Morgunblaðið - 28.07.2016, Síða 33

MENNING 33
MORGUNBLAÐIÐ FIMMTUDAGUR 28. JÚLÍ 2016
Davíð Már Stefánsson
davidmar@mbl.is
„Hópurinn er svolítið að skoða sam-
starf sitt sín á milli á tónleikunum.
Við ákváðum því að umrita lagið
„Perth“ eftir Amiinu og flytja það.
Það vill einmitt svo skemmtilega til
að flautuleikarinn í hópnum er frá
Perth í Ástralíu,“ segir fiðluleikarinn
Halla Steinunn Stefánsdóttir en hún
fer fyrir kammerhópnum Nordic Af-
fect sem efnir til tónleikanna SPÍR-
ALL í kvöld klukkan 20. Tónleikarnir
eru hluti af tónlistarhátíðinni Sumar-
tónleikar í Skálholti en tónleikarnir
um helgina eru þeir fimmtu og jafn-
framt þeir síðustu í sumar. Sumar-
tónleikar í Skálholti, sem nú eru
haldnir í fertugasta og annað sinn,
eru elsta tónlistarhátíð sinnar teg-
undar á Norðurlöndum. Samkvæmt
venju er sérstök áhersla lögð á bar-
okktónlist og samtímatónlist í flutn-
ingi framúrskarandi listamanna.
Hita upp fyrir Maríu Huld
Að vanda einkennir frumleiki verk-
efnaval hópsins eins og segir í til-
kynningu, en þau munu frumflytja
verk eftir Georg Kára Hilmarsson,
Hróðmar I. Sigurbjörnsson og Leo
Chadburn. Einnig verða umritanir á
efnisskránni ásamt verki sem tengist
vespum. Jafnframt hitar Nordic Af-
fect upp fyrir sumarið 2017 með því
að flytja verk eftir væntanlegt staðar-
tónskáld, Maríu Huld Markan Sig-
fúsdóttur.
„Spírall er í raun titill á verki sem
María Huld Markan í Amiinu skrifaði
fyrir okkur á sínum tíma. Við munum
ekki flytja það verk á tónleikunum en
okkur fannst titillinn fanga svolítið
skemmtilega það sem maður gerir í
tónlistinni. Maður er í allskonar sam-
starfi og oft heldur samstarfið áfram í
langan tíma og það gerðist til að
mynda með Maríu Huld. Hún skrifaði
til dæmis verk fyrir mig árið 2010
sem verður flutt á tónleikunum. Þá er
hún einnig að semja verk fyrir hópinn
sem verður frumflutt í Bandaríkjun-
um á næsta ári. Við eigum í mjög
skemmtilegu samstarfi við hana,“
segir Halla Steinunn. Kammerhóp-
urinn var opinberlega stofnaður árið
2005 og er hann búinn að senda frá
sér nokkrar plötur. Meðlimir hópsins
eru fimm en aðeins fjórir munu koma
fram á tónleikunum í kvöld, þær
Halla Steinunn á fiðlu, Hanna Lofts-
dóttir á selló, Guðrún Óskarsdóttir á
sembal og þverflautuleikarinn
Georgia Browne.
Þess má geta að Nordic Affect
kemur einnig fram á laugardaginn í
Skálholti klukkan 14 með hljómleik-
um sem nefnast Þvert á landamæri.
Klukkan 16 sama dag endurtekur
hópurinn síðan dagskrána frá því í
kvöld.
Kammertónlist í forgrunni
 Nordic Affect efnir til tónleikanna SPÍRALL í Skálholti í kvöld klukkan 20
 Umrita og flytja meðal annars lagið „Perth“ sem Amiina gaf út á sínum tíma
Ljósmynd/David Oldfield
Kammer Nordic Affect kemur einnig fram á laugardaginn klukkan 14 á hljómleikunum Þvert á landamæri.
Englendingurinn Morrissey tilkynnti í
gær um fyrirhugað tónleikaferðalag
sitt um heiminn og mun það teygja
anga sína víðsvegar um Evrópu,
Bandaríkin, Asíu og Ástralíu. Þessi
fyrrverandi söngvari The Smiths tjáði
fjölmiðlum fyrr á árinu að hann hygð-
ist aðeins spila á einum tónleikum á
Englandi í ár áður en hann træði upp
á Riot Fest-hátíðinni í Chicago. Það
kom því mönnum á óvart hversu viða-
mikið fyrirhugað tónleikaferðalag er.
Tvö ár eru síðan síðasta plata hans,
World Peace Is None of Your Bus-
iness, kom út en sú fékk fína dóma,
til að mynda fjórar stjörnur af fimm í
The Guardian. Tónleikaferðalag
kappans hefst í Berlín í Þýskalandi
þann 16. ágúst næstkomandi og lýkur
í El Paso í Bandaríkjunum 23. nóv-
ember.
Morrissey leggur land undir fót
Morgunblaðið/Eggert
Söngvari Síðasta plata Morrissey kom út fyrir um tveimur árum síðan.
 Englendingurinn hefur tónleikaferðalagið sitt í Berlín
í ágúst næstkomandi og endar það í El Paso í nóvember
Bandaríska sjónvarspsstöðin MTV
tilkynnti það í gær hver ætti von á
því að vinna til verðlauna á verð-
launahátíð tónlistarmyndbanda sem
fram fer sunnudaginn 28. ágúst.
Beyoncé fer þar fremst í flokki en
hún er tilnefnd til ellefu verðlauna,
þar á meðal fyrir besta tónlistar-
myndband ársins við lagið „Form-
ation“ og besta samstarfsmynd-
bandið fyrir lagið „Freedom“ sem
hún vann með Kendrick Lamar. Þau
sem keppa um aðalhnossið að þessu
sinni, tónlistarmyndband ársins, eru
þau Beyoncé fyrir „Formation“, eins
og áður segir, Adele fyrir „Hello“,
Drake fyrir „Hotline Bling“, Justin
Bieber fyrir „Sorry“ og Kanye West
fyrir „Famous“.
Beyoncé með ellefu tilnefningar
Vinsæl Beyoncé fær m.a. tilnefningu fyrir besta tónlistarmyndband ársins.
 MTV tilnefnir
fyrir myndbönd
Vatnskæld
kælitæki
Einstaklega hljóðlát
tæki fyrir t.d. kerfis-
loft eða á vegg
hitataekni.is
Smiðjuvegur 10, 200 Kópavogur - Sími 588 60 70 - hitataekni@hitataekni.is
Saltkaup ehf | Cuxhavengata 1 | 220 Hafnarfjörður
Sími: 560 4300 | www.saltkaup.is
Fjölbreytt vöruúrval
Strekki-
filmur
glærar
Bóluplast
1,5 m br.
100 m á rúllu
Kíktu á heimasíðunawww.saltkaup.is
Bóluplast 1,2 m br.
100 m á rúllu
Bylgjupappír
Ruslapokar
svartir
Ruslapokar glærir
Umbúða-
pappír
Límbönd
Mini strekki-
filmur
Strekkifilmur
svartar
JASON BOURNE 5, 8, 10:35
GHOSTBUSTERS 5, 8
THE INFILTRATOR 8, 10:35
ÍSÖLD ÍSL.TAL 3:50, 5:50
CENTRAL INTELLIGENCE 10:30
LAUGARÁSBÍÓ Sýningartímar
Miðasala og nánari upplýsingar
mbl.is
alltaf - allstaðar