Morgunblaðið - 10.09.2016, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 10. SEPTEMBER 2016
664 6991
www.sveinnoskar.is
sveinnoskar@sveinnoskar.isStétt með stétt
Kynslóð með kynslóð
Þriðja til fjórða sæti
Prófkjör Sjálfstæðisflokksins í Suðvesturkjördæmi
10. september 2016
Kosningaskrifstofa
Hlíðasmára 11, efstu hæð.
201 Kópavogi.
Svein
Óskar
áAlþingi
Styðjum
Kristján Jónsson
kris@mbl.is
Guðni Th. Jóhannesson er nú stadd-
ur í Ríó í Brasilíu í sinni fyrstu ferð
til útlanda eftir að hann tók við
embætti forseta Íslands. Var hann
viðstaddur setningarhátíð Ólympíu-
móts fatlaðra, Paralympics. Svipt-
ingar urðu í brasilískum stjórn-
málum nokkrum dögum áður en
Guðni fór utan og því kemur hann
ekki til með að eiga formlegan fund
með forseta Brasilíu, Michel Temer,
sem er nýtekinn við.
„Ég vissi að á því væri áhugi að
við myndum eiga fund en pólitíska
staðan hér var bara í algeru upp-
námi. Ég hitti hins vegar forsetann
og eiginkonu hans mjög stuttlega í
móttöku fyrir setningarathöfnina,“
sagði Guðni sem sat við hlið Ástrala
og Portúgala á Maracana-
leikvanginum.
„Öðrum megin voru landstjóri
Ástralíu og kona hans og hinum
megin við mig var forsætisráðherra
Portúgals. Það var notalegt að vera
í þessum hópi. Ég fylltist stolti þeg-
ar íslenski hópurinn gekk inn á leik-
vanginn og reyndi að veifa íslenska
fánanum af miklum móð.“
Spurður hvort honum finnist
vera mikið umstang í kringum ferð-
ir forsetans erlendis segist Guðni
ekki geta neitað því en reynir að
setja sig í spor gestgjafanna.
„Eins og þú sérð núna þegar
við erum að tala saman í bílnum þá
erum við með lögreglufylgd þar
sem mótorhjólin þjóta á undan okk-
ur, loka öllum hliðargötum og gera
okkur leiðina greiða. Auðvitað er
þetta alveg ný upplifun. Maður
hugsar auðvitað sem svo: Er þetta
nú nauðsynlegt fyrir forseta Ís-
lands? Svarið er að þeir taka sitt
hlutverk alvarlega og gera engan
greinarmun á þjóðhöfðingjum. Sem
er gott að mínu mati ef út í það er
farið. Þeim er sama hvaða þjóðhöfð-
ingi á í hlut. Öryggis hans skal
gætt. Stundum brosir maður reynd-
ar í kampinn. Ef maður þarf að
bregða sér frá hérna á leikvang-
inum þá fer fyrst öryggisvörður
með sólgleraugu inn á salernið og
athugar hvort þar séu nokkuð leyni-
skyttur á sveimi, sagði Guðni í sam-
tali við Morgunblaðið.
Fyrstu embættis-
verkin í útlöndum
Ljósmynd/ÍF
Í ólympíumótsþorpinu Forseti Íslands Guðni Th. Jóhannesson ásamt íslenska hópnum í Ríó.
 Forseti Íslands fylgist með Ólympíumótinu í Ríó
Kjartan Kjartansson
kjartan@mbl.is
Málflutningur í markaðsmis-
notkunarmáli Kaupþings fór fram í
Hæstarétti í gær og lauk kl. 16.20.
Kaupþingsfólkið var sakað um að
hafa haldið uppi verði á hlutabréfum
í bankanum með því að láta bank-
ann kaupa þau í miklum mæli. Sak-
sóknari fór fram á að þeir sakborn-
ingar sem voru sýknaðir í héraði
yrðu sakfelldir og að dómar sem
féllu yrðu þyngdir. Verjendur fóru
fram á sýknu, ómerkingu eða frávís-
un ákæra.
Níu fyrrverandi stjórnendur og
starfsmenn Kaupþings voru ákærð-
ir í upphafi. Þeir eru Hreiðar Már
Sigurðsson, fyrrverandi forstjóri
bankans, Sigurður Einarsson, fyrr-
verandi stjórnarformaður, Magnús
Guðmundsson, fyrrverandi forstjóri
Kaupþings í Lúxemborg, Ingólfur
Helgason, fyrrverandi forstjóri
Kaupþings á Íslandi, Einar Pálmi
Sigmundsson, fyrrverandi forstöðu-
maður eigin viðskipta Kaupþings,
Birnir Sær Björnsson og Pétur
Kristinn Guðmarsson, starfsmenn
eigin viðskipta, Bjarki Diego, fyrr-
verandi framkvæmdastjóri útlána
Kaupþings, og Björk Þórarinsdóttir,
fyrrverandi lánafulltrúi í lánanefnd
bankans.
Björn Þorvaldsson saksóknari hóf
málflutning kl. 8 í gærmorgun.
Hann sagði m.a. að markaðsmis-
notkun sem fyrrverandi stjórnendur
og starfsmenn Kaupþings voru sak-
felldir fyrir hefði valdið því að skell-
urinn fyrir þjóðina hefði orðið enn
stærri en ella þegar spilaborgin
hrundi í október 2008.
