Morgunblaðið - 10.09.2016, Blaðsíða 14

14 DAGLEGT LÍF
MORGUNBLAÐIÐ LAUGARDAGUR 10. SEPTEMBER 2016
Morgunblaðið/RAX
Höfundar Júlía Margrét Einarsdóttir og Þórdís Helgadóttir gefa út fyrstu verkin sín í dag.
Skrifað frá
sex ára aldri
Höfundarnir Júlía Margrét Einarsdóttir og Þórdís
Helgadóttir fagna báðar útgáfu fyrstu verka sinna
sem koma út í smásagnaröðinni Meðgöngumál og
eru númer fimm og sex í röðinni. Júlía Margrét send-
ir frá sér smásöguna Grandagallerí: Skýin á milli
okkar og Þórdís smásöguna Út á milli rimlanna.
Þrátt fyrir að þetta sé fyrsta verk þeirra beggja hafa
smásögur og ljóð eftir þær birst í ýmsum tímaritum og
safnútgáfum. Þær eiga sitthvað sameiginlegt en þær
byrjuðu báðar að skrifa sögur um leið og þær lærðu
að draga til stafs. Þær eru báðar ákveðnar í að leggja
ritstörf fyrir sig og eru sammála um að meistaranám-
ið í ritlist við Háskóla Íslands hafi ýtt þeim á rétta
braut. En fyrirmynd að ritstörfum sækja þær báðar
m.a. til feðra sinna sem eru rithöfundar. thorunn@mbl.is
„Sögusviðið er Grandagallerí en mig dreymdi
það. Mig dreymdi að ég hefði verið á opnun á
galleríi út á Granda og þar voru ský í gólfinu.
Ég drakk einhverja kokteila og fór svo að lesa
upp en áttaði mig á því að textarnir voru ekki
eftir mig sjálfa. Þetta varð að einhverri mar-
tröð,“ segir Júlía Margrét Einarsdóttir um til-
urð smásögunnar, Grandagallerí: Skýin á milli
okkar, sem hún var að gefa út í smásagnaröð-
inni Meðgöngumál hjá Partus útgáfu.
Þegar hún vaknaði af þessum
draumförum var sögusviðið ljóslif-
andi og hún ákvað að skrifa það niður
eins og hún mundi eftir því. Út frá því
spratt smásagan og hún hélt áfram að
spinna söguna. Hún notar drauma
mikið í sköpun sinni. „Ég vona bara að
þetta gallerí á Granda sem er grunn-
sögusvið verksins, komi til með að
verða opnað einn daginn,“ segir hún
brosandi og bætir við að hún myndi
glöð vilja lesa þar upp úr eigin verki og óttast
ekki að klúðra því eins og ein söguhetja verks-
ins.
Smásagan Grandagallerí er 50 síður að lengd
og er því eins og stutt nóvella. Júlía Margrét
segir verkið vera töluvert í hennar stíl. „Þeir
sem hafa lesið eitthvað eftir mig sjá það. Þetta
er saga af hráum hversdaglegum veruleika og
frásögnin er draumkennd og ölvuð á köflum.“
Hvenær ákvaðstu að leggja ritstörfin fyrir
þig?
„Það er töluvert langt síðan ég ákvað það, lík-
lega í kringum sex ára aldurinn. Mér hefur allt-
af fundist gaman að segja og skrifa sögur. Ég
held að þetta tengist því að mér fannst ofsalega
gaman að fara í þykjustuleiki þegar ég var lítil.
Ég var alltaf að búa til eitthvert sögusvið og
skapa út frá því. Þegar ég var unglingur skrifaði
ég mikið. Ritlistin í HÍ ýtti mér endanlega þá
metra sem ég átti eftir til að taka þetta föstum
tökum. Ég lít ekki til baka núna,“ segir
hún. Júlía Margrét á ekki langt að
sækja fyrirmynd að ritstörfum en faðir
hennar er rithöfundurinn Einar Kárason. Júlía
Margrét útskrifaðist úr ritlist í HÍ í fyrra.
Meistaraverkefni hennar er skáldsaga sem
nefnist Sirkús og kemur út eftir áramótin en
hún hlaut nýræktarstyrk fyrir hana árið 2015.
Ertu komin með hugmynd að næstu bók?
„Ég var á ferðalagi í sumar um Evrópu og í
Búdapest og þá sá ég hóp af fólki og ákvað að
skrifa um það. Ég er komin með drög að næstu
hugmynd sem mig langar að fara að steypa mér
strax í en ég verð víst að hnýta lausa enda á
Sirkús fyrst. Ég finn alveg að næsta bók er að
fæðast. Ég er líka að vinna í ljóðahandriti. Ég er
alltaf með eitthvað til að grípa í,“ segir hún.
Hún er annars full eftirvæntingar fyrir út-
gáfu fyrsta verksins. „Það verður ótrúlega gam-
an að fá mitt nánasta fólk til að fagna þessum
áfanga með mér. Ég stefni að því að gefa út
margar bækur á lífsleiðinni en þetta mun alltaf
vera mitt fyrsta verk og hafa ákveðinn sess í
hjarta mínu sem slíkt,“ segir hún.
Dreymdi sögusvið verksins
Opnun Júlía vonar að galleríið á
Granda sem hana dreymdi verði opnað.
„Kveikjan að henni varð til á ferðalagi í
Amsterdam í fyrra. Ég fékk hugmyndina að
henni í flugvélinni á leiðinni út. Hún sprett-
ur út frá þeim tilfinningum sem kvikna þeg-
ar maður ferðast; það er gaman en því fylgir
líka fullt af óþægilegum tilfinningum t.d. að
vera í flugvél, maður er þvældur, illa sofinn,
allt frekar óþægilegt,“ segir Þórdís Helga-
dóttir um tilurð smásögu sinnar,
Út á milli rimlanna, sem kemur
út í smásagnaröðinni Meðgöng-
umál hjá Partus útgáfu. Í verkinu
eru tvær smásögur sem Þórdís
segir vera á mörkum fantasí-
unnar. „Í sögunni veit maður ekki
hvað er raunverulegt, hvað er
hugarburður og oft er óljóst hvað
er að gerast. Mér finnst gaman að
dansa á þessari línu. Ég byrja allt-
af að skrifa eitthvað jarðbundið og raunsæ-
islegt en áður en ég veit af er ég komin með
einhver undarleg element úr ævintýrum og
fantasíum,“ segir Þórdís ennfrekar um verk-
ið.
Þórdís hefur alla tíð skrifað mikið og lesið.
Hún á enn fyrstu sögurnar sem hún samdi
þegar hún var sex ára. En hún á ekki langt
að sækja fyrirmynd af ritstörfum en faðir er
rithöfundurinn og kennarinn Helgi Ingólfs-
son sem hefur gefið út fjölmargar bækur.
Hvenær ákvaðstu að leggja ritlistina fyrir
þig?
„Ég held ég sé loksins komin út úr skápn-
um með að vera rithöfundur. Ég hef verið að
þokast lengi nær því og hef verið að vinna
við textagerð. Ég hef verið á kantinum en
ekki alveg þorað að taka stökkið. Fyrir um
tveimur árum ákvað ég að horfast í augu við
að þetta væri draumurinn að ég vildi bara
gera þetta. Skrifa. Í rauninni má segja að
eftir að ég átti börnin mín kom nýr kjarkur
og trú á sjálfa mig um að ég væri fær
um að gera hluti sem ég hafði afskrif-
að áður. Ég er hætt að finna mér afsakanir
til að vera ekki að gera það sem ég vil gera.
Ég sótti um í ritlistarnáminu og það hefur
þjónað mér ótrúlega vel,“ segir Þórdís.
Hún er nýbyrjuð í ritlistarnáminu en er
þegar farin að vinna að meistarverkefninu
sem er skáldsaga. „Ég er með rosalega
stóra hugmynd og er að hugsa upp ein-
hverja aðferð fyrir sjálfa mig til að ná utan
um þetta. Þess vegna ákvað ég að kýla á það
strax að byrja. Það er svo mikill lúxus að
vera í náminu og hafa aðgang að öllum leið-
beinendunum og fá þetta rými til að búa til
verkefni. Þetta er mun erfiðara ef maður er
einn að rolast með sjálfum,“ segir hún og
hlær.
Hún er með margar hugmyndir í kollinum
og er m.a. að skrifa leikrit og skáldsögu.
Hún segist vera rétt að hefja ritstörfin. „Það
er rosalega gaman að setja eitthvað á prent
en því fylgir líka óvissa. Ætli þetta séu ekki
vaxtarverkir,“ segir hún.
Dansar á línu hins ókennilega
Ferð Tilfinningar sem vakna á ferða-
lögum eru kveikjan að verki Þórdísar.
Borgarbókasafnið, í samstarfi við félagið Vigdísi,
Vini gæludýra á Íslandi, býður börnum að heim-
sækja safnið og lesa sér til ánægju fyrir hunda
sem eru sérstaklega þjálfaðir til að hlusta á börn
lesa. Boðið verður upp á lestrarstundirnar á
völdum sunnudögum. Fyrsti lestur verður á
morgun kl. 13.
Félagið Vigdís er aðili að lestrarverkefninu
R.E.A.D – Reading Education Assistance Dogs.
Markmið verkefnisins er að efla læsi barna með
því að hvetja þau til yndislesturs. Lestrarstundir
með hundi reynast börnum vel, ekki síst þeim
sem eiga við lestrarörðugleika að stríða. Borg-
arbókasafnið í Grófinni býður börnum að lesa
fyrir hunda í nokkur skipti á þessu misseri. For-
eldrar þurfa að bóka tíma fyrirfram fyrir börnin
með því að senda tölvupóst á Þorbjörgu Karls-
dóttur, verkefnisstjóra á netfangið thor-
bjorg.karlsdottir@reykjavik.is eða með því að
hringja í síma 411 6146. Hægt er að kynna sér
dagskrána á heimasíðu Borgarbókasafnsins.
Lestrarstund með hundum á völdum sunnudögum í Borgarbókasafninu Grófinni í haust
Börn lesa fyrir hunda sem hlusta
Morgunblaðið/Ómar
Lestur Hundurinn fylgist áhugasamur með lestri þessarar hnátu.
Perlur nefnist myndlistarsýning
Kristínar Sigurrósar Jónsdóttur sem
hún opnar í Boganum í Borgarbóka-
safninu í Menningarhúsinu Gerðu-
bergi í dag kl. 14.
Kristín Sigurrós Jónsdóttir er
fædd 22. október 1936 í Hafnarfirði.
Hún hefur alla tíð haft áhuga á listum
og handverki. Allt frá barnæsku var
hún sífellt með blýantinn á lofti eða
skapandi ýmiskonar þrívíð verk úr
hvaða efnivið sem hún komst yfir.
Kristín útskrifaðist frá Flensborg
árið 1953. Upp úr 1970 hóf hún nám í
teikningu hjá Leifi Breiðfjörð í Mynd-
listarskóla Reykjavíkur og síðan lá
leið hennar í módelteikningu og mál-
un hjá Hring Jóhannessyni. Eftir það
lá leiðin í Myndlistarskóla Kópavogs
þar sem hún lagði stund á vatnslita-
málun í nokkur ár. Á síðari árum hef-
ur hún málað með eldri borgurum í
Gullsmára í Kópavogi. Sýningin Perl-
ur er önnur einkasýning Kristínar.
Myndlistarsýning opnuð í Gerðubergi
Perlur Kristínar í Boganum
List Eitt af verkum á sýningunni.