Fréttatíminn - 23.09.2016, Page 22

22 | FRÉTTATÍMINN | Föstudagur 23. september 2016
hluthafi Milestone ehf. er starf-
andi stjórnarformaður félagsins.
Hann er mjög domenerandi og all-
ar stærri ákvarðanir fara í gegnum
hann,“ segir um Karl þar.
Steingrímur er því á leið í fangelsi
með manninum – bróður sínum –
sem hann kallaði „einræðisherra“.
Miðað við lagabreytingu sem gerð
var fyrr á árinu mun Steingrímur
þurfa að afplána 1/3 hluta dómsins
á Kvíabryggju og svo verður hluti
dómsins á Vernd eða sambærilegri
stofnun.
400 milljarða eignir
Milestone var eitt stærsta fjár-
festingarfélag Íslands á árunum
fyrir efnahagshrunið 2008 og
voru bókfærðar eignir þess tæp-
ir 400 milljarðar króna í lok árs
2007. Meðal eigna félagsins voru
tryggingafélagið Sjóvá, Askar Capi-
tal, sænska fjármála- og trygginga-
fyrirtækið Invik, lyfjaverslanirnar
Lyf og heilsa og stór hlutur í Glitni.
Fyrirtækið var stofnað með fyrir-
framgreiddum arfi sem Karl, Stein-
grímur og Ingunn fengu frá föður
sínum, lyfjafræðingnum og fjár-
festinum Werner Rasmussyni sem
efnast á hlutabréfaviðskiptum með
lyfjafyrirtækið sem síðar var kallað
Actavis.
Milestone varð gjaldþrota árið
2009 og hefur síðan verið í skipta-
meðferð.
Vísar til þrýstings frá Karli
Í dómnum kemur fram að Stein-
grímur skrifaði undir sex samn-
inga við Ingunni ásamt Karli um
umrædd hlutabréfakaup og er því
alveg ljóst að hann samþykkti við-
skiptin fyrir sitt leyti. Þetta gerði
Steingrímur þann 14. nóvember
árið 2005.
Fyrr sama dag hafði hann hins
vegar undirritað samkomulag við
Ingunni systur sinna um að hann
hafi líka ætlað að selja sig út úr
Milestone. Steingrímur hætti hins
vegar við að selja hlutabréfin sín og
segir hann að það hafi verið vegna
þrýstings frá bróður sínum. Hann
vill ekki fara nánar út í hvernig
bróðir hans beitti hann þrýstingi
en vísa má til þeirra orða hans í yf-
irheyrslu hjá sérstökum saksóknara
að Karl sé „einræðisherra“. Í stað-
inn fyrir að selja hlutabréfin sín
undirritaði hann skjölin um kaupin
af Ingunni; kaup sem leiddu til þess
að hann átti 40 prósenta hlut á móti
60 prósenta hluti Karls.
Í staðinn fyrir að þurfa að kaupa
Steingrím út líka fyrir upphæð sem
samtals hefði numið meira en tíu
milljörðum króna þá var Karl með
meirihluta í Milestone án þess að
kaupa Steingrím út.
Vissi ekki að Milestone borgaði
Steingrímur segir að þetta sé eina
aðkoma sín að málinu. „Ég sam-
þykkti það að selja mig ekki út og
í framhaldi af því á ég ekki nokkra
aðkomu að málinu, ekki nokkra.
Þú sérð það á samskiptunum sem
áttu sér stað á milli manna um
þetta mál þá er ég ekki kópíeraður í
neinum tölvupósti eða neitt. Það er
svo auðvelt að sjá að aðkoma mín
var engin því þetta var gert á bak
við luktar dyr. Aðkoma mín að því
með hvaða hætti yrði greitt fyrir
hlutinn var engin og það er ekkert
talað um það í samningunum sem
ég skrifaði undir.“
Miðað við orð Steingríms þá vissi
hann ekki hvernig hann og bróðir
hans greiddu fyrir hlutabréf sem
þeir keyptu á rúma fimm millj-
arða króna. „Dómararnir hljóta að
verða að sýna og sanna að ég hafi
vitað og tekið ákvarðanir um þetta.
Ég vissi bara ekki að þetta hefði
verið gert.“ Í dómi Hæstaréttar Ís-
lands stendur um aðkomu hans að
fjármögnun viðskiptanna að hon-
um hafi ekki getað „dulist“ að Mile-
stone hafi borgað hlutabréfin en að
hann hafi látið það „viðgangast“.
Þetta segir Steingrímur að sé
ósatt: Hann hafi ekki vitað þetta
og ekki komið að því að taka
ákvörðun um þetta. „Ég kom ekk-
ert að þessu og ég fékk aldrei rukk-
un fyrir bréfin.“
Las um lánið í ákæru
Steingrímur segir að ákvörðun-
in um að Milestone myndi greiða
fyrir hlutabréfin, sem þeir Karl og
Steingrímur keyptu, hafi aldrei
farið fyrir stjórn Milestone. Einu
stjórnarmenn Milestone voru Karl
og Steingrímur. „Aðkoma stjórn-
arinnar að þessu var engin. Í dag
get ég sagt þér að ég réði engu í
Milestone, akkúrat engu. Ég var
að vinna í lyfjahluta Milestone sem
hafði ekkert með þetta að gera.
Þeir léku líka lausum hala í Sjóvá-
-tryggingarfélagi og ég vissi ekkert
um það. Mér finnst alveg furðu-
legt að enginn skuli vera ákærð-
ur fyrir það að heill bótasjóður úr
tryggingarfélagi hverfi. Það er eitt-
hvað skrítið í gangi í samfélaginu
fyrst það er löglegt.“
Blaðamaður: „En hvernig hélstu þá
að þið mynduð borga fyrir hlutabréf-
in?“
Steingrímur: „Ég settist aldrei
yfir það og velti því fyrir mér. Það
var mikill hamagangur þegar þetta
gerðist og svo var ég bara settur út
í kuldann og ég fékk ekki upplýs-
ingar um neitt.“
Blaðamaður „En þú hélst samt
áfram að vera stjórnarmaður í Mile-
stone þar til félagið féll?“
Steingrímur: „Já, það voru mis-
tök. En það sem var kallað „stjórn“
í Milestone er ekki stjórn í öðrum
félögum. Framkvæmdastjórnin
í Milestone var það sem kallast
stjórn í öðrum félögum. Þeir tóku
ákvarðanir um allt og gerðu það
sem þeim sýndist.“
Blaðamaður: „En hvenær vissir þú
að Milestone hefði borgað fyrir hluta-
bréfin sem þið keyptuð?“
Steingrímur: „Það var bara eftir
að ákæran var birt og maður fer að
lesa þetta og sér hvað var í gangi
þarna.“
Miðað við þessi orð Steingríms þá
vissi hann ekki að aðal lögbrotið í
málinu hefði verið framið fyrr en
meira en fimm árum eftir að brotin
áttu sér stað. „Ég er að fara í fang-
elsi fyrir eitthvað sem ég gerði ekki.
Ok. Ég lét undan þrýstingi; þá er ég
að fara í fangelsi fyrir að láta undan
þrýstingi. En aðkoma mín að þess-
um gjörningi er akkúrat engin.“
Græddi á viðskiptunum
Í dómi Hæstaréttar er rakið hvernig
Steingrímur naut fjárhagslega góðs
af því að Milestone greiddi Ingunni
fyrir hlutabréfin sem svo voru skráð
á nöfn þeirra Karls og Steingríms.
Árið 2005 voru til dæmis greiddar
út 50 milljónir króna í arð til hlut-
hafa Milestone og 300 milljónir árið
2006. Steingrímur hefur því fengið
20 milljónir árið 2005 og 120 millj-
ónir árið 2006, þegar horft er á 40
prósenta eignarhlut hans. Þá var
greiddur arður upp á 478 milljón-
ir króna til hluthafa Milestone í lok
árs 2008. Hvað Steingrímur fékk
af þessum 478 milljónum liggur
ekki fyrir en heimildir Fréttatím-
ans herma að hans hluti af arðin-
um árið 2008 hafi verið notaður til
að greiða upp í skuld hans við Mile-
stone út af hlutabréfakaupunum af
Ingunni Wernersdóttur árið 2005.
Aðspurður segist Steingrímur ekk-
ert vita um þetta og að hann muni
ekki hversu mikinn arð hann fékk
út úr Milestone á árunum 2005 til
2008.
Ótvírætt er hins vegar að hann
naut fjárhagslega góðs af viðskipt-
unum með hlutabréf Ingunnar,
sama þó hann segist ekki hafa vitað
hvernig viðskiptin voru fjármögn-
uð. Hann skrifaði undir viðskiptin
við Ingunni, sat í stjórn félagsins
sem greiddi fyrir hlutabréfin með
ólöglegum hætti, hagnaðist á þeim
persónulega en hann segir að hann
hafi einfaldlega ekki vitað að Mile-
stone borgaði fyrir hlutabréfin.
Steingrímur segist ætla að leita
réttar síns hjá Mannréttindadóm-
stóli Evrópu í Strassborg.
„Aðkoma stjórnarinnar að þessu var engin. Í dag get ég
sagt þér að ég réði engu í Milestone, akkúrat engu.
Steingrímur og Karl Wernerssynir voru báðir dæmdir í fangelsi fyrr á árinu vegna viðskipta með hlutabréf systur sinnar í Milestone. Þeir sjást hér með Tryggva Þór Her-
bertssyni, forstjóra Askar Capital sem Milestone átti.
Stofnað
Gotitas de Oro
Anti-Lice Shapoo
Anti-Lice hair Lotion
Kemur í veg fyrir lúsasmit
Virk samsetning innihaldsefna ver hárið
og hársvörðinn og kemur í veg fyrir
lúsasmit í 90% tilfella án þess að valda
óþægindum né ertingu.
Notið eins og hvert annað sjampó
fyrir venjulegan hárþvott og/eða
spreyið daglega í þurrt hárið
Inniheldur ekki eitur- né skordýraefni

Fyrirbyggjandi
lúsasjampó
lúsasprey
Öflug tvenna fyrir börn
sem fyrirbyggir lúsasmit
U
m
b
o
ð
: w
w
w
.v
it
ex
.is
Útsölustaðir flest apótek og heilsu búðir.
Stofnað