Fréttatíminn - 23.09.2016, Blaðsíða 40

40 | FRÉTTATÍMINN | Föstudagur 23. september 2016
GOTT
UM
HELGINA
Fiðluleikarinn Aisha Orazbayeva
er fædd í Kasakstan en hún er
búsett í London. Hún er leitandi
tónlistarmaður sem einnig hefur
reynt fyrir sér í kvikmyndagerð.
Á fjölmörgum upptökum hefur
Orazbayeva tekið tónlist framsæk-
inna tónskálda 20. aldar og sam-
tímans upp á arma sína og bland-
að saman við tónlist fyrri tíma.
Efnisskrá tónleika hennar í Reykja-
vík ber þess vitni því þar leikur
hún verk eftir ítölsku tónskáldin
Salvatore Sciarrino og Luigi Nono,
auk þess sem verk eftir átjándu
aldar tónskáldið Georg Philipp
Telemann prýða efnisskrána. Tón-
leikarnir eru liður í tónleikaferða-
lagi Aishu sem kemur í kjölfar
nýrrar plötu með verkum þessara
ólíku tónsmíðameistara. Sérstakur
gestur Aishu er Una Sveinbjarnar-
dóttir fiðluleikari sem kemur fram
með henni í verki Luigi Nono,
Hay que caminar, sem var meðal
allra síðustu verka þessa merka
tónskálds.
Hvar? Mengi við Óðinsgötu
Hvenær? Föstudag kl. 21.
Hvað kostar? 2000 kr.
Karókí upphitun
fyrir RIFF
Það styttist í RIFF, Alþjóðlega kvikmyndahátíð í Reykjavík sem hefst 29.
september. Það er því ekki seinna vænna en að fara að hita upp fyrir þá
veislu og nú tekur Hits & Tits dúóið að sér það verkefni. Það eru plötu-
snúðarnir og þúsundþjalasmiðirnir Margrét Erla og Ragnheiður Maísól
sem mynda Hits & Hits og hafa sérhæft sig í karókíkvöldum um árabil.
Nú setja þær saman sérstakt bíókaraoke þar sem kvikmyndatónlist er
í fyrirrúmi. Kvikmyndasagan er uppfull af söngvænni tónlist og nú er
bara að velja lag og láta ljós sitt skína!
Hvar? Stúdentakjallarinn
Hvenær? Föstudagur kl. 21
Hvað kostar? Ókeypis inn.
Tónleikar og fyrirlestrar
í gamla skólanum
Menntaskólinn í Hamrahlíð hefur
verið að halda upp 50 ára afmæli
sitt í vikunni og þar hafa fyrrver-
andi nemendur skólans stigið á
stokk til að tala um hugðarefni sín.
Lokadagurinn er í dag og hefjast
stuttir fyrirlestrar klukkan 11.15,
sem eru opnir bæði núverandi
nemendum, fyrrverandi nemend-
um og öllum áhugasömum.
Klukkan 11.45 er síðan boðið
upp á hádegistónleika þar sem
Árni Heimir Ingólfsson píanóleik-
ari, Hallveig Rúnarsdóttir sópran-
söngkona, Berglind María Tóm-
asdóttir þverflautuleikari, Guðrún
Dalía píanóleikari og Sigurður
Bjarki Gunnarsson sellóleikari
koma fram. Öll eru þau fyrrver-
andi nemendur úr þessum mikla
tónlistar-framhaldsskóla.
Hvar? Menntaskólinn í Hamrahlíð.
Hvenær? Föstudag, 11.15–3.15
Hvað kostar? Ekki neitt.
Sin Fang & Tilbury
Um síðustu helgi sendi tónlistar-
maðurinn Sin Fang, eða Sindri
Már Sigfússon, frá sér nýja plötu
sem heitir Spaceland, en þetta er
fjórða stóra platan frá Sin Fang.
Nú er líklegt að eitthvað skíni í
nýja efnið á tónleikum í Reykjavík,
þó ekki sé um eiginlega útgáfu-
tónleika að ræða. Hljómsveitin
Tilbury er einnig að undirbúa
nýja útgáfu, þriðju plötu sveitar-
innar, og því aldrei að vita nema
eitthvað af nýju efni frá þeim verði
prufukeyrt.
Hvar? Húrra, Tryggvagötu.
Hvenær? Föstudagur kl. 21.
Hvað kostar? 2000 kr.
Lífrænt brúðuleikhús
Engi heitir brúðuleikhús sýning
sem gerist í mannlausri fram-
tíð þar sem aðeins grasið ber í
sér minningar um það hvernig
hlutirnir voru. Það er Brúðuleik-
húsið Handbendi, sem er atvinnu-
leikhús á Norðurlandi vestra, sem
stendur að sýningunni. Hún er
ætluð börnum sem eru þriggja ára
og eldri. Höfundur sýningarinnar
er Grata Clough, sem býr brúðurn-
ar til úr lífrænum efnum sem safn-
að var á engjum úti og leikmyndin
er líka lifandi, plöntur sem vaxa
og dafna. Það er tónskáldið og
söngvarinn Paul Mosley sem er
höfundur tónlistarinnar. Sýningin
hlaut góðar viðtökur þegar hún
var frumflutt í London síðasta
sumar og verður aðeins nokkrum
sínum sett upp á Íslandi.
Hvar? Samkomuhúsið á Akureyri
Hvenær? Frumsýning á morgun,
laugardag, kl. 13.
Hvað kostar? 1600 kr.
Færeyskir gestir
Þeir Jógvan Joensen og Rógvi Odvørson frá Færeyjum eru saman í hljóm-
sveitinni Rökkvi. Sveitin gaf nýlega frá sér skífuna Where is the sun.
Þetta er popp- og rokktónlist, en þessir færeysku tónlistarmenn ætla að
bjóða reykvískum tónlistaráhugamönnum upp á órafmagnaða útgáfu af
plötunni við heimilislegar aðstæður í Norræna húsinu.
Hvar? Norræna Húsið
Hvenær? Föstudagur kl. 20.
Hvað kostar? Ókeypis tónleikar.
Framsækinn fiðluleikari