Fréttatíminn - 08.10.2016, Qupperneq 22
22 | FRÉTTATÍMINN | Laugardagur 8. október 2016
Svavar Knútur er kominn
með algjörlega nóg af fólki
sem smættar annað fólk
niður í holdarfar þess.
„Maður vill halda að þetta sé vel
meinandi, þegar fólk kemur og
klappar manni á bumbuna eins og
maður sé einhver búdda. Nú er ég
ekkert öfgafeitur, bara með frekar
venjulega bumbu, en hef verið
frekar þéttur alla mína fullorðins-
ævi. Fólk heldur að föðurlegt eða
móðurlegt klapp láti mann líða bet-
ur með að vera feitur. Ég bara veit
ekki hvað fólki gengur til. Þetta er
svo mikil innrás og bara svo furðu-
legt,“ segir Svavar Knútur.
„Mér finnst líka alltaf jafn skrít-
ið þegar fólk gefur manni óum-
beðin ráð, um að borða minna og
hreyfa mig meira, svona eins og
manni hafi bara aldrei dottið það
í hug,“ segir Svavar og hlær. „Þetta
er eitthvað svo brjálæðislega yfir-
lætislegt og furðulegt. Ég er ekkert
með bumbu því ég er átvagl og leti-
haugur. Ég labba alveg fullt, og ég
hjóla alveg fullt og borða jú kannski
of mikið en ég sé bara alls ekki fyr-
ir mér hvernig þetta fólk horfir á
feita manneskju lifa. Að við séum
bara með extra rjómatertu alltaf á
kantinum, að það sé bara þannig
sem við lifum!“
„Ég viðurkenni það alveg að ég
borða þegar mér liður illa. Þegar
ég er undir miklu stressi þá borða
ég og næ ekki að stunda jafnmikla
líkamsrækt og ég vildi því ég er á
fullu í allskonar verkefnum. Þannig
að ég á það til að fitna þegar ég er
undir álagi og þá kemur eitthvað lið
og eykur á þessa vanlíðan með því
að lesa manni pistil um það hversu
hvað óæðri manneskja maður sé því
maður er feitur. Og upphefur um
leið sjálft sig sem betri manneskju.
Svo koma svona karlrembutýpur og
segja, „já, en hann ER feitur,“ (með
digurri röddu). En það skiptir bara
engu máli hvort einhver er feitur
eða ekki. Það er ekki þitt að skipta
þér af því. Það er líka algjör óþarfi
að segja manni það því samfélag-
ið er löngu búið að innræta okkur
sjálfsfyrirlitningu fyrir að vera með
nokkur aukakíló. Það þarf engan
hressan kall á internetinu til að
segja manni það.“
„Ég er frábær manneskja með
kosti og galla og bumban mín skil-
greinir ekkert hver ég er. Ég er al-
veg jafn góður pabbi þó ég sé með
bumbu, ég er jafn góður eiginmað-
ur, vinur og tónlistarmaður. Og ég
hjóla og er í fínu formi og get hlaupið
tíu kílómetra þó ég sé með bumbu.
Er hægt að ætlast til einhvers meira?
Er það raunhæft að ætlast til þess
að maður sé líka eitthvert módel.
Bumban skilgreinir mig ekkert sem
manneskju, ekki frekar en aldurinn
eða háraliturinn. Ég nenni ekki að
þóknast einhverju fólki úti í bæ sem
hefur meiningar um það hvernig ég
lít út, ég lifi allt of skemmtilegu lífi
til þess.“
„Það vantar dálítið samhygðina í
fólk sem talar svona til manns. Feitt
fólk eru flóknar mannverur eins og
allir aðrir en ekki bara einhverjir
fituhlunkar. Að smætta fólk niður
í holdafar þess er bara svo glötuð
framkoma. Það er samt alls ekk-
ert þannig að ég verði hrikalega
móðgaður þegar fólk kemur svona
fram. Og ég fer ekkert að gráta inn-
an í mér þegar fólk talar illa um
feitt fólk. Ég fer alls ekkert í keng
því ég er búin að díla við mitt, en
ég fer hjá mér fyrir hönd þess sem
talar svona. Það sem er óþægileg-
ast er að upplifa fólk sem fávita. Því
mér finnst fólk sem talar niður til
annarra, vegna holdafars þeirra,
vera fávitar og þá verður maður
miður sín og vandræðalegur.“ | hh
Setta María segir kynferðis-
lega áreitni á djamminu hafa
orðið ágengari eftir að hún
fitnaði.
„Þetta eru oftast ómerkilegir litlir
hlutir sem maður pælir ekkert í en
svo þegar þetta safnast saman þá
finnur maður að það er allt í fitu-
fordómum. Fólk hefur til dæm-
is kommenterað á það hvað ég er
með á færibandinu í Bónus. Hvað
er fólk eiginlega að pæla í því hvað
eða hversu mikið ég er að borða,“
spyr Setta María og hlær að vitleys-
unni. „Ég gæti allt eins verið á leið
heim til tólf manna fjölskyldunnar
minnar með matinn.“
„Ég hef verið grennri og hef því
fundið hvernig viðmótið er annað
gagnvart feitum og grönnum. Eitt
sem mér finnst áhugavert er kyn-
ferðisleg áreitni á djamminu. Hún
hefur ekki orðið minni eða meiri
en hún varð miklu ágengari eftir að
ég fitnaði. Ég fæ svo rosalega hörð
viðbrögð við höfnun, eins og ég sé
alveg hrikalega dónaleg að láta mér
detta í hug að hafna fólki því ég er
feit. Fólk verður bara mjög reitt og
segir að ég sé feit tussa og álíka við-
bjóðslega hluti.“
„Ég hef líka upplifað að það sé
ásættanlegra fyrir mig að vera feit
ef ég er líka kvenleg,“ segir Setta
María sem er ötul baráttukona fyr-
ir réttindum samkynhneigðra og
hefur í gegnum tíðina leikið sér að
kynjuðum staðalímyndum með út-
liti sínu. „Mér finnst fólk vera óvina-
legra ef ég er ekki stelpuleg, það er
eins og það sé meira ásættanlegt að
ég sé feit ef ég er sæt og mála mig.
Því færri norm sem þú brýtur því
auðveldara verður lífið. Ef þú ætlar
að vera feit þá verður þú að minnsta
kosti að reyna að vera sæt.“
Þegar Setta María lendir í því
að vera fitusmánuð segir hún það
hjálpa að nota samfélagsmiðla til að
varpa ljósi á fáránleikann. „Sumt
fók er auðvitað bara ruglað og mað-
ur á bara að leiða þetta hjá sér. En
svo finnst mér ekki alltaf hjálpa að
leiða hlutina hjá sér. Þegar ég skrifa
um þessa hluti á facebook finn ég
hvað fólk verður hissa að heyra í
hverju maður lendir og líka hissa
á því hvað ég lendi oft í skrítnum
hlutum. En ég held það sé ekki svo
óalgengt, fólk bara talar ekki nógu
mikið um þetta. Fólk á bara að
standa upp og tjá sig.“ | hh
Fólk en ekki faraldur
Samtök um líkamsvirðingu, í samvinnu við Gunnar Frey Steinsson ljósmyndara og Mannréttindaskrifstofu Reykjavíkurborgar, opna mánudaginn
10. október ljósmyndasýninguna Við erum fólk en ekki faraldur í Ráðhúsi Reykjavíkur. Markmið sýningarinnar er að vekja athygli á því hvernig
fitufordómar birtast í samfélaginu og þeirri bjöguðu mynd sem einkennir umfjöllun um „offitufaraldurinn“. Á sýningunni er dregin upp mynd
af manneskjunum á bak við tölurnar sem mynda „faraldurinn“. Viðmælendur okkar í Fréttatímanum, þau Kristján, Súsanna, Svavar Knútur og
Setta María, eru meðal þeirra sem taka þátt í verkefninu.
„Ég er frábær manneskja með kosti og galla og bumban mín skilgreinir ekkert hver ég er,“ segir Svavar Knútur. Mynd | Hari
Nenni ekki að þóknast fólki út í bæ
Auðveldara að vera feit ef þú ert kvenleg og sæt
„Fólk verður bara mjög
reitt og segir að ég sé
feit tussa og álíka við-
bjóðslega hluti.“
Þegar Setta María lendir í því að vera fitusmánuð segir hún það hjálpa að nota
samfélagsmiðla til að varpa ljósi á fáránleikann. Mynd | Hari
„Það sem er
óþægilegast er
að upplifa fólk
sem fávita.“
„Tilgangurinn með Instagramminu mínu er að deila á það hvernig líkamar
birtast okkur í gegnum fjölmiðla og þá sérstaklega á samfélagsmiðlum,“
segir Tara Margrét Vilhjálmsdóttir. Tara hefur frá því í sumar birt reglu-
lega myndir af sér í mismunandi fatadressum
á Instagram. „Viðbrögðin hafa verið ótrúleg og
greinilegt að fólk vill meiri fjölbreytni þegar kem-
ur að líkamsstærðum. Það þurfa allir að vera svo
fullkomnir, fótósjoppaðir, grannir og í „réttum
hlutföllum“. Við sjáum feita líkama einungis á
niðrandi hátt. Mér finnst mikilvægt að fólk sjái
allskonar líkama í kringum sig því að ef við sjáum
bara eina tegund líkamsgerðar í kringum okk-
ur, líkamsgerð sem langfæstir ná að uppfylla og
það hefur neikvæð áhrif á líkamsmynd fólks. Mig
langar til að valdefla sjálfa mig og aðra í kringum
mig með því að stíga fram og sýna að feitir líkam-
ar geta líka verið fallegir og sterkir, en umfram allt
að við eigum líkama okkar sjálf.“
Feitir líkamar eru líka fallegir
Sérblað um
Bíla & Vetrardekk
Þann 15. október
gt@frettatiminn.is | 531 3300
Heimili & hönnun
Heimilistæki
Þann 14. október
auglysingar@frettatiminn.is | 531 3300