Læknablaðið - 01.05.2016, Blaðsíða 34

242 LÆKNAblaðið 2016/102
U M F J Ö L L U N O G G R E I N A R
Sigurður Yngvi Kristinsson, prófessor í
blóðsjúkdómum við læknadeild Háskóla
Íslands og sérfræðingur við Landspít-
ala, og hópur vísindamanna undir
hans forystu, hefur hlotið 300 milljóna
króna styrk til krabbameinsrannsókna.
Rannsóknarefnið er forstig mergæxla og
framvinda sjúkdómsins í mannslíkam-
anum. Rannsóknarteymi Sigurðar Yngva
samanstendur af sjö doktorsnemum,
tölfræðingi, verkefnisstjóra auk fjölda
læknanema.
Sigurður Yngvi segir að rannsóknarhópur-
inn stefni að því að bjóða um 140.000
manns yfir fertugu, búsettum á Íslandi, að
taka þátt og skima fyrir forstigi mergæxlis,
svokallaðri einstofna góðkynja mótefna-
hækkun (MGUS). Finnist þetta forstig
sjúkdómsins verði viðkomandi einstak-
lingum boðið að taka þátt í klínískri
rannsókn þar sem markmiðið er að skoða
hvaða meðferð henti best. Jafnframt er
ætlunin að nýta gögnin úr rannsókninni
til þess að þróa nýtt áhættulíkan fyrir
framþróun sjúkdómsins. „Í framhaldinu
stefnum við að því að geta boðið sjúk-
lingum með mergæxli meðferð mun fyrr
en annars gerist og er það von okkar að
þannig getum við stuðlað að lækningu
sjúkdómsins.“
140 þúsund Íslendingum, 40 ára og
eldri, verður boðið að taka þátt í rann-
sókninni. Skimað verður fyrir forstigi
merg æxlis og þeim sem greinast verður
boðið að taka þátt í klínískri rannsókn. „Í
stað þess að hefja skipulega skimun ætl-
um við að rannsaka gildi skimunar fyrir
forstigi mergæxla. Við munum með niður-
stöðum þessarar rannsóknar geta svarað
nokkrum mikilvægum spurningum, eins
og hvort skimun sé hagkvæm, hversu oft
þurfi að fylgjast með einstaklingunum,
hvaða áhrif það hafi á lífsgæði einstak-
linga að hafa vitneskju um forstig krabba-
meina og hvort unnt sé að lækna mergæxli
með því að meðhöndla það fyrr en nú er
gert um allan heim,“ segir Sigurður Yngvi.
Áætlað er að um 4% fólks yfir fimm-
tugu séu með MGUS-forstig mergæxlis
en fæst þeirra hafa verið greind. Árlega
greinast um 20-25 manns með sjúkdóminn
hér á landi og alls um 200.000 manns í
heiminum öllum. Samfara auknum rann-
sóknum á sjúkdómnum og nýjum og betri
lyfjum hafa horfur sjúklinga með mer-
gæxli hins vegar batnað gríðarlega síðast-
liðin ár, að sögn Sigurðar Yngva.
Bandarísku samtökin The International
Myeloma Foundation veita styrkinn sem
er einn sá hæsti sem vísindamaður við
Háskóla Íslands hefur hlotið. IMF hafa yfir
að ráða elsta og stærsta sjóði heims sem
styrkir sérstaklega rannsóknir á mergæxl-
um en markmið hans er að stuðla að bætt-
um lífsgæðum fyrir mergæxlissjúklinga
bæði með rannsóknum, fræðslu, stuðningi
og ráðgjöf. Sjóðurinn hefur meðal annars
sett á laggirnar rannsóknaverkefnið Black
Swan Research Initiative en markmið þess
er að stuðla að lækningu á mergæxli.
Rannsóknin er samstarfsverkefni Há-
skóla Íslands, Landspítala, Krabbameins-
félags Íslands, Memorial Sloan Kettering
sjúkrahússins í New York og Binding Site
í Bretlandi.
Stærsti styrkur sem íslenskum hópi
vísindamanna hefur hlotnast
■ ■ ■ Hávar Sigurjónsson
„Stefnum að því að geta boðið sjúklingum með mer-
gæxli meðferð mun fyrr en annars gerist og er það von
okkar að þannig getum við stuðlað að lækningu sjúk-
dómsins,“ segir Sigurður Yngvi Kristinsson prófessor í
blóðsjúkdómum.
CP REYKJAVÍK er frísklegt og skapandi þjónustu-
fyrirtæki sem skipuleggur viðburði, ferðir og ráðstefnur
fyrir innlenda og erlenda viðskiptavini.
Hafðu samband og við gerum þér tilboð
í ógleymanlega upplifun
Suðurlandsbraut 6 - 108 Reykjavík - 510 3900 - www.cpreykjavik.is
VIÐ GERUM ATVINNULÍFIÐ
VIÐBURÐARÍKARA