Fréttatíminn - 24.03.2016, Síða 27

 Meira á
frettatiminn.is
VÍKURVERK EHF • VÍKURHVARF 6 • 203 KÓPAVOGUR • SÍMI 557 7720 • WWW.VIKURVERK.IS
Einn sá vinsælasti...á BESTA verðinu.
2.995.000
ADRIA AVIVA 390 PS - Eigin þyngd aðeins 800 kg. Passar aftan í nánast hvaða bíl sem er.
Fullkomin vagn fyrir 2 - 4 á besta verðinu:
dagar en svo eru líka erfiðir dagar
þegar það er bylur eða þegar ísinn
sem við förum yfir er þunnur. Jólin
eru góður tími því þá fær maður
sendan ferskan mat með flugi, sem
er auðvitað algjör himnasending
eftir að hafa lifað á þurrmat í marga
mánuði,“ segir Bjarki.
Baráttan við ísbjörninn
Mikil vinna fer í að para saman
einstaklinga í Síríus-sveitinni enda
grundvallaratriði að samstarfið sé
gott á margra mánaða ferðalagi yfir
ísbreiður á hjara veraldar.„Fyrstu
dagarnir fara í að segja ævisöguna
og svo tekur eitthvað annað við, en
suma daga ríkir bara algjör þögn,“
segir Bjarki. Ég held að það séu litlu
hlutirnir sem eru erfiðastir, eins
og að þola smjattið í félaganum eða
týpuna sem er alltaf að tromma í
borðið. Maður þarf að passa sig að
byrja ekki að öskra af pirringi því
það hjálpar auðvitað ekki neitt.
Rétta leiðin er að segja félaganum
strax frá því ef eitthvað pirrar þig.
Sumir tala aldrei saman aftur en í
flestum tilfellum gengur allt vel.“
„Það er í raun ekkert að óttast
þarna en hættulegast er að fara yfir
hafísinn á haustin þegar ísinn er að
myndast. Það versta sem þú getur
lent í er að slasa þig á ísnum og að
missa sleðann, því þú lifir ekkert af
án hans. Ég upplifði kannski helst
hræðslu þegar ég fór yfir ísinn í
myrkri í fyrsta sinn, það er sérstök
tilfinning, þú ert svo berskjaldaður
fyrir náttúruöflunum. Í raun er
ísinn og veðrið hættulegra en ís-
birnirnir,“ segir Bjarki sem var þó
einu sinni hætt kominn í návígi við
reiðan ísbjörn. „Þá vorum við að
keyra frá hafísnum og upp á land
í veiðikofa en misstum frá okkur
hundana með sleðann. Hundarnir
hlupu beint í áttina að kofanum og
við eltum á skíðunum en þá kom
ísbjörn út úr kofanum. Hundarnir
réðust að honum með allt okkar
dót á eftir sér á sleðanum. Við
hlupum á eftir og sem betur fer
festist sleðinn í skafli. Þá gátum við
skotið út í lofið og fælt björninn frá.
Þegar við komum okkur fyrir í kof-
anum eftir átökin vorum við ansi
glaðir að finna þar nokkra Carls-
berg bjóra.“
Saknar alltaf Grænlands
Þegar Síríus-ævintýri Bjarka lauk
langaði hann alls ekkert aftur
heim. Hann fékk vinnu á herflugs-
töðinni í Meistaravík, annað af
tveimur stöðugildum á svæðinu, en
ákvað svo að kannski væri kominn
tíma á að blanda geði við fleira fólk.
Hann ákvað að fara í framhalds-
nám í jöklajarðfræði á Íslandi þar
sem hann svo kynntist stúlkunni
sem er konan hans í dag. Í dag
vinnur Bjarki á Veðurstofu Íslands
sem náttúruvásérfræðingur auk
þess sem hann les inn veðurfréttir
á RÚV. Hann segist þó alltaf sakna
Grænlands.
„Ég lærði svo margt á þessum
tíma. Kannski fyrst og fremst að
maður á ekki að vera hræddur
við neitt og líka að við getum svo
miklum meira en við höldum. Ég
er ótrúlega þakklátur fyrir þessa
lífsreynslu. Þessi einangraði staður
er hluti af jörðinni sem fæstir fá að
upplifa, ekki einu sinni fólk sem á
endalaust af peningum. Og að vera
í litlum hópi og þurfa að treysta á
sjálfan sig og félagana sama hvað
gerist er reynsla sem er erfitt að út-
skýra. Það er fullt af fólki sem á sér
draum og er allt lífið að vinna að
vinna að honum en það er skrítin
tilfinning að hafa lokið við að fram-
kvæma drauminn. Nú þarf ég að
finna næsta draum en hef ekki
alveg fundið út enn hver hann er.“
fréttatíminn | páskaHelgin 24. Mars–28. Mars 2016