Fréttatíminn - 24.03.2016, Qupperneq 54
Brúðkaup
Flottar dagsetningar
Sumir horfa mjög í dagsetninguna sjálfa þegar þeir velja sér brúðkaupsdag og geyma jafnvel brúðkaupið í ein-
hvern tíma til þess að hitta á einhvern ákveðinn dag. Ein stærsta dagsetning í brúðkaupum fyrr og síðar var
7. júlí 2007; 07.07.07. Þá var gift á nánast hverri kirkju á landinu. Önnur stór dagsetning var föstudagurinn
11. nóvember árið 2011; 11.11.11. Þann dag giftu sig óvanalega margir, sér í lagi miðað við að daginn bar upp
á föstudag. Í ár er ber 16. júlí upp á laugardag og er nokkuð eftirsótt dagsetning; 16.07.16. Samkvæmt upp-
lýsingum frá Hallgrímskirkju eru ennþá nokkrar dagsetningar lausar í kirkjunni fyrir brúðkaup í sumar en nú
þegar er farið að taka pantanir fyrir sumarið 2017 og þar af nokkrar fyrirspurnir um 17. júlí; 17.07.17 – klukkan
17. Þann dag ber upp á mánudag en það stoppar ekki þau sem eru með „thing“ fyrir tölum.
Sumir kjósa að láta gefa sig saman
„í kyrrþey“, eða með sem minnstri
fyrirhöfn. Þá er gott að geta leitað
til sýslumanns sem framkvæmir
borgaralegar hjónavígslur með
litlum tilburði. Einhverjir fara til
sýslumanns og halda síðan veislu
meðan aðrir vilja ekkert umstang,
aðeins vígsluna. En þetta þarf þó
að gera með þokkalegum fyrirvara
því skila þarf inn ýmsum gögnum
og panta tíma. Skila þarf hjóna-
vígsluskýrslu sem hjónaefnin og
tveir svaramenn skrifa undir áður
en hún er lögð inn. Svaramenn
þurfa að vera 18 ára eða eldri og
fjárráða, en þeir þurfa ekki að vera
viðstaddir athöfnina sjálfa. Skila
þarf fæðingarvottorði og hjúskap-
arvottorði sem ekki er eldra en
átta vikna. Einnig þarf að skila inn
lögskilnaðarleyfi ef viðkomandi
var giftur áður. Hægt er að óska
eftir því að fulltrúi sýslumannsins
komi og gifti um helgar eða eftir
hefðbundinn skrifstofutíma.
Einfalda leiðin
Íslenska brúðkaupssumarið
Senn hefur brúðkaups-
tímabilið innreið sína þar
sem sveitarómantík og
ástarljómi ráða ríkjum.
Lyktin af vorinu er farin að fylla
vitin. Eftir dimma mánuði, svipt-
inga í veðri og vindum og kulda
sem nístir inn að beini er þessi
tími fullur fyrirheita og vænt-
inga. Ekki síst fyrir þau sem eru á
leiðinni í hnapphelduna á næstu
mánuðum. Þrátt fyrir að það verði
alltaf algengara að fólk gifti sig
yfir vetrarmánuðina er sumarið
tími brúðkaupa. Íslenska sumarið
er svo hlaðið þokka með sínum
dyntum og duttlungum að það er
ekki annað hægt en að nýta það í
að ganga ástinni á hönd.
Sveitarómantíkin
Það sem er kannski einkennandi
fyrir íslensk brúðkaup eru sveita-
brúðkaup. Gerðar hafa verið
heilu bíómyndirnar um þetta
fyrirbæri. Það sem gerir íslensk-
um brúðhjónum auðvelt fyrir
að halda brúðkaup í sveitinni er
góður aðgangur að félagsheim-
ilum sem eru víða um land og
þeim fylgir gjarnan góð gistiað-
staða og jafnvel sundlaug.
Sveitabrúðkaup eiga það til
verða heil brúðkaupshelgi sem er
kannski það skemmtilegasta við
þessa tegund brúðkaupa. Gestir
mæta jafnvel á föstudegi og
hjálpa til við að skreyta salinn og
koma sér í gírinn fyrir aðalgiggið.
Fjarlægðin frá borginni afslapp-
andi
Ragnhildur Rós Guðmundsdóttir
grunnskólakennari og Ólafur S.
K. Þorvaldz, leikari, handritshöf-
undur og leikstjóri, giftu sig hjá
sýslumanni árið 2014. Þau héldu
veislu nokkrum dögum síðar í
félagsheimilinu Hlöðum í Hval-
firði. Þau höfðu skoðað nokkra
staði kringum höfuðborgar-
svæðið en heilluðust af staðsetn-
ingunni og umhverfinu, auk þess
sem sundlaugin og tjaldsvæðið
var mikið aðdráttarafl þar sem
fólk kom hvaðanæva að. Þar sem
hin eiginlega athöfn hafði farið
fram ákváðu þau að fá vin sinn,
Agnar Jón Egilsson, til þess að
stjórna lítilli athöfn áður en borð-
hald hófst. „Þetta var eftirminni-
legasti og yndislegasti dagur lífs
okkar og fjarlægðin frá borginni
var afslappandi. Allir vinirnir
og ættingjarnir sem komu og
eyddu helginni með okkur gerðu
allt saman ógleymanlegt,“ segir
Ragnhildur.
M
yn
d
| J
ón
at
an
G
ré
ta
rs
so
n
Stærðir 38-58
Flott föt, fyrir flottar konur
2 | fréttatíminn | páskaHelgin 24. mars–28. mars 2016