Dagblaðið Vísir - DV - 06.03.2015, Side 46
Helgarblað 6.–9. mars 201546 Sport
Vonbrigðalið
tímabilsins
n Ellefu leikmenn sem eiga mikið inni n Hafa ekki staðið undir væntingum í úrvalsdeildinni
Tim Howard
Félag: Everton
Eftir frábæra frammistöðu með Bandaríkjunum á HM í fyrrasum-
ar hefur Tim Howard átt erfitt uppdráttar í vetur, reyndar eins og
allt Everton-liðið. Hann hefur aðeins haldið hreinu þrisvar í þeim
22 leikjum sem hann hefur spilað en til samanburðar hélt hann
fimmtán sinnum hreinu á síðustu leiktíð. Þó að ekki sé hægt að
kenna Howard einum um það verður ekki litið framhjá því að hann
hefur oft verið betri.
Eliaquim
Mangala
Félag: Manchester City
Eliaquim Mangala var einn heitasti
bitinn á markaðnum í fyrrasumar.
Mikið var látið með þennan 24 ára
franska varnarmann sem var orð-
aður við mörg stærstu lið Evrópu.
Svo fór að Manchester City festi
kaup á honum fyrir 32 milljónir
punda og varð Mangala fyrir vikið
dýrasti varnarmaður ensku úrvals-
deildarinnar frá upphafi. Frammi-
staða Mangala í vetur hefur aftur
á móti valdið vonbrigðum, hann
er oft illa staðsettur og virðist auk
þess lesa leikinn illa.
Rio Ferdinand
Félag: QPR
Rio Ferdinand var fyrirliði Manchester United í áraraðir en gekk í raðir QPR í
fyrrasumar. Harry Redknapp, þáverandi stjóri QPR, hugsaði Ferdinand sem
öflugan leiðtoga í vörn liðsins. Það sýndi sig þó strax í byrjun leiktíðar að
Ferdinand er kominn yfir síðasta söludag. Hann byrjaði fyrstu sjö leiki liðsins
í deildinni þar sem QPR fékk á sig 15 mörk. Síðan þá hefur Ferdinand lítið
komið við sögu og gæti vel farið svo að hann leggi skóna á hilluna í vor.
Dejan Lovren
Félag: Liverpool
Dejan Lovren var frábær í liði
Southampton í fyrra og svo fór að
Liverpool festi kaup á honum fyrir um
tuttugu milljónir punda síðastliðið
sumar. Lovren var fastamaður í liði
Liverpool framan af leiktíð en virkaði
óöruggur í vörn sem lak mörkum. Eftir
3–0 tapið gegn Manchester United
var Lovren hent úr liðinu og þá fóru
hlutirnir að ganga betur. Lovren hefur
að vísu spilað síðustu leiki Liverpool í
deildinni og staðið vaktina ágætlega.
Á heildina litið hefur hann þó valdið
talsverðum vonbrigðum í vetur.
Gareth Barry
Félag: Everton
Gareth Barry var algjör klettur á miðju
Everton-liðsins á síðustu leiktíð þegar
liðið endaði í 5. sæti. Það sem af er
þessari leiktíð hefur hann hins vegar
verið skugginn af sjálfum sér. Hvað
veldur skal ósagt látið en leikjaálagið
á Everton-liðið hefur verið mikið
vegna þátttöku þess í Evrópudeildinni
sem virðist hafa komið niður á leik-
mönnum liðsins í úrvalsdeildinni.
Tom Cleverley
Félag: Aston Villa
Eftir hörmulegt tímabil með Manche-
ster United í fyrra var Tom Cleverley
lánaður til Aston Villa fyrir þessa leiktíð.
Margir, einkum stuðningsmenn United
og Villa, vonuðust til þess að hann næði
sér á strik og mætti reynslunni ríkari
aftur til United. Tímabilið hjá Cleverley
hefur hins vegar verið algjör martröð
eins og hjá öðrum leikmönnum Villa.
Stuðningsmenn hafa baulað á hann og
þá hefur Cleverley ekki enn tekist að
leggja upp mark eða skora á tímabilinu.
Aaron Ramsey
Félag: Arsenal
Eftir að hafa spilað glimrandi vel á síðustu leiktíð hefur Aaron Ramsey
ekki fundið fjöl sína á þessari leiktíð. Ramsey hefur vissulega ekki gengið
heill til skógar að undanförnu og komið tiltölulega lítið við sögu undan-
farnar vikur vegna meiðsla. Það breytir því samt ekki að á þessari leiktíð
hefur Ramsey spilað 1.227 mínútur í deild, skorað þrjú mörk og lagt upp
tvö. Það gerir mark eða stoðsendingu á hverjum 245 leiknum mínútum. Á
síðustu leiktíð lék hann 1.761 mínútu, skoraði tíu mörk og lagði upp níu sem
gerir mark eða stoðsendingu á hverjum 94 leiknum mínútum.
Ross Barkley
Félag: Everton
Ross Barkley er af mörgum talinn einn efnilegasti knattspyrnumaður
Englendinga. Eftir fína frammistöðu í fyrra, þar sem Barkley skoraði sex
mörk í deild og lagði upp fjögur, töldu margir að hann tæki skref fram á
við og kæmi sér í hóp bestu leikmanna deildarinnar. Einhver bið ætlar
að verða á því enda hefur Barkley ekki verið svipur hjá sjón í vetur. Í 19
deildarleikjum hefur hann skorað eitt mark og lagt upp tvö.
Mario Balotelli
Félag: Liverpool
Það lá eiginlega alltaf
fyrir að annaðhvort myndi
Mario Balotelli slá í gegn
hjá Liverpool eða floppa
algjörlega, hann er bara
þannig leikmaður. Því
miður virðist það síðar-
nefnda ætla að verða
raunin. Balotelli hefur
aðeins skorað eitt mark í
úrvalsdeildinni í vetur og
lagt upp tvö til viðbótar í deildinni. Það er ekki beint framúrskarandi
árangur hjá manni sem kostaði 16 milljónir punda. Hann virðist vera
kominn í algjört aukahlutverk hjá Liverpool og bendir flest til þess að
hann verði seldur í sumar.
Radamel Falcao
Félag: Manchester
United
Radamel Falcao hefur
skorað og skorað fyrir öll
lið sem hann hefur leikið
fyrir – nema Manchester
United. Kólumbíumað-
urinn fór til United á
lánssamningi frá franska
liðinu Monaco áður en fé-
lagaskiptaglugginn lokaði
í september. Hann glímdi
við alvarleg hnémeiðsli
stóran hluta síðasta árs
og virðist ekki hafa náð
sér að fullu af þeim. Hann
hefur skorað fjögur mörk á tímabilinu sem
er arfaslakt fyrir einn launahæsta leikmann
í heimi.
Romelu Lukaku
Félag: Everton
Lukaku varð dýrasti
leikmaður í sögu
Everton í fyrrasumar
þegar félagið keypti
hann frá Chelsea.
Hann lék á láni hjá
Everton á síðustu
leiktíð og skoraði 15
mörk auk þess að
leggja upp níu. Á
þessu tímabili hefur
Lukaku ekki fundið
sig í framlínu Everton
og aðeins skorað sjö mörk í deildinni auk þess
að leggja upp fjögur. Að meðaltali líða 205
mínútur milli marka eða stoðsendinga en í
fyrra voru mínúturnar 108.