Fréttatíminn - 24.03.2016, Síða 6

Yfirsýn á forseti2016.is
Félagar í Tækniskólanum smíða
vefsíðuna forseti2016.is til að
einfalda yfirsýn yfir ört vaxandi
hóp forsetaframbjóðenda.
„Það verður listi yfir alla for-
setaframbjóðendur og nýjustu
tölur um stöðu fylgis þeirra. Við
birtum upplýsingar frá ólíkum
heimildum og miðlum. Þetta
verður í þægilegu og aðgengi-
legu formi,“ segir Eyþór Máni
Steinarsson, annar stofnandi
vefsíðunnar forseti2016.is, sem
fer í loftið síðar í vikunni.
Vefsíðan kemur einnig til
með að endurbirta fréttapistla
af fréttamiðlum og veita yfirsýn
yfir stöðu mála. | sgk
Þú finnur nýja Páskablaðið
á www.husgagnahollin.is
www.husgagnahollin.is | sími: 558 1100
TAXFREE
LA-Z-BOY
Allir LA-Z-BOY stólar og sófar á taxfree tilboði*
* Taxfree tilboðið gildir bara á LA-Z-BOY
og jafngildir 19,35% afslætti.
Að sjálfsögðu fær ríkissjóður viðisaukaskatt
af söluverði. Afslátturinn er alfarið á kostnað
Húsgagnahallarinnar og gildir til 31. mars 2016
EMPIRE
Grátt eða brúnt slitsterkt áklæði. Stærð: 80 × 70 × 102 cm
72.573 kr. 89.990 kr.
OPNUNARTÍMI UM PÁSKANA | SKÍRDAGUR OPIÐ 13–17 (BARA Í REYKJAVÍK)
LAUGARDAGUR OPIÐ 11–17 | LOKAÐ Á PÁSKADAG OG ANNAN Í PÁSKUM
Margrét Hrafnsdóttir,
athafnakona og fram-
leiðandi, hefur að undan-
förnu starfað sem sjálf-
boðaliði í kosningabaráttu
Hillary Clinton um embætti
forseta Bandaríkjanna.
Þóra Tómasdóttir
thora@frettatiminn.is
„Ást mín og aðdáun á Hillary
byrjaði árið 2008 þegar hún var
í þessum sama slag. Hann hafðist
því miður ekki en Hillary varð
utanríkisráðherra og einn sá
farsælasti í sögu Bandaríkjanna.
Hún ferðaðist meira í flugmílum
en nokkur forveri hennar, var
gríðarlega afkastamikil og kom
mörgum málum í gegn,“ segir
Margrét Hrafnsdóttir.
Hún segir að forvitni sín á
stjórnmálakonunni hafi kviknað,
þegar hún fór að heyra sögur af
eljusemi hennar og viðleitni til að
ræða við konur um stöðu þeirra,
hvar sem hún var stödd í heim-
inum. „Stundum ferðaðist hún
fótgangandi á milli staða, oft eftir
myrkur, og heimsótti konur inni á
heimilum þeirra og þar sem hún
gat talað við þær í ró og næði.
Fjarri öllum ljósmyndavélum. Þá
fór ég að kynna mér þessa konu
betur og fann fyrir einhverskonar
mikilleika. Samskonar upplifun
og ég fæ sem sjálfboðaliði í kosn-
ingabaráttunni nú.“
Margrét hefur verið búsett í
Bandaríkjunum í mörg ár en öðl-
aðist í fyrsta sinn rétt til að kjósa
í forsetakosningunum 2008. „Og
ég grét með henni þegar hún
tapaði fyrir Obama, ég hrein-
lega grét í marga daga. Ég studdi
Obama ekkert sérstaklega fyrr en
alveg undir lokin, þá vann hann
Bandaríkin Margrét Hrafnsdóttir og forsetaframbjóðandinn Hillary
Grét með Hillary
Margrét Hrafnsdóttir og Hillary Clinton
á fjáröflunarkvöldi fyrir skömmu.
mig á sitt band. Ég held hins-
vegar að Hillary sé miklu betri
frambjóðandi nú en hún var árið
2008. Sennilega þurfti hún að
verða utanríkisráðherra fyrst. Nú
er hennar tími kominn.“
Verkefni sjálfboðaliðans eru
margvísleg í kosningabaráttunni.
„Eins og á öllum góðum heim-
ilum þá byrjar maður í ruslinu,“
segir Margrét og hlær. „Svo
vinnur maður sig upp og endar í
fjáröflun fyrir baráttuna. Annars
geng ég í það sem þarf og þetta er
mjög upplýsandi og fræðandi.“
Aðspurð um þá gagnrýni á
Hillary, að hún sé íhaldssöm og
hlynnt stríðsrekstri, segir Mar-
grét; „Gagnrýnin beinist aðallega
að afstöðu hennar til Íraksstríðs-
ins. Miðað við þær forsendur
sem bornar voru á borð þing-
manna á þeim tíma, þá hefði ég
tekið sömu ákvörðun og hún.
Hinsvegar hefur hún sjálf sagt að
hún hefði ekki gefið grænt ljós á
Íraksstríðið í dag, eftir að frekari
upplýsingar hafa komið í ljós.
Það er virðingarvert að geta játað
á sig mistök, eins og hún gerði.
