með að syngja
og leika á ýmis hljóðfæri. Ég mun til
að mynda spila á litlar borðhörpur og
Chris er afskaplega flinkur gítarleik-
ari og notar það sem hefur verið kall-
aður enskur stíll en hann notast þá
við ýmsar stillingar á gítarnum sín-
um. Hann var einn af frumkvöðlum
þess að koma með gítarinn inn í
þjóðlagatónlistina á Englandi á
sjötta og sjöunda áratugnum. Við
munum spila efni sem við höfum
unnið í gegnum árin en svo leikum
við einnig nýlegra efni,“ segir Bára
en þess má geta að Foster er að
vinna að nýrri sólóplötu um þessar
mundir.
Ferðast um allan heim
Í tilkynningu segir að Bára hafi al-
ist upp við söng og kveðskap og hafi
heyrt og lært kveðskap foreldra
sinna og afa og ömmu í Grímstungu í
Vatnsdal. Það var um aldamótin sem
hún kynntist Foster sem ólst upp í
Somerset á Suðvestur-Englandi.
Síðastliðin fjörutíu ár hefur hann
flutt enska þjóðlagatónlist á tónleik-
um víðsvegar um heiminn og gefið út
sex plötur með eigin söng og gítar-
undirleik. Þá segir að lifandi tónlist-
arflutningur hans einkennist af
kraftmiklum söng og góðum gítar-
leik, fágaðri kímnigáfu hans og eld-
móði.
Hjónin hafa á síðustu árum haldið
námskeið og komið fram á ýmsum
hátíðum og tónleikum hér heima og
víða í Evrópu, Norður-Ameríku og
Kína. Fróðlegt verður því að sjá
hvernig sú reynsla skín í gegn á tón-
leikunum í kvöld.
Þjóðlagatónlistin endurvakin
Reynsluboltar Bára Grímsdóttir og Chris Foster hafa meðal annars komið fram í Evrópu, Norður-Ameríku og Kína.
 Hjónin Bára Grímsdóttir og Chris Foster efna til hljómleika í Norræna húsinu í kvöld klukkan 20.30
 Tvíeykið mun meðal annars flytja lítt þekkt íslensk þjóðlög sem þau hafa grafið upp úr geymslum