Dagblaðið Vísir - DV - 06.11.2015, Blaðsíða 26

Helgarblað 6.–9. nóvember 201526 Fólk Viðtal
nema að hann komi inn í rekstur­
inn með okkur seinna, það væri
draumur því það rennur kaup­
mannsblóð báðum megin hjá hon­
um aftur um þrjá ættliði. Hver veit?
Hann er með mikið keppnisskap
og myndi eflaust stýra þessu vel.“
Svava viðurkennir að hafa fús
viljað eignast fleiri börn en því
miður hafi sú ekki orðið raunin.
„Við Bjössi misstum fóstur þegar
við höfðum verið saman í rúm
þrjú ár. Við vorum nýbúin að fá
mynd úr sónar þegar það gerðist.
Það hefði verið yndislegt að eign­
ast það barn. Ég var orðin 44 ára og
það kom mjög á óvart að ég væri
ófrísk. Það var ekkert planað. Það
var í rauninni ákveðið áfall en við
vorum orðin mjög spennt og farin
að plana og pæla og hlakka mikið
til. Við höfum fengið margt annað í
staðinn og þar á meðal góðan tíma
saman, við erum mjög frjáls. Auk
barnanna eigum við Lucas, svartan
labrador, sem telur sig bróður Ás­
geirs Frank. Hann er mikill gleði­
gjafi. Ég væri alveg til í að eiga fleiri
hunda.
Ég hef verið heppin. Ég á besta
mann í heimi, dásamlega fyndinn
og skemmtilegan son og æðislega
ljúfan labrador. Ég er eina stelp­
an á heimilinu og fæ því alveg sér­
staka meðferð.“
Staldrar ekki við það slæma
Svava pælir mikið í stjörnumerkj­
unum en sjálf er hún jákvæð, sterk
og kröftug steingeit. Þrátt fyr­
ir kraftinn hefur hún þó átt sínar
erfiðu stundir. „Ég óttast ekkert í
dag en eins og aðrir foreldrar ótt­
ast maður alltaf um börnin sín. Ég
reyni að láta óttann ekki ná tökum
á mér eins og þegar ég var yngri.
Ég hef alltaf borðað hollan mat
og hugsað vel um heilsuna. Þegar
ég var tvítug bjó ég fyrir ofan 17 á
Laugaveginum og fór reglulega á
grænmetisstaðinn Á næstu grös­
um en þar í dag er einmitt Gló,
uppáhaldsstaðurinn minn. Ég hef
einnig verið hjá vinkonu minni
Lóló í World Class í mörg ár og
segi alltaf að hún æfi ekki bara lík­
amann heldur nærir hún einnig
sálina. Örn Jónsson, svæðanuddari
og heilari, er svo galdralæknirinn
minn, einstakur maður, enda hef
ég sent fullt af fólki til hans. Hann
er galdramaður, hjálpar manni
að tengja og vinna úr. Það er svo
yndislegt að vera laus við stress
eða kvíða.
Þegar allt gekk yfir, hrunið skall
á og ég vissi hvorki hvort við ætt­
um ennþá fyrirtækið og húsið okk­
ar, sem við höfðum nýlega fest
kaup á í erlendri mynt, lét ég það
ekki ná tökum á mér. Ég vissi að
svo lengi sem maður hefur heilsu
og fjölskyldan og vinir eru heilsu­
hraust, þá líður manni vel og er
hamingjusamur og það er aðal­
málið. Ég staldra aldrei við það
slæma. Ef eitthvað erfitt gerist hefst
ég strax handa við að vinna mig út
úr hlutunum. Það er svo vont að
festast í einhverju. Lífið snýst um
að vera í góðu jafnvægi. Ef mér líð­
ur illa reyni ég ekki að velta mér
upp úr vandamálunum en finn
mér eitthvað skemmtilegt að gera,
horfi heldur til dæmis á grínmynd
með öllum strákunum mínum eða
kveiki á skemmtilegum sjónvarps­
þætti, eitthvað sem ég veit að er
skemmtilegt og drepfyndið. Ég
finn mér leið til þess að ná mér í
ljós og gleði.“
Fyrst og fremst jafnréttissinni
Svava hefur verið ein af mest áber­
andi konum íslensks viðskipta­
lífs um langan tíma. Hún segir
landslagið gjörólíkt í dag og þegar
hún var ung að koma sér áfram í
karlaheimi. „Ég var oft eina kon­
an í stjórnum en í dag skiptir kynið
ekki jafn miklu máli. Ég hef alltaf
verið hlynnt því að hæfasti einstak­
lingurinn sé valinn en þar sem við
konur vorum svo aftarlega á mer­
inni, bæði þegar kemur að stjórn­
arsetum og pólitík, urðum við að
fara þessa einkennilegu leið og
taka upp kynjakvóta. Mér finnst
þessi leið ekki að mínu skapi en
miðað við hvar við vorum var þetta
sennilega nauðsynlegt. Allavega
hefur þessi leið virkað ágætlega.
Ég er fyrst og fremst jafnréttis­
sinni og finnst stundum jafnvel
hallað á karlana. Í dag snýst allt um
konur. Við þurfum sums staðar að­
eins að slaka á og númer eitt þarf
að vera sanngirni fyrir alla. Fyr­
ir 20–30 árum og til dagsins í dag
þurftum við svo sannarlega að láta
í okkur heyra og það voru hörku
konur sem börðust fyrir því hvern­
ig hlutirnir eru í dag. Útlitið hef­
ur nú gjörbreyst og mér finnst við
þurfa að staldra við svo við yfir­
gnæfum ekki karlpeninginn. Það
á ekki að skipta máli hvort maður
er karl eða kona. Ég á son sem ég
vil ekki að verði kaffærður af kon­
um, ekkert síður en ég myndi vilja
að dóttur minni yrði kaffært af
körlum. Kynjakvóti hafði áhrif, hér
hefur orðið hugarfarsbreyting, og
vonandi fljótlega getum við tekið
hann af,“ segir Svava ákveðin.
Gamlárskvöld fallegast
Jólavertíðin nálgast og því er mik­
il vinna fram undan hjá Svövu sem
hlakkar til komandi átaka. „Ég hef
alltaf gaman af aðventunni og hér
áður fyrr gaf ég mig alla í jólaver­
tíðina og var því oft næstum sofn­
uð ofan í forréttinn á aðfangadag.
Í dag er það breytt. Nú nýt ég að­
ventunnar. Við Bjössi eigum mik­
ið af góðum vinum og förum í að­
ventuboð hér og þar. Jólin eru samt
alveg frábær fyrir verslunarmenn.
Glatt fólk og jólastemning í búð­
um er eins og vítamínsprauta fyr­
ir fólk eins og mig; brjálað að gera
alla daga og maður upplifir alla
vinnu ársins skila sér. Gamlárs­
kvöld er þó fallegasta kvöld ársins,
við öll systkinin saman, makar og
börn hjá mömmu í glæsilegum
kvöldverði en mamma býr til svo
góðan mat enda eru allir tengda­
synirnir með matarást á henni.
Mamma býr enn á Laugarásnum
þar sem við ólumst upp og við
erum stór hópurinn hennar, eða 29
manns.“
Hamingjusömust í golfi
„Mér finnst endalaust svo gam­
an að byggja eitthvað upp og ef ég
er með eitthvert verkefni í gangi
stoppar mig ekkert og þar vinnum
við Bjössi svo vel saman – hann er
nefnilega naut og þau eru svo sterk
og vinnusöm og vilja byggja upp –
eins og steingeiturnar,“ segir Svava
og bætir aðspurð við að hún sé
drifin áfram af áhugaverðum verk­
efnum í vinnunni og fólkinu sem
skiptir hana mestu máli. „Ég er
hamingjusömust úti á golfvellinum
með manninum mínum og syni.
Við erum heppin. Við eigum marga
yndislega vini og svo líður okk­
ur líka afskaplega vel í bústaðnum
okkar í Öndverðarnesi. Það er fátt
betra en að taka góðan golfhring og
henda sér svo í pottinn á eftir. Fólk­
ið mitt, vinir, fjölskyldan og Ísland.
Það er ekkert sem toppar það.“ n
„Það hefði verið
yndislegt að
eignast það barn
Glæsileg Svava tók
lífsstílinn í gegn fyrir fer-
tugsafmælið og svo aftur
fyrir fimmtugsafmælið.