Kröfðust refsilækkunar
Verjendur sjömenninganna sem
voru sakfelldir í málinu héldu því
fram að skjólstæðingar þeirra hefðu
ekki borið ábyrgð á kaupum og síð-
ar sölu á hlutabréfum í Kaupþingi,
sem saksóknari fullyrti í ákæru að
hefði verið ætlað að halda uppi verði
bréfanna og blekkja markaðinn.
Hörður Felix Harðarson, verjandi
Hreiðars Más, sagði Fjármálaeftir-
litið ekki hafa gert athugasemdir við
viðskipti bankans með eigin bréf
þrátt fyrir að því væri kunnugt um
þau. Hreiðar Már krefst þess að-
allega að dómur yfir honum verði
ómerktur, jafnvel þó að honum hafi
ekki verið gerð refsing umfram þá
sem hann hlaut í al-Thani-málinu.
Gestur Jónsson, verjandi Sigurð-
ar Einarssonar, sakaði saksóknara
um mismunun í garð skjólstæðings
síns. Hann krafðist þess að Hæsti-
réttur sneri dómi héraðsdóms við og
sýknaði Sigurð. Hann hefði ekki
haft neina aðkomu að meintum brot-
um og ekki kæmi fram í ákæru hver
aðkoma hans hefði átt að vera.
Grímur Sigurðsson, verjandi Ing-
ólfs Helgasonar, sagði að aðkoma
Ingólfs að viðskiptum Kaupþings
með eigin hlutabréf hefði aðeins
verið tæknilegs eðlis. Grímur lagði
áherslu á að Ingólfur hefði ekki haft
vitneskju um fjármögnun kaupa á
bréfum bankans og því væri ekki
hægt að sakfella hann fyrir það.
Gizur Bergsteinsson, verjandi
Einars Pálma Sigmundssonar, sagði
Einar hafa verið rændan bestu ár-
um lífs síns vegna rannsóknar og
málareksturs í kringum markaðs-
misnotkunarmál bankans.
Halldór Jónsson, lögmaður Birnis
Sæs Björnssonar, sagði enga sann-
girni í því að láta þessa ungu drengi
[eins og Birni] gjalda fyrir vanmátt
eftirlitskerfis innan og utan bank-
ans.
Lögmaður Péturs Kristins Guð-
marssonar sagði að þeir Pétur og
Birnir Sær hefðu lagt sig fram um
að upplýsa málið og ekki haft neina
persónulega hagsmuni af brotunum.
Verjandi Bjarka Diego krafðist
sýknu skjólstæðings síns. Ráðist
hefði verið að einum hornsteina
réttar sakborninga þegar símtöl
hans við lögmenn hefðu verið hler-
uð.
Síðust tók til máls Helga Mel-
korka Óttarsdóttir fyrir hönd
Bjarkar Þórarinsdóttur. Krafðist
hún þess að sýkna Bjarkar yrði
staðfest.
Verjandi Magnúsar Guðmunds-
sonar fullyrti að hann hefði enga að-
komu eða vitneskju haft um lánveit-
ingar vegna hlutabréfakaupanna.
Ákæruliðum gegn Magnúsi var vís-
að frá í héraðsdómi og hann sýkn-
aður af þeim sem eftir stóðu.
Markaðsmisnotkunarmálið reifað
 Saksóknari krafðist þess í gær að Hæstiréttur þyngdi refsingar sem Kaupþingsfólk fékk í héraðs-
dómi  Verjendur bankafólksins fóru fram á sýknu, ómerkingu eða frávísun ákæra gegn því
Morgunblaðið/Árni Sæberg
Í Hæstarétti Saksóknari, Kaupþingsmenn og verjendur þeirra voru viðstaddir málflutninginn í gær.
Bergþóra Jónsdóttir
bj@mbl.is
Samkvæmt útreikningum verðlags-
eftirlits ASÍ hafa mjólkurvörur
hækkað um þrjú prósent frá því í
júní. Rögnvaldur Ólafsson, sem sit-
ur í verðlagsnefnd búvara, segir að
afurðaverð á mjólk hafi ekki hækk-
að síðan í júní síðastliðnum.
„Verðþróun á mjólkurvörum er
frábrugðin því sem við sjáum á
öðrum vörum,“ segir Kristjana
Birgisdóttir, verkefnastjóri verð-
lagseftirlits hjá ASÍ. Hún segir það
„alveg ótrúlegt“ að þegar gengið sé
að styrkjast skuli verðlag þessara
vara hækka, sem bitni síðan á
neytendum. Hækkun á verði
mjólkurvara hafi komið á óvart því
að önnur matvara hafi ekki hækk-
að.
Rögnvaldur segir að verðlags-
grundvöllur kúabænda, sem not-
aður er við verðlagsbreytingar,
hafi verið hærri, en ákveðið hafi
verið að hækka prósentuna ekki
meira í þetta skipti. „Ef við hefðum
farið eftir þeim útreikningum ná-
kvæmlega hefði hækkunin verið 3,8
prósent en það var ákveðið að
hækka vörurnar um 2,5 prósent.“
Ekki rakið til verðlagsnefndar
Rögnvaldur segir að bændum
séu reiknuð laun út frá viðmið-
unarstéttum út frá launahækkun-
um. „Staðreyndin er sú að laun
hafa hækkað það mikið í þjóðfélag-
inu frá því að áður var verðlagt,
eða fyrir ári. Því var nauðsyn að
hækka vörurnar í sumar,“ segir
Rögnvaldur.
Hann segir að engar hækkanir
megi rekja til verðlagsnefndar eða
mjólkuriðnaðarins frá því í júní en
hann geti ekki svarað fyrir hvað
kaupmenn hafi gert.
Mjólkurvörur hækk-
uðu um 3% frá júní