Hinsvegar er varla til nútímalegri
kona en Hillary, hún er hressust
af öllum.“
Heldurðu að hún hafi þetta?
„Já. Heimurinn þarf á leiðtoga
eins og henni að halda.“
Óviðunandi ástand í barnavernd
Hver starfsmaður
barnaverndarnefnda á Íslandi
hefur margfalt fleiri mál á
sinni könnu en starfsmenn
barnaverndarnefnda á hinum
Norðurlöndunum. For-
stöðumaður barnaverndar
Reykjanesbæjar spyr hvað
Barnaverndarstofa hafi gert
til að hvetja til fjölgunar
starfsfólks og hvað hægt sé að
gera til að mæta vandanum?
Þóra Tómasdóttir
thora@frettatiminn.is
María Gunnarsdóttir, forstöðumað-
ur barnaverndar Reykjanesbæjar,
segir málafjölda hvers starfsmanns
of mikinn. Starfsmannaveltan sé
óeðlilega mikil og fólk brenni út
og snúi sér að öðru eftir nokkur ár
í starfi. „Sem er slæmt því barna-
vernd krefst mikillar þekkingar og
reynslu. Það hefur oft verið rætt
hvort setja eigi lög um málafjölda
hvers starfsmanns og ég er hlynnt
því,“ segir María.
Í handbók Barnaverndarstofu er
fjallað um álag á starfsmenn barna-
verndarnefnda og jafnvel þótt þar
sé tekið fram að erfitt sé að meta
hvað sé ásættanlegur málafjöldi á
borði hvers starfsmanns, er miðað
við 25-35 mál. Þá er átt við krefjandi
mál, en ekki þau allra léttvægustu.
Raunveruleikinn er hinsvegar
annar hjá barnaverndarnefndum í
dag og þá sérstaklega á suðvestur-
horni landsins. Samkvæmt tölum,
sem Barnaverndarstofa kynnti á
fundi með fulltrúum sveitarfélaga
fyrir stuttu, eru starfsmenn barna-
verndarnefnda á Íslandi að meðal-
tali með 40-50 mál á sinni könnu. Í
Noregi eru starfsmenn barnavernd-
arnefnda hinsvegar með 12-15 mál, í
Danmörku eru þeir með um 25 mál
og í Svíþjóð 20-30 mál.
„Það er mikil krafa um að barna-
verndarmálin standist skriffinsku.
Þetta er auka
álagsþáttur hjá
starfsmönnum
sem gerir það
að verkum
að þeir hafa
minni tíma í
sjálfa barna-
verndar-
vinnuna.
Það þarf að
skila greinar-
gerðum, gera
áætlanir og það er mikil tímapressa
vegna málafjöldans. Þá er lítill
tími til að kortleggja vandann.
Barnaverndarstofa er eftirlitsaðili
með barnaverndarnefndum og
veit að málafjöldinn er of mikill.
En hvað hafa þeir gert til að hvetja
barnaverndarnefndir til að fjölga
starfsfólki? Ég velti því fyrir mér
hvort Barnaverndarstofa geti mætt
þessum vanda með einhverjum
hætti,“ spyr María.
María
Gunnarsdóttir
Forsetakoningar Þrettán í framboði
Virðingamesta og vandasamasta embættið
Guðni Th. Jóhannesson sagn-
fræðingur segir fjölda fram-
bjóðenda glögglega sýna að
helgin sem áður hvíldi yfir
embættinu sé hverfandi.
„Áður var það aðeins á færi virt-
ustu mektarmanna samfélagsins
að bjóða sig fram þó að vísu hafi
það gerst að aðrir sýndu embættinu
áhuga, en þeir voru afgreiddir sem
kynlegir kvistir og höfðu ekki erindi
sem erfiði,“ segir Guðni Th. Jóhann-
esson sagnfræðingur og bendir
einnig á mikilvægi samfélagsmiðla
í þessu samhengi. „Blessunarlega
er auðveldara fyrir fólk að gefa kost
á sér til þessa embættis í dag en
á móti kemur að hugsanlega gera
þessi forsetaefni sér ekki grein fyrir
því hversu mikinn eða lítinn stuðn-
ing þau geta vænst í raun.“
„Það verður ekki fram hjá því litið
að þetta embætti er eitt það virð-
ingarmesta og líklega það vanda-
samasta í stórnskipun Íslands svo
þeir sem hafa áhuga á því hafa von-
andi lagt hausinn í bleyti og hugsað
hvort þetta sé örugglega það sem
þjóðin þurfi, að þessi tiltekni ein-
staklingur gegni embættinu.“
Dragi frambjóðendur framboð
sitt ekki til baka má vænta þess að
sá sem sigrar í kosningunum geri
það með litlum hluta atkvæða.
Guðni bendir á að í ljósi þess hve
embættið hefur breyst, hversu póli-
tískt það er orðið og hvernig helgi
þess hefur minnkað, þá gæti verið
óheppilegt að forsetinn næði kjöri
með kannski fjórðungi atkvæða.
„Þetta er eitt dæmi þess að stjórnar-
skráin sem var sett 1944 hefur ekki
staðist tímans tönn.“ | hh
6 | fréttatíminn | páskaHelgin 24. Mars–28. Mars 2016