Morgunblaðið - 10.09.2016, Blaðsíða 2
2 FRÉTTIRInnlent
MORGUNBLAÐIÐ LAUGARDAGUR 10. SEPTEMBER 2016
VITA | Skógarhlíð | Sími | VITA.IS
Verð frá39.900 kr.
og 12.500 Vildarpunktar
á mann m.v. flug fram og til baka.
Verð án Vildarpunkta: 49.900 kr.
13.–16. október
3 nætur
Dublin
Þægileg og skemmtileg
Flogið með Icelandair
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Viðar Guðjónsson
vidar@mbl.is
Lilja Magnúsdóttir, sem sat í kjör-
dæmisráði í prófkjöri Pírata í Norð-
vesturkjördæmi, segir í bréfi sem
hún sendi á fjölmiðla að Birgitta
Jónsdóttir, þingmaður Pírata, hafi
hvatt frambjóðendur sem enduðu í
efstu sætum prófkjörsins til að stíga
til hliðar til þess að Gunnar Ingiberg
Guðmundsson kæmist ofar á lista
flokksins í kjördæminu. Þá hafi hún
hringt í fólk og hvatt það til þess að
fella listann í staðfestingarkosningu
flokksins og að síðustu haft samband
við fólk og hvatt það til þess að velja
Gunnar efstan á lista í endurteknu
prófkjöri flokksins, en smölun er
óheimil samkvæmt reglum flokks-
ins. Birgitta segist ekki hafa reynt
að hafa áhrif á niðurstöður próf-
kjörsins.
Fleiri Píratar stigu fram í gær og
höfðu svipaða sögu að segja. Gunnar
endaði í fimmta sæti í prófkjörinu.
Segir Lilja að þegar þeir sem urðu
fyrir ofan hann í prófkjörinu hafi
hafnað því að stíga til hliðar hafi
Birgitta beitt sér fyrir því að lista
flokksins yrði hafnað þegar hann var
borinn undir Pírata á landsvísu.
Segir Lilja Birgittu meðal annars
hafa vegið að persónu Þórðar
Péturssonar, sem endaði í efsta sæti
í upprunalega prófkjörinu, á leyni-
legri spjallsíðu flokksins. ,,Símhring-
ingar, tölvupóstar og fundir þess
efnis um að fólk myndi færa sig neð-
ar á lista til að koma Gunnari Ingi-
berg ofar báru ekki árangur. Þing-
maður flokksins, Birgitta Jónsdóttir,
fór hamförum á leynilegri síðu
flokksins þar sem hún sagðist
þekkja mann og annan í heimabæ
Þórðar Péturssonar, efsta manns á
lista, sem gætu sagt sér hitt og þetta
um manninn,“ segir Lilja og birtir
skjáskot með ummælum Birgittu
máli sínu til stuðnings.
Taka í svipaðan streng
Fleiri Píratar úr Norðvesturkjör-
dæmi stigu fram í gær og sögðu að
Birgitta og fólk henni tengt hefði
hvatt frambjóðendur til að stíga til
hliðar. Þeirra á meðal er Hafsteinn
Sverrisson, fyrrverandi varaformað-
ur Pírata í kjördæminu, sem var í
þriðja sæti í prófkjörinu eftir
endurútreikninga í kjölfar þess að
Halldóra Ásgeirsdóttir steig til hlið-
ar. Var hann einnig hvattur til þess
að víkja fyrir Gunnari.
Þá sagði Ágúst Beaumont, ritari
Pírata á Vesturlandi, sem átti sæti í
kjördæmisráði Norðvesturkjör-
dæmis, í samtali við RÚV að Birgitta
hefði haft samband við sig og reynt
að hafa áhrif á uppröðun á lista
flokksins í kjördæminu, eftir að fyrri
kosning lá fyrir
Gunnar fékk mun betri kosningu í
endurteknu prófkjöri og endaði í 2.
sæti. Var honum raðað 86 sinnum í
efsta sæti á listanum en sigurvegar-
anum Evu Pandoru Baldursdóttur
46 sinnum. Henni var hins vegar
raðað oftar fyrir ofan hann og hún
vann því samkvæmt kosningakerfi
Pírata.
Neitar ásökunum
Í samtali við Morgunblaðið í gær
sagðist Birgitta hafna öllum ásökun-
um um að hafa reynt að hafa áhrif á
niðurstöðu prófkjörsins. „Ég hringdi
ekki í eina einustu manneskju til
þess að biðja hana um að fella
listann,“ sagði Birgitta. „Ég hef ekki
tekið upp símann og beðið neinn um
að kjósa á einn eða neinn hátt.“
Píratar gagnrýna Birgittu
Sögð hafa reynt að hafa áhrif á niðurstöðu prófkjörs Símhringingar, fundir og
tölvupóstar segir Pírati „Hringdi ekki í eina einustu manneskju,“ segir Birgitta
Samkvæmt upp-
lýsingum frá Veð-
urstofu Íslands
má búast við mik-
illi úrkomu á
Norðurlandi og á
Ströndum í dag
vegna skila sem
ganga yfir landið.
Skapast getur
flóða- og skriðu-
hætta á þessum
slóðum og ekki er hægt að útiloka
staðbundin skyndiflóð sem gætu
valdið tjóni, t.d. á Tröllaskaga. Því
mælist Veðurstofan til þess að hugað
sé að holræsum og niðurföllum á
þessum slóðum.
Búast má við að talsvert margt er-
lent ferðafólk sé á þessum slóðum og
margir í þeim hópi þekki lítið til
þeirra veðrabrigða sem kunni að
koma upp hér á landi.
Jónas Guðmundsson hjá slysa-
varnafélaginu Landsbjörg segir að
alltaf sé verið að auka upplýsinga-
flæðið til ferðamanna. Um hálf millj-
ón manna hafi heimsótt vefinn
safetravel.is það sem af er ári, en þar
eru meðal annars settar inn upplýs-
ingar um færð og veðurfar. Einnig
séu tilkynningar af þessu tagi settar
inn á 70 skjáupplýsingakerfi sem séu
úti um allt land.
Veður Ferðamenn
eru varaðir við.
Mikil úr-
koma fyr-
ir norðan
Það hellirigndi jafnt á réttláta sem rangláta sem
lögðu leið sína í helgidóminn Þingvelli und-
anfarna daga.
Rigningu er spáð víða um landið í dag en á
morgun á að stytta upp og þegar líður á daginn
verður hann sannkallaður sunnudagur, eða
sólardagur, einkum um norðan- og austanvert
landið. Samkvæmt veðurspá fyrir næstu viku má
búast við úrkomu víða og jafnvel hvassviðri.
Úrhelli í Almannagjá
Morgunblaðið/Ómar
Haustið gerir vart við sig með rigningu víða um landið
Annar hluti frímerkjasafns Indriða heitins Pálssonar
verður boðinn upp hjá alþjóðlega uppboðshúsinu Post-
iljonen (postiljonen.se) í Svíþjóð 1. október nk. Umslag
með tveimur skildingamerkjum, 2 og 8 skildinga, er á
meðal uppboðsmuna. Byrjunarboð í umslagið er aug-
lýst 50.000 evrur eða tæplega 6,5 milljónir króna.
Claes Arnrup, uppboðshaldari og stofnandi Post-
iljonen AB, kveðst vera nokkuð viss um að bréfið selj-
ist. Hann segir að einungis séu varðveitt þrettán bréf
með skildingafrímerkjum og þar af þrjú sem send voru
til útlanda, það er út úr konungsríkinu Danmörku, sem
Ísland tilheyrði á þeim árum.
Bréfið sem hér um ræðir er eitt þeirra. Það var sent
um Granton til London árið 1875. Það er best varðveitt
af þeim skildingabréfum sem send voru „til útlanda“. Á
öðru bréfi sem sent var til Englands er frímerki rifið og
af þriðja umslaginu sem sent var til Kanada hefur ein-
ungis framhliðin varðveist.
Fyrsti hluti frímerkjasafns Indriða heitins var boð-
inn upp í mars síðastliðnum. Þar á meðal var bréf með
upphafsboð upp á 50.000 evrur, en það seldist fyrir
130.000 evrur (rúmar 16,8 milljónir ÍSK). Það var eftir-
sóknarverðasta skildingabréfið í safninu því að á því
var að finna 16 skildinga frímerki. Bréfið var sent árið
1874 frá Djúpavogi til Kaupmannahafnar. Þriðji og síð-
asti hlutinn úr frímerkjasafni Indriða heitins verður
boðinn upp síðar, að sögn Arnrups. gudni@mbl.is
Fágætt umslag á uppboði
Postiljonen.se
Annar hluti uppboðs á frí-
merkjasafni Indriða Pálssonar
Þýski kafarinn Thomas Weyer
fann nú í sumar farþegaskipið
Goðafoss, sem legið hefur á hafs-
botni frá því að þýskur kafbátur
sökkti skipinu með tundurskeyti í
nóvember 1944 með þeim afleið-
ingum að 24 fórust. Nákvæm lega
Goðafoss hefur verið á huldu frá
því að skipið sökk, þangað til þýska
tímaritið Spiegel greindi frá fundi
Weyer í gær.
Weyer heyrði fyrst um Goðafoss
árið 2011. Með því að nota gamlar
staðsetningarskrár komst hann að
því að skipið hlyti að liggja á 40 m
dýpi. Þá hafði hann uppi á frásögn-
um íslenskra vitna að árásinni.
Weyer kom hingað til lands
ásamt teymi sínu í júlí og hópurinn
sigldi út frá Reykjavík með ómsjá
sem varpaði upp myndum af hafs-
botni. Á þriðja degi sáust síðan út-
línur skipsflaks undir sandlagi.
Hann hefur hug á að kafa að skip-
inu og telur jafnvel mögulegt að
losa það úr sandinum. Nánar er
fjallað um málið á mbl.is.
Þýskur kafari fann
Goðafoss í sumar