Morgunblaðið - 28.07.2016, Síða 14

14 FRÉTTIRInnlent
MORGUNBLAÐIÐ FIMMTUDAGUR 28. JÚLÍ 2016
Reykjavíkurvegi 64, Hfj,
s. 555 1515, enjo.is
• Tímasparnaður
• Engin kemísk efni
• Ódýrara
• Umhverfisvænt
• 6 x hreinna - betri þrif
• Vinnuvistvænt
• Minni vatnsnotkun
Nýja ENJO vörulínan er
komin á markað
Ferskari, líflegri og enn meiri gæði
Komið í verslun okkar
og sjáið úrvalið
Opið kl. 11-18 alla virka daga
Guðni Einarsson
gudni@mbl.is
Stefnt er að því að ljúka umhverfis-
mati vegna uppbyggingar hálend-
ismiðstöðvar í Kerlingarfjöllum
næsta vor, að sögn Páls Gíslasonar,
framkvæmdastjóra Fannborgar ehf.
Skipulagsstofnun ákvað að hefja
mætti fyrsta áfanga án umhverfis-
mats en að heildaruppbyggingin
skyldi háð mati. Landvernd kærði
ákvörðunina til Úrskurðarnefndar
umhverfis- og auðlindamála sem
ákvað að áhrif framkvæmdarinnar
allrar þyrftu að fara í umhverfismat.
Gera á miklar endurbætur. Færa
á gistingu úr smáhýsum og stórum
svefnsölum með svefnpokaplássum í
byggingu með tveggja manna her-
bergi, sem flest eru með sér salerni
og sturtu. Nýbyggingin verður ein-
faldari og ódýrari í rekstri og þægi-
legri fyrir gesti, að sögn Páls. Gestir
þurfa meðal annars ekki lengur að
fara út til allra sinna þarfa, upphitun
nýtist betur og ræsting verður auð-
veldari.
Þungamiðjan í rekstrinum í Kerl-
ingarfjöllum er sala á gistingu. Nú er
þar pláss fyrir um 140 næturgesti í
húsum og er allt yfirfullt um þessar
mundir. Fyrir um 15 árum var pláss
fyrir um 160 næturgesti. Húsnæði
hefur verið endurskipulagt til að
mæta kröfum tímans og við það hef-
ur gistirýmum fækkað. Búið er að
byggja nýja aðstöðu með 20 tveggja
manna herbergi og eru áform um
áframhaldandi uppbyggingu á
staðnum, að sögn Páls.
„Nú erum við á fullu við að klára
umhverfismatið, sem við vorum
byrjuð á, og þegar því er lokið þá
höldum við áfram.“
Skipulagður hefur verið bygging-
arreitur sem getur rúmað allt að 120
tveggja manna herbergi auk annarr-
ar aðstöðu. Gert er ráð fyrir gisti-
plássi fyrir allt að 280-300 manns, að
sögn Páls. Hann sagði að spurn eftir
svefnpokaplássi og gistingu í stórum
rýmum væri að minnka. Krafan um
sér herbergi vex aftur á móti. Áfram
verður boðið upp á svefnpokapláss
og tjaldstæði í Kerlingarfjöllum.
„Við sem ferðamannaþjóð þurfum
að mæta þörfum og óskum viðskipta-
vinarins,“ sagði Páll. „Við getum
ekki bara troðið ferðamönnum sam-
an í svefnsali eins og þótti í lagi fyrir
50-70 árum. Það er komið árið 2016.“
Þróunin kallar á viðbrögð
Páll benti á að fjöldi ferðamanna
til landsins hefði rúmlega þrefaldast
á aðeins sex árum. Þeir voru innan
við 500.000 á ári allt til 2010 en nú
stefnir í að þeir verði um 1.500.000 á
þessu ári. Hann sagði að það þyrfti
að mæta þeirri þróun m.a. með upp-
byggingu vega og aðstöðu á hálend-
inu. „Ef við í Kerlingarfjöllum hefð-
um fylgt þróuninni eftir þá ættu að
vera langt yfir 300 gistipláss hjá okk-
ur nú,“ sagði Páll.
Ástand Kjalvegar brennur mjög á
þeim í Kerlingarfjöllum. Páll sagði
að þau teldu það vera bæði náttúru-
vænt og sjálfbært að lagfæra veginn
líkt og helstu umferðaræðar á há-
lendinu.
„Það er sama hver kemur þarna
upp eftir. Fólk spyr hvernig standi á
því að ekki sé búið að laga vegina.
Okkur finnst það vera fráleitt hjá
Landvernd að kæra til að knýja fram
umhverfismat á lagfæringu á vegi
sem er niðurgrafinn og algjörlega
ómögulegur,“ sagði Páll. Hann sagði
að Kjalvegur hefði verið þokkalega
góður í sumar vegna þurrviðris. En
um leið og fari að rigna muni veg-
urinn vaðast upp í djúpum holum.
Morgunblaðið/Árni Sæberg
Kerlingarfjöll Unnið er að uppbyggingu hálendismiðstöðvar með nútímalega gistiaðstöðu á staðnum.
Brugðist við þörf
 Ör fjölgun ferðamanna kallar á endurbætur á gistiaðstöðu
í Kerlingarfjöllum  Mikil þörf er á að endurbæta Kjalveg
Morgunblaðið/Sigurður Bogi
Framkvæmdastjóri Páll Gíslason hjá Fannborgu ehf. sem á og rekur ferða-
þjónustuna í Kerlingarfjöllum. Þar er þröngt setinn bekkur þessa daga.
Jóhannes Tómasson
johannes@mbl.is
Mikilvægt er að hafa umræðu um
kynferðisleg brot yfirvegaða og fag-
lega. Opin umræða um slík brot er
erfið en engu að síður af hinu góða.
Þetta segir Þóra Sigfríður Einars-
dóttir, sálfræðingur hjá Áfalla- og
sálfræðimiðstöðinni.
„Það sem mér finnst skipta
mestu máli er hvort við séum að
tala um upplýsingar um að ákveðið
mörg kynferðisbrotamál, fíkniefna-
mál og svo framvegis hafi verið
framin, eða hvort um sé að ræða
lýsingar á málsatvikum. Það er eig-
inlega grundvallarspurningin. Ég
hef ekki séð neitt, hvorki faglegar
rannsóknir né af minni klínísku
reynslu, sem bendir til þess að það
sé skaðlegt fyrir þolendur að tíðni-
upplýsingar birtist,“ segir Þóra.
Á hinn bóginn telur hún að ít-
arleg umfjöllun um kynferðisbrot í
fjölmiðlum geti verið skaðleg fyrir
þolendur. „Það er mjög íþyngjandi
og getur verið meiðandi fyrir þol-
endur þegar það koma fram ítar-
legar lýsingar í fjölmiðlum á einni
erfiðustu lífsreynslu sem fólk hefur
upplifað. Það eru ekkert bara kyn-
ferðisbrot, það birtast líka mjög ít-
arlegar og ljótar lýsingar á líkams-
árásum. Það getur aukið á vanda
þolandans. Frá sjónarhorni hans
myndi ég halda að tíðniupplýsingar
ættu ekki að vera skaðlegar en að
ítarlegar upplýsingar geti svo sann-
arlega verið það.“
Umfjöllun getur hvatt
þolendur til að stíga fram
Þóra telur að opin umræða um
kynferðisbrot hafi orðið til þess að
fleiri aðilar stígi fram, tilkynni kyn-
ferðisbrot og leiti sér aðstoðar.
„Það koma oft svona bylgjur, eins
og í Kastljósinu var um tíma mikið
fjallað um kynferðisbrot, og þá
verðum við fagaðilar mjög varir við
það því það stíga yfirleitt þolendur
fram og leita sér hjálpar í kjölfar-
ið.“
- Hvernig geta vinir og fjöl-
skylda þolandans hjálpað?
„Það eru margar rannsóknir
sem sýna fram á að jákvæður
stuðningur í kjölfar ofbeldis skiptir
afar miklu máli og getur haft mjög
þýðingarmikil áhrif á bata ein-
staklingsins. Það er kannski fyrst
og fremst að trúa einstaklingnum,
hlúa að honum og gera sér grein
fyrir því að viðbrögðin eru ekki
endilega rökrétt, þolendur geta oft
verið í hálfgerri afneitun í upphafi
og eru kannski svolítið ringlaðir.
Það er mjög gott á hátíðum eins og
Þjóðhátíð sem ég veit að hefur tek-
ið þessi mál mjög alvarlega, að hafa
ákveðinn stað sem allir vita að mað-
ur geti snúið sér til. Það er kannski
gott fyrir ættingja og vini að hjálpa
þolandanum á rétta staði, eins og
neyðarmóttökuna,“ segir Þóra.
Einnig segir hún að það sé mikil-
vægt að líta ekki öðruvísi á þoland-
ann eftir atvikið. „Þolendur óttast
oft að þeir séu skemmdir á ein-
hvern hátt, það er mikilvægt að
sýna að svo sé ekki.“
Þóra segir að fólk ætti að var-
ast að láta stjórnast af tilfinningum
sínum þegar um kynferðisbrot er
að ræða. „Það er auðvitað þannig
að við vitum aldrei alveg hvað gerð-
ist, og það er ekki gott fyrir þoland-
ann þegar það er reynt að geta í
eyðurnar og vera með alls kyns
upphrópanir.“
Erfitt en nauð-
synlegt að hafa
opna umræðu
 Jákvæður stuðningur skiptir miklu
Morgunblaðið/Styrmir Kári
Djammað Það verður fjör á útihá-
tíðum um land allt næstu helgi
Verslunarmannahelgi
» Oft koma upp kynferðis-
brotamál, fíkniefnamál og of-
beldismál um verslunarmanna-
helgi.
» Mikilvægt er að tryggja að
umræða um slík atvik sé yfir-
veguð og fagleg, ekki háð til-
finningum, því það þjónar best
hagsmunum þolenda.
Benedikt Bóas
benedikt@mbl.is
Freskur Víðistaðakirkju hafa orðið
fyrir skemmdum vegna umgangs
og rakaskemmda í kjölfar þakleka í
kirkjunni. Sótti sóknarnefnd kirkj-
unnar um styrk hjá Hafnarfjarðar-
bæ upp á 1,5 milljónir króna til að
standa straum af viðgerð og greiða
Baltasar Samper listmálara, sem
gerði verkin fyrir tæpum 30 árum,
fyrir lagfæringuna. Bærinn veitti
250 þúsund krónur í styrk og í bréfi
til bæjaryfirvalda lýsir sóknar-
nefndin yfir vonbrigðum með þær
málalyktir.
Til að upplýsa bæjarráð hefur
sóknarnefndin boðið því í heimsókn
í kirkjuna í næsta mánuði til að fá
upplýsingar frá fyrstu hendi. Hjör-
leifur Þórarinsson, formaður sókn-
arnefndarinnar, hefur ekki fengið
viðbrögð bæjarráðs við þessu boði
en býst við að málið verði tekið upp
þegar sumarleyfum ljúki. „Þetta
eru mjög merkilegar myndir og
stærð þeirra og umfang er óþekkt í
öðrum kirkjum landsins. Við viljum
hlúa að þeim og kostnaðaráætlun,
sem yrði laun listamannsins, sem
við sendum inn hljóðaði upp á 1,5
milljónir króna. Þess vegna viljum
við eiga fund með bæjarráðinu til
að útskýra hvaða vinna þarf að fara
fram,“ segir Hjörleifur. Kirkjan
ætlar sjálf að standa straum af
kostnaði vegna þaklekans.
Það tók Baltasar um tvö ár að
undirbúa gerð myndanna þar til
endanlegu takmarki var náð. Upp-
setning þeirra tók ekki langan
tíma, því hann málaði þær á röskum
þremur mánuðum frá hausti 1986
og til 9. janúar 1987 segir á heima-
síðu kirkjunnar.
Verk Baltasars skemmdust
 Báðu Hafnarfjarðarbæ um 1,5 milljónir og fengu 250.000
 Sóknarnefndin býður bæjarráði í heimsókn til að skoða
Morgunblaðið/Þórður
Skemmdar Freskur Baltasars hafa
vakið athygli í hartnær 30 ár.