Dagblaðið Vísir - DV - 25.07.2015, Page 22

Helgarblað 25.–27. júlí 201522 Fólk Viðtal
S
purður um hið dvínandi fylgi
í skoðanakönnunum segir
Guðmundur: „Ég ætla ekki
að fela það að þetta er búið
að vera tilefni mikilla vanga­
veltna og naflaskoðunar bæði innan
flokksins og í samtölum við aðra.“
Hann er spurður hvaða skýringar
hann hafi á þessa litla fylgi og segir:
„Ég hef enga eina almenna skýringu
á því. Þingflokkurinn er mjög góð­
ur að mínu mati og við stöndum
okkur vel í sveitarstjórnum, þótt við
viljum auðvitað alltaf gera betur. Við
erum nýr flokkur og ég held að við
höfum látið aðra skilgreina okkur
of mikið. Það er innbyggt í módel­
ið okkar að nálgast pólitík með gild­
um sem birtast mörgum sem mjög
mjúk, en við upplifum þau sem gildi
sem þarf að vanda sig við að halda.
Við viljum nálgast hlutina af yfirveg­
un og sanngirni, förum ekki í mann­
inn heldur málefnið og reynum að
setja niður deilur frekar en að sækja
í þær. Pólitískir andstæðingar okkar
hafa sumir skilgreint okkur sem eitt­
hvað allt annað en við erum, jafn­
vel sem letingja og segja okkur vera
í pólitík út af engu, sem er auðvit­
að fjarstæða. Við höfum látið þetta
viðgangast of lengi án þess að svara
fyrir okkur.
Það verður heldur ekki horft
framhjá því að frjálslyndir flokkar
sem svipar til okkar, tala fyrir opnu
efnahagslífi, fjölbreyttu samfélagi,
og staðsetja sig gegn þjóðernis­
hyggju hafa átt erfitt uppdráttar víða
í Evrópu. Svo er líka töluverð reiði í
þjóðfélaginu og við í Bjartri fram­
tíð höfum ekki skilgreint okkur sem
mótmæla­ eða reiðiframboð, þótt
við séum vissulega reið yfir mörgu.“
Heldurðu að sterk staða Pírata sé að
hluta því að þakka að fólk líti á þá
sem uppreisnar- og reiðiframboð?
„Það kann að vera. Það er alla
vega uppreisnarandi yfir nafninu
Píratar og ekki hægt að horfa fram­
hjá því að það er minni uppreisn­
arandi yfir nafninu Björt framtíð.
Við í Bjartri framtíð erum kannski
ekki að höfða til óánægjufylgis, eins
og Píratar. Við þurfum að koma því
betur til skila að hlutirnir sem við
viljum breyta eru þeir sömu og mjög
margt fólk er óánægt með. Við vilj­
um breyta stjórnmálamenningunni
og byggja ákvarðanir á upplýsing­
um og faglegri nálgun, hlusta á ólík
sjónarmið og ástunda alvöru lýð­
ræði. Ég held að það sé mikil eftir­
spurn eftir þessu, þótt manni finnist
reyndar stundum, þegar hitinn
er hvað mestur í þjóðfélaginu, að
meiri eftirspurn sé eftir skætingi.
Stjórnmálin snúast ekki bara um
stjórnmálamenninguna. Björt fram­
tíð er stofnuð vegna allra þeirra um­
bóta sem við viljum ráðast í og þeirra
lífsviðhorfa sem við stöndum fyrir.
Við leggjum áherslu á að fólk tali
saman, en það þýðir ekki að við höf­
um ekki miklar skoðanir sjálf. Skoð­
anir eru til alls fyrstar. Þess vegna
höfum við í Bjartri framtíð brugðist
harkalega við í sumum málum, eins
og yfir þeim dæmalausa yfir gangi að
draga til baka aðildarumsóknina að
Evrópusambandinu og vegna tillögu
frá Jóni Gunnarssyni um að fjölga
virkjunum bara si­sona. Við mun­
um áfram standa þessa vakt og láta
í okkur heyra .“
Útilokar að sameinast
Samfylkingunni
Þið tapið fylgi og Samfylkingin er
líka að tapa fylgi. Finnst þér koma
til greina að flokkur þinn sameinist
Samfylkingunni?
„Nei, það finnst mér ekki.“
Finnst þér það gjörsamlega útilokað?
„Já, mér finnst það.“
Er einhver innan þíns flokks sem tal-
ar fyrir þessari sameiningu?
„Nei, þar talar enginn fyrir því.“
Geturðu séð fyrir þér einhvers konar
kosningabandalag með vinstri flokk-
unum fyrir næstu kosningar?
„Það er ekki útilokað. Okkur
hefur gengið ágætlega að starfa með
Samfylkingunni, Pírötum og Vinstri
grænum í Reykjavík en það má ekki
gleyma því að Björt framtíð á líka í
mjög fínu samstarfi við Sjálfstæðis­
flokkinn í Kópavogi, Hafnarfirði og
Akranesi.
Það er töluverður munur á kúltúr
hjá okkur og Samfylkingunni og
Vinstri grænum og við nálgumst
hlutina öðruvísi. Ég er ekki tilbúinn
að stíga inn í þeirra kúltúr.“
Hvað áttu við?
„Mér finnst hlutirnir ganga of
mikið út á átök í gömlu flokkunum
og það á líka við um vinstri flokk­
ana. Í þessum flokkum er mikið af
góðu fólki og ég finn samhljóm með
mörgu í þeirra hugsjónum. En mér
finnst eitthvað rangt við nálgunina.
Fólk er í miklum átökum sín á milli
og mér finnst pólitíkin of mikið skil­
greind út frá átökum við andstæðing.
Þetta er gamaldags nálgun á pólitík
Allt er
undir
Guðmundur Steingrímsson stofnaði
Bjarta framtíð árið 2012 og árið eftir fékk flokkurinn
sex þingmenn í alþingiskosningum. Skoðanakann-
anir sýna áberandi lítið fylgi flokksins. Guðmundur
ræðir um stöðu flokksins og pólitískar áherslur, störf
ríkisstjórnarinnar og andann á Alþingi. Hann útilokar
sameiningu við Samfylkinguna en telur möguleika
á kosningabandalagi með vinstri flokkunum fyrir
næstu kosningar. Hann segir að í pólitíkinni sé tekin
við ný kynslóð stjórnmálamanna sem sé margfalt
betri en gömlu stjórnmálamennirnir.
Kolbrún Bergþórsdóttir
kolbrun@dv.is
„Og svo les maður
bullið í Davíð
Oddssyni sem mér finnst
hafa fullkomnað ósann-
girni sem stílbragð og
lífsviðhorf. Hann er eins
og helstirni sem eys illsku
yfir samfélagið.