Dagblaðið Vísir - DV - 13.11.2015, Blaðsíða 4

4 Fréttir Helgarblað 13.–16. nóvember 2015
Ráðherradrossían
slegin á rúma milljón
n Þriðja uppboðið bar árangur n Þurftu ekki að lækka verðið
M
áltækið allt er þegar
þrennt er átti vel við
þegar ljóst varð á þriðju-
dag að loks hefði tekist
að selja gamla BMW 730
Li forsætisráðherrabílinn á upp-
boði Ríkiskaupa í vikunni. Var
þetta í þriðja skiptið sem bifreiðin
fór á uppboð á vefsíðunni bila-
uppbod.is og að þessu sinni barst
loks ásættanlegt tilboð sem náði
ásettu lágmarksverði. Bifreiðin var
slegin á 1.133 þúsund krónur en
hún hefur þjónað sem ráðherra- og
viðhafnarbíll í forsætisráðuneytinu
frá því í desember 2004.
„Ég trúi ekki öðru en að þessi
bíll verði viðhafnarbifreið áfram í
einhverri mynd, keyrður á sunnu-
dögum og sólardögum,“ segir Gísli
Þór Gíslason hjá Ríkiskaupum
léttur í bragði í samtali við DV. Eins
og DV hefur greint frá þá barst ekki
tilboð sem náði tilsettu lágmarks-
verði sem stofnunin gaf sér í hin-
um tveimur uppboðunum en Gísli
Þór segir að ekki hafi þurft að lækka
verðið fyrir þriðju atrennu.
Nóg eftir af bílnum
„Við töldum, þó að bíllinn væri
orðinn þetta gamall, að það væri
nóg eftir af honum þrátt fyrir þessa
bilun í gírkassa. Hann er ökuhæf-
ur. Mér skilst að bilunin hafi lýst sér
þannig að þegar bíllinn var orðinn
heitur þá datt fyrsti gírinn út. En
þetta eru það öflugar vélar að hann
tekur bara af stað í öðrum gír í stað-
inn. Það þarf auðvitað að gera við
gírkassann en bíllinn var vel öku-
hæfur og það var ekkert mál að
keyra hann.“
Líklega dýr viðgerð
Gísli segir að bifreiðin, sem er ellefu
ára gömul og ekin nærri 300 þús-
und kílómetra, sé þar að auki í frá-
bæru ástandi útlitslega séð og hafi
verið vel við haldið í gegnum tíð-
ina. Vissulega hafi það hugsanlega
fælt menn frá að vita af bilun í sjálf-
skiptingu því erfitt sé fyrir menn að
átta sig á því hvað viðgerðin kunni
að kosta. Hann segir að verr útbún-
ir, sambærilegir bílar séu að seljast
á þriðju milljón króna. Samkvæmt
upplýsingum DV getur viðgerð
á sjálfskiptingu svona bifreiðar
numið hundruð þúsundum króna
þó erfitt sé að negla niður hver
kostnaðurinn geti verið.
Auglýsingin poppuð upp
Athygli vakti að búið var að poppa
upp auglýsinguna fyrir bifreiðina á
vefsíðunni í þetta skiptið þar sem
áhersla var lögð á að um væri að
ræða ráðherra- og viðhafnarbifreið
og hversu vel útbúin hún er. Gísli
segir aðspurður að líklega hafi það
gert gæfumuninn.
„Ég hugsa að það hafi nú hjálp-
að. Það kom kannski ekki nógu
vel fram. En hér áður fyrr var nóg
að auglýsa ráðherrabifreið til sölu
og þá fylltist portið en við erum að
fikra okkur áfram í að fara með bíl-
ana þessa leið og þetta sýnir okk-
ur að það er ágætt að leggja aðeins
meira í þetta.“
Gengur upp í nýjan
Eins og DV hefur fjallað um þá ann-
ast Ríkiskaup kaup og sölu bifreiða
fyrir stjórnarráðið en söluandvirði
bifreiða rennur að jafnaði til fjár-
mögnunar þeirra nýju. DV upplýsti
að búið væri að ganga frá kaup-
um á nýrri forsætisráðherrabifreið
sem kostar tæpar 12,8 milljónir
króna. Um er að ræða árgerð 2015
af Mercedes Benz S 350 Blue Tec
sem gert er ráð fyrir að afhent verði
um mánaðamótin. Það er því ljóst
að gamla bifreiðin seldist fyrir að-
eins um tæp 9 prósent af kaup-
verði þeirrar nýju. Gísli Þór segir að
ráðuneytið hafi verið sátt við það
lágmarksverð sem sett var á bif-
reiðina. n
Sá nýi Samkomulag hefur náðst um að
kaupa nýjan ráðherrabíl fyrir forsætisráðu-
neytið á tæpar 12,8 milljónir.
Stóð af sér barsmíðar
og byltingu
Þegar bifreiðin komst í fréttirnar
Þann 21. janúar 2009 stóð búsáhalda-
byltingin sem hæst. Hópur mótmælenda
umkringdi Stjórnarráðið og þeirra á meðal
var rithöfundurinn Hallgrímur Helgason.
Þegar Geir H. Haarde, þáverandi forsætis-
ráðherra, var sestur upp í ráðherrabílinn
mætti Hallgrímur og barði hraustlega í
húddið á bílnum og hrópaði ákveðinn að
forsætisráðherra að hann ætti að segja
af sér.
Í viðtali við DV í nóvember 2011 rifjaði Hall-
grímur upp atvikið. „Ég fékk mína pólitísku
fullnægingu þegar ég barði á bílinn hjá
Geir. Mér fannst við hafa gert okkar. Við
vorum búin að koma ríkisstjórninni frá.“
Eggjum
rigndi
Það gerðist oftar en
einu sinni í búsáhaldabyltingunni að egg
fengu að fljúga þar sem fólk fékk útrás
fyrir reiði sína í kjölfar hrunsins. Bifreið
forsætisráðherra var þar engin undan-
tekning. Geir H. Haarde lýsti því í samtali
við DV 21. janúar 2009 að það hefði verið
óskemmtileg lífsreynsla og að honum hafi
brugðið verulega þegar aðsúgur var gerður
að ráðherrabíl hans og eggjum kastað í
glæsikerruna. Fimm dögum síðar hafði
ríkisstjórnarsamstarfinu verið slitið.
Sigurður Mikael Jónsson
mikael@dv.is
Forsætisráðherrar
í tíð ráðherrabílsins
BMW 730 Li
keyptur í desember 2004
Halldór Ásgrímsson
desember 2004–15. júní 2006.
Sigmundur Davíð Gunnlaugsson
23. maí 2013–2015
Jóhanna Sigurðardóttir
1. febrúar 2009–23. maí 2013.
Geir H. Haarde
15. júní 2006–1. febrúar 2009.
Björt framtíð
úti í kuldanum
Píratar og Sjálfstæðisflokkurinn
eru einu stjórnmálaflokkarnir sem
mælast með meira en 10% fylgi í
nýrri skoðakönnun Fréttablaðsins
sem var birt í gær, fimmtudag.
Samkvæmt niðurstöðum hennar
hafa Píratar tæplega 36% fylgi og
Sjálfstæðisflokkurinn 29,3%. Fylgi
Framsóknarflokksins og Vinstri
grænna mælist í báðum tilvikum
9,9% og er munurinn á milli
þeirra innan skekkjumarka. Sam-
fylking fengi 8,2% ef nú yrði geng-
ið til kosninga en Björt framtíð
2,9% og næði því ekki manni inn
á þing. Könnunin var gerð þannig
að hringt var í 1.215 manns þar
til náðist í 800 svarendur. Alls tók
61,1 prósent afstöðu til spurn-
ingarinnar.
Vantar
3.000 íbúðir
Byggja þarf 2.500 til 3.000 íbúð-
ir á höfuðborgarsvæðinu til að
mæta uppsafnaðri íbúðaþörf
eftirhrunsáranna. Þetta sagði
Almar Guðmundsson, fram-
kvæmdastjóri Samtaka iðnað-
arins, á fundi þeirra um íbúða-
markaðinn í gær, fimmtudag.
Samtökin kynntu á fundinum
greiningu sína á markaðinum
og fór Almar þar yfir það hvern-
ig bygging íbúða á höfuðborgar-
svæðinu ætti eftir að aukast tölu-
vert mikið á næstu árum.

Smáralind • Kringlunni • Reykjanesbæ • sími 511 2022 • www.dyrabaer.is
hundafóður
 80% kjöt
 20% jurtir,
grænmeti og ávextir
 0% kornmeti