Dagblaðið Vísir - DV - 06.11.2015, Side 6

Helgarblað 6.–9. nóvember 20156 Fréttir
FYRIR MEÐFERÐ EFTIR 2-7 DAGA EFTIR MEÐFERÐ
ekki gera upp a mil li,
al lir eiga skilid Baby Foot!
,
FÆST Í V E RS LUNUM UM LAND A L LT
Rannsóknin hófst á
útboðsdegi Símans
Samkeppniseftirlitið skoðar ágreining Símans og Vodafone vegna Skjás Eins
S
tjórnendur Símans upp­
lýstu ekki um ákvörðun
Samkeppniseftirlitsins um
að hefja rannsókn á samn­
ingi fyrirtækisins við Voda­
fone á Íslandi fyrr en þremur vikum
eftir að hún lá fyrir. Ákvörðunin var
tekin sama dag og almennu hluta­
fjárútboði fyrirtækisins lauk en
Vodafone kvartaði til Samkeppnis­
eftirlitsins daginn áður. Niðurstaða
rannsóknarinnar gæti haft áhrif á
rekstur og efnahag Símans og þar
með virði hlutabréfa þeirra fjárfesta
sem tóku þátt í útboðinu.
„Ágreiningsmál sem þessi eru
einn áhættuþátta í rekstri Símans,
eins og greint var frá í lýsingu fyrir­
tækisins. Síminn taldi því ekki
ástæðu eða forsendur til að upplýsa
um kvörtunina á þessu stigi málsins,
þar sem óljóst er til hvers hún muni
leiða,“ segir í svari Símans við fyrir­
spurn DV.
10% af veltu
Ágreiningur Símans og Vodafone
(Fjarskipta hf.) varðar túlkun á samn­
ingi fyrirtækjanna um dreifingu á
Skjá Einum. Samkvæmt afkomut­
ilkynningu Símans fyrir þriðja árs­
fjórðung 2015, sem fyrirtækið
birti 29. október, kom hann upp í
októberbyrjun þegar Síminn hóf að
senda efni sjónvarpsstöðvarinnar út
í opinni línulegri dagskrá. Í árshluta­
tilkynningu Vodafone, sem var kynnt
daginn áður, segir fyrirtækið að
ákvörðun Símans feli í sér misnotk­
un á markaðsráðandi stöðu sem hafi
leitt til þess það geti ekki boðið við­
skiptavinum sínum efni Skjás Eins í
ólínulegri dagskrá. Vodafone hafi því
krafist hæstu lögleyfðra stjórnvalds­
sekta á Símann og Samkeppnis­
eftirlitið ákveðið að hefja rannsókn
eftir að kvörtunin barst. Viðurlög við
misnotkun á markaðsráðandi stöðu
séu í formi sekta sem numið geti allt
að 10% af ársveltu fyrirtækja.
„Það eru ekki verðmótandi upp­
lýsingar að Samkeppniseftirlitið
ákveði að taka málið til rannsóknar
og því er ekki um tilkynningar skyldar
upplýsingar að ræða. Upplýsingar
sem komu fram í tilkynningu Sím­
ans 29. október síðastliðinn eru um­
fram skyldu og settar fram á þessum
tímapunkti þar sem sá sem kvartaði
greindi frá málinu,“ segir í svari Sím­
ans.
„Fjöldi kvartana og gagnkvartana
er gerður á fjarskiptamarkaðnum.
Þær leiða ekki allar til ákvarðana
eftirlitsstofnana. Síminn tilkynnir
markaðnum nánar um málið um
leið og hann hefur forsendur til og ef
hann telur líklegt að kvörtunin, eða
mögulegar aðgerðir í kjölfar hennar,
hafi áhrif á fjárhagsstöðu félagsins.“
Kvartaði líka
Síminn sendi Samkeppniseftirlitinu
gagnkvörtun þann 13. október eða
tveimur dögum áður en hluta­
bréf fyrirtækisins voru tekin til við­
skipta í Kauphöll Íslands. Í árs­
hlutareikningi Vodafone segir að
Síminn krefjist einnig að hæsta lög­
leyfða stjórnvaldssekt verði lögð á
samkeppnisaðilann og ástæðan sé
misnotkun hans á markaðsráðandi
stöðu. Síminn hafi einnig kvartað til
Póst­ og fjarskiptastofnunar (PFS) og
farið þess á leit að hún banni Voda­
fone að nota ólínulegu dagskrárleið­
irnar Tímavél og Frelsi til að dreifa
efni Skjás Eins.
Gunnhildur Arna Gunnarsdóttir,
upplýsingafulltrúi Símans, segir
í samtali við DV að Samkeppnis­
eftirlitið hafi ekki tekið ákvörðun
um hvort kvörtun fyrirtækisins muni
leiða til rannsóknar. n
Haraldur Guðmundsson
Hörður Ægisson
haraldur@dv.is / hordur@dv.is
„Ágreiningsmál
sem þessi eru
einn áhættuþátta í
rekstri Símans.
Upplýsingafulltrúinn Gunnhildur Arna
segir ekki ljóst hvort kvörtun Símans muni
leiða til rannsóknar. Mynd sr-pHotos.coM
Forstjórinn
Orri Hauksson er
forstjóri Símans.
P
áll Biering, dósent í
geðhjúkrun við Háskóla Ís­
lands, er nú í sex vikna sendi­
för í Grikklandi á vegum
Rauða krossins á Íslandi. Þetta er í
fyrsta sinn sem Rauði krossinn
á Íslandi sendir sendifulltrúa
til Grikklands og enn frem­
ur í fyrsta sinn síðan stríð
geisaði á Balkanskaga sem
sendifulltrúi er sendur til
lands innan Evrópu.
Rauði krossinn er að svara
kalli Alþjóðasambands landsfélaga
Rauða krossins og Rauða hálfmánans
(IFRC) um að bregðast við neyðará­
standi vegna mikils straums flótta­
fólks sem leitar að alþjóðlegri vernd í
Evrópu. Straumur flóttamanna eykst
dag frá degi og eru aðstæður í Grikk­
landi sérstaklega bágbornar.
Páll starfar í flóttamannabúðum
norska Rauða krossins í Idomeni,
smábæ við landamæri Makedóníu.
Helstu verkefni hans eru að veita
flóttafólki sem fer um búðirnar sál­
félagslegan stuðning, sem er
mikilvægur fólki sem hefur
gengið í gegnum mikla erf­
iðleika líkt og flóttafólkið
hefur og glímir við mikla
streitu í kjölfar þeirra. Auk
þess er honum ætlað að
þjálfa sjálfboðaliða gríska
Rauða krossins í að veita sál­
félagslegan stuðning. Páll verður
við störf fram til 6. desember næst­
komandi. Mikið álag hefur verið á
starfsfólki og sjálfboðaliðum Rauða
krossins við landamæri Grikklands
og Makedóníu á undanförnum vik­
um þar sem þúsundir flóttamanna
hafa fengið aðhlynningu og neyðar­
gögn. n
Páll hjálpar í Grikklandi
Fer fyrir Rauða krossinn til að aðstoða flóttamenn
Gunnar til Odda
Gunnar H. Sverrisson hefur verið
ráðinn forstjóri Odda. Hann tekur
við starfinu af Þorgeiri Baldurs­
syni, sem verið hefur forstjóri
Odda og tengdra félaga frá árinu
1983 og starfað hjá fyrirtækinu
síðan 1960.
Gunnar var áður með­
al annars forstjóri Íslenskra
aðal verktaka (ÍAV). Eiginkona
Gunnars er Sigríður Hrólfsdóttir
rekstrarhagfræðingur og eiga þau
þrjú börn.
Oddi er stærsti framleiðandi
landsins á sviði umbúða úr papp­
ír og plasti. 240 manns vinna hjá
Odda á fjórum stöðum í Reykja­
vík. Velta fyrirtækisins er liðlega 5
milljarðar króna.
Enginn halli
Ekki stendur til að reka RÚV
ofh. með halla á næsta ári. Þetta
kemur fram í tilkynningu frá
stjórn RÚV sem segir að fréttir
mbl.is og Morgunblaðsins um
málið séu rangar. Stjórnin ger­
ir ráð fyrir rekstrarafgangi á yfir­
standandi rekstrarári og segir að
nýlegt uppgjör RÚV, sem birtist í
Kauphöll í október, sýni að rekstur
RÚV hafi verið hallalaus síðast­
liðið ár. „Væntingar stjórnar byggj­
ast, líkt og margoft hefur komið
fram, á því að útvarpsgjald lækki
ekki frekar á næsta ári sem er í
samræmi við það sem mennta­
málaráðherra hefur gefið fyrirheit
um.“ Að öðrum kosti blasi niður­
skurður við. „Því er rangt sem seg­
ir í fyrirsögn Morgunblaðsins og
mbl.is „Spá miklum halla á RÚV“.
Stjórn RÚV harmar ónákvæman
fréttaflutning af málinu